Дар Тоҷикистон нақшаи даъвати тирамоҳӣ 83,1 фоиз иҷро гардид
ДУШАНБЕ, 22.11.2021. /АМИТ «Ховар»/. Бо натиҷагирӣ аз сатҳи баргузории чорабиниҳои рӯзи аввал ва даъвату гусели саривақтии даъватшавандагон ба хизмати ҳарбӣ дар Ҷумҳурии Тоҷикистон даъвати тирамоҳӣ ба 83,1 фисад расид.
Тавре аз маркази матбуоти Вазорати мудофиаи Ҷумҳурии Тоҷикистон ба АМИТ «Ховар» хабар доданд, бо оғоз гардидани чорабиниҳои даъватӣ дар комиссариатҳои ҳарбии шаҳру ноҳияҳои кишвар нахустин шуда, дар ҷумҳурӣ шаҳру ноҳияҳои Вилояти Мухтори Кӯҳистони Бадахшон ва шаҳри Душанбе нақшаи пешбинигардидаро пурра ба анҷом расониданд.
Тайи беш аз як моҳи сипаригардидаи маъракаи даъвати тирамоҳӣ аллакай зиёда аз 30 шаҳру навоҳии ҷумҳурӣ аз иҷрои пурраи нақшаи пешбинигардида гузориш доданд.
Бояд гуфт, ки шурӯъ аз якуми октябри соли равон даъвати тирамоҳии шаҳрвандони ҷинси марди аз 18 то 27-солаи Ҷумҳурии Тоҷикистон ба хизмати ҳатмии ҳарбӣ дар мамлакат ҷараён дорад.
Иҷрои нақшаи ин маъракаи муҳими сиёсӣ давоми беш аз як моҳи сипаригардида дар комиссариатҳои ҳарбии шаҳру ноҳияҳои тобеи ҷумҳурӣ қариб 96%, дар вилояти Суғд 77,3% ва дар вилояти Хатлон 75%-ро ташкил медиҳад. Аз оғози даъвати тирамоҳии шаҳрвандон ба хизмати ҳатмии ҳарбӣ то имрӯз иҷрои нақша дар қаламрави ҷумҳурӣ қариб 83,1%-ро дар бар мегирад.
Ҷиҳати иҷрои саривақтии Фармони Президенти Ҷумҳурии Тоҷикистон муҳтарам Эмомалӣ Раҳмон «Дар бораи ба эҳтиёт рухсат додани хизматчиёни ҳарбие, ки муҳлати муқарраргардидаи хизмати ҳарбиро адо намудаанд ва даъвати навбатии шаҳрвандони солҳои таваллуди 1994-2003 Ҷумҳурии Тоҷикистон ба хизмати ҳарбӣ» ин маъракаи муҳими сиёсӣ дар дигар шаҳру навоҳии мамлакат муташаккилона ва дар сатҳи зарурӣ ҷараён дорад.
АКС: Вазорати мудофиаи ҶТ
НИШАСТИ МАТБУОТӢ. Ҳодисаҳои нохуш аз бемасъулиятии кормандон ва норасоии мутахассисони соҳавӣ ба амал меоянд
«НОЗИРИ МИНТАҚАВӢ-СИМОИ МИЛИТСИЯ». Барои нозирони минтақавии вилояти Хатлон даври омӯзишӣ гузаронида шуд
«Собиқадорони Вазорати корҳои дохилӣ дар ҳифзи тартиботи ҷамъиятӣ нақши назаррас мегузоранд», — бардошт аз ҳамоиш
Дар Душанбе ҷаласаи ҳамоҳангсозии сохторҳои қудратӣ ва мақомоти ҳифзи ҳуқуқ доир гардид
Таваҷҷуҳ! Насби таҷҳизоти махсуси рӯшноӣ ва садо дар мошинҳои шахсӣ хилофи қонун аст
Дар панҷ соли охир музди меҳнати амалкунандаи кормандони мақомоти ҳифзи ҳуқуқ дар Тоҷикистон 100 фоиз зиёд карда шуд
Дар Қувваҳои мусаллаҳи Тоҷикистон даври якуми таҳсил оғоз гардид
Дар Раёсати Вазорати корҳои дохилӣ дар вилояти Суғд доир ба ҳифзи ҳуқуқу манфиатҳои ноболиғон ҳамоиш доир шуд
Вазорати корҳои дохилӣ: «Ҳеҷ гоҳ корти бонкӣ ё маълумоти онро ба шахсони сеюм надиҳед»
Дар Палатаи ҳисоб оид ба сиёсати ҳуқуқии давлат дар самти пешгирӣ ва муқовимат ба экстремизм ва терроризм машварат доир шуд
Ҷаласаи Комиссия оид ба ҳолатҳои фавқулода ва мудофиаи граждании ноҳияи Шаҳринав баргузор шуд
Прокуратураи генералӣ: «Дар робита ба кушторҳои дар шаҳри Конибодом рухдода гумонбарон дастгир гардиданд»
