ОФТОБРО БО ДОМАН ПӮШИДА НАМЕШАВАД. Неруҳои Ҷабҳа гуфтанд, ки толибон дар Афғонистон бо ДИ* ва “Ал-Қоида”* робита доранд
ДУШАНБЕ, 11.11.2021 /АМИТ «Ховар»/. Ҳаракати радикалии «Толибон»*, ки қудратро дар Афғонистон ба даст овардааст, бо гурӯҳҳои террористии «Давлати исломӣ» (ДИ)* ва «Ал-Қоида* робитаи зич дорад. Дар ин бора дирӯз, 10 ноябр роҳбари бахши равобити хориҷии Ҷабҳаи муқовимати миллии Афғонистон, ки мухолифи толибон аст, Алӣ Майсам Назарӣ дар суҳбат бо мухбири ТАСС изҳори назар намуд.
«Робитаҳои “Толибон”* бо терроризми байналхалқӣ ҷудонашаванда мемонанд. Толибон наметавонанд ин робитаҳоро қатъ кунанд, зеро онҳо ба террористон имкон медиҳанди қонуният пайдо кунанд. Ҳама интизориҳо дар бораи ҷудо шудани толибон аз гурӯҳҳои ифротӣ комилан беасосанд”,-гуфт ӯ.
«Ҳар рӯз толибон гурӯҳҳои террористиро дастгирӣ менамоянд ва онҳоро устувортар месозанд. Дар айни замон дар Афғонистон миёни «Толибон»*, «Ал-Қоида»* ва ДИ* ягон тафриқаи возеҳ нест», — илова намуд ҳамсуҳбати агентӣ.
Ба гуфтаи намояндаи Ҷабҳа, куштори чанде қабл рухдодаи ходимону сиёсатмадорони ҷамъиятии афғон, инчунин ҳамлаҳои террористӣ дар Афғонистон «зери ниқоби ДИ* ба амал омаданд». «Террористони «Толибон»*, ДИ* ё «Ал-Қоида»* метавонанд номҳо ва паноҳгоҳҳои гуногун дошта бошанд, вале аз нуқтаи назари идеологияи онҳо ин як чиз аст», — иброз дошт Назарӣ.
Ба ғайр аз ин, намояндаи Ҷабҳаи муқовимати миллии Афғонистон зикр намуд, ки толибон ҳамчунин бо ташкилоти террористии «Ҳаракати исломии Узбекистон»* ва гурӯҳи экстремистии «Ҷамоати Ансоруллоҳ»* робитаҳои зич доранд.
«Робитаҳои зичи толибон бо террористони байналмилалӣ на танҳо ба давлатҳои минтақаи Осиёи Марказӣ, балки ба тамоми ҷаҳон таҳдид менамоянд», — хулоса намуд Назарӣ.
____________________________
*Ташкилоте, ки дар Тоҷикистон ва дигар давлатҳо мамнӯъ аст
АКС аз манбаъҳои боз
Натиҷаҳои даъвати шаҳрвандон ба сафи Қувваҳои Мусаллаҳи Тоҷикистон ҷамъбаст гардиданд
ФАРЗАНДОНИ ХУДРО БЕНАЗОРАТ НАГУЗОРЕД! Ҳангоми шиноварӣ қоидаҳои бехатариро бояд риоя намуд
Ҳайати Тоҷикистон дар ҷаласаи вазирони корҳои дохилии давлатҳои аъзои СҲШ дар Бишкек иштирок намуд
Тоҷикистон ва Эрон ҳамкориро дар самти мубориза бар зидди ҷиноятҳои муташаккили фаромиллӣ тақвият мебахшанд
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
