Форуми 2-юми муколама оид ба ҳамкории байналмилалии академияҳои идоракунии Осиёи Марказӣ, Қафқози Ҷанубӣ ва Аврупои Шарқӣ доир шуд

Ноябрь 18, 2021 15:32

ДУШАНБЕ, 18.11.2021 /АМИТ «Ховар»/. Имрӯз  дар доираи ҳамкорӣ бо Ҷамъияти ҳамкории байналмилалии Олмон (GIZ)  Форуми 2-юми муколама оид ба ҳамкории байналмилалии академияҳои идоракунии давлатии кишварҳои Осиёи Марказӣ, Қафқози Ҷанубӣ ва Аврупои Шарқӣ дар Академияи идоракунии давлатии назди Президенти Ҷумҳурии Тоҷикистон тариқи ҳузурӣ ва маҷозӣ (онлайнӣ) баргузор шуд, хабар доданд ба АМИТ  «Ховар» аз Академияи мазкур.

Дар ҷамъомад ректори Академияи идоракунии давлатӣ Абдухалил Ғафурзода, мушовири бахши Ёрдамчии Президенти Ҷумҳурии Тоҷикистон оид ба масъалаҳои кадрҳо Меҳрӣ Олимшо, директори Агентии хизмати давлатии назди Президенти Ҷумҳурии Тоҷикистон Ҷумъа Давлатов, ректорони академияҳои идоракунии давлатии ҷумҳуриҳои, Қазоқистон, Узбекистон, Қирғизистон, Гурҷистон, Украина, намояндагони Ҷамъияти ҳамкории байналмилалии Олмон (GIZ), Сафорати Олмон дар Ҷумҳурии Тоҷикистон, намояндагони Академияи хизмати давлатии назди Президенти Ҷумҳурии Туркманистон иштирок намуданд.

Дар ҷараёни форум дар назди Академияи идоракунии давлатии назди Президенти Ҷумҳурии Тоҷикистон «Маркази рушди ҳуқуқи маъмурӣ» бо таҷҳизоти муосир ифтитоҳ гардид. Маркази рушди ҳуқуқи маъмурӣ дар доираи ҳамкории судманд бо шарикони хориҷии Академия бунёд гардида, мақсад аз ташкили он ба роҳ мондани ҳамкорӣ  дар самти ҳалли масоили марбут ба расмиёти маъмурӣ-ҳуқуқӣ, мурофиаи маъмурӣ-ҳуқуқӣ, асосҳои ҳуқуқии хизмати давлатӣ ва идоракунии давлатӣ дар самтҳои гуногуни ҳаёти ҷамъиятӣ мебошад.

Ректори Академияи идоракунии давлатии назди Президенти Ҷумҳурии Тоҷикистон Абдухалил Ғафурзода зимни ифтитоҳи Форум иброз дошт, ки татбиқи ислоҳот ва рушди низоми хизмати давлатӣ ва идоракунии давлатӣ дар Ҷумҳурии Тоҷикистон аз самтҳои афзалиятноки сиёсати Ҳукумати Ҷумҳурии Тоҷикистон ба шумор меравад. Дар марҳилаи кунунии рушди давлатдорӣ дар Тоҷикистон нисбат ба тайёр кардани мухтахассисони баландихтисоси дорои қобилияти баланди баррасии масъалаҳои мураккаб дар муносибатҳои иҷтимоӣ талабот беш аз пеш меафзояд.

Форуми мазкур ду рӯз идома ёфта, дар 4 давра сурат мегирад. Дар давраҳои форум, аз ҷумла академияҳои маъмурии давлатҳои Осиёи Марказӣ, Гурҷистон ва Украина муаррифӣ гардида, мавзӯъҳои «Ҳуқуқи маъмурӣ-мурофиавӣ», «Этикаи хизмати давлатӣ», «Худидоракунии маҳаллӣ», «Идоракунии стратегии академияҳои маъмурӣ» аз ҷониби маърузачиён ва иштирокдорон мавриди муҳокимаи васеъ қарор дода мешаванд.

Дар маҷмӯъ, дар доираи Форум масъалаҳои мубрами баланд бардоштани сифати таълиму таҳқиқ, такмили ихтисос, бозомӯзӣ ва азнавтайёркунии кадрҳои соҳаи хизмати давлатӣ ва идоракунии давлатӣ мавриди баррасӣ қарор дода шуда, дар ин самт заминаҳои устувор гузошта мешаванд.

Дар фарҷоми форум миёни академияҳои идоракунии давлатӣ созишномаҳои нав ба имзо мерасанд.

АКСҲО: Академияи идоракунии давлатии назди Президенти ҶТ

Ноябрь 18, 2021 15:32

Хабарҳои дигари ин бахш

Дар муассисаи фарҳангии Созмони ҳамкории иқтисодии Теҳрон «Шаби мусиқии суннатии Тоҷикистон» баргузор шуд
Дар Осорхонаи миллӣ ба ифтихори Рӯзи таъсиси Шоҳигарии Арабистони Саудӣ намоиши аксҳо баргузор гардид
Дар Академияи миллии илмҳои Тоҷикистон бахшида ба Рӯзи таъсиси Қувваҳои Мусаллаҳ ҳамоиши тантанавӣ доир шуд
Дар Теҳрон шоми муштараки фарҳангии Тоҷикистон ва Эрон баргузор гардид
Сарбозону афсарон дар Осорхонаи миллӣ бо таъриху тамаддуни қадимии тоҷикон шинос гардиданд
21 ФЕВРАЛ-РӮЗИ БАЙНАЛМИЛАЛИИ ЗАБОНИ МОДАРӢ. Забони тоҷикӣ аз ҷиҳати ғановат ва сермаъноии калимаҳо байни забонҳои хурду бузурги дунё мақоми аввалро доро мебошад
Бахшида ба Рӯзи байналмилалии забони модарӣ дар Институти забон ва адабиёти ба номи Рӯдакӣ ҳамоиш доир шуд
Масъалаи баланд бардоштани соҳаи фарҳанг дар ноҳияи Ишкошим баррасӣ гардид
Муассисаи давлатии «Тоҷикфилм» бо синамогарони хориҷӣ филмҳои муштарак ба навор мегирад
«ИСТИҚЛОЛ ВА РУШДИ ЗАБОНИ МОДАРӢ». Бахшида ба Рӯзи байналмилалии забони модарӣ дар Душанбе ҳамоиш доир шуд
«ЗИНДА КУН АЗ САДОИ МАН ХОКИ ҲАЗОРСОЛАРО…». Давлатманд Холов дар ҷодаи мусиқӣ ва санъат яке аз нобиғаҳои барҷастаи Шарқ ба шумор меравад
УСТОДИ ФАЛАК, ҶОНИ ФАЛАК ТАРКИ ФАЛАК ГУФТ! Сурудҳои Давлатманд Холов ганҷинаи тиллоии миллат барои наслҳои оянда мебошанд