Озмуни «Маҳсулот ва хизматрасонии беҳтарин дар Ҷумҳурии Тоҷикистон» ҷамъбаст гардид

Ноябрь 21, 2021 14:43

ДУШАНБЕ, 21.11.2021 /АМИТ “Ховар”/. 21 ноябр дар Муассисаи давлатии «Кохи Борбад» маросими супоридани ҷоизаҳо ба ғолибони озмуни «Маҳсулот ва хизматрасонии беҳтарин дар Ҷумҳурии Тоҷикистон» баргузор гардид.

Дар маросими мазкур  мушовири бахши Ёрдамчии Президенти Ҷумҳурии Тоҷикистон оид ба рушди иҷтимоӣ ва робита бо ҷомеа Муҳиддин Панҷшанбезода, сардори раёсати инфрасохтори  Дастгоҳи иҷроияи Президенти Ҷумҳурии Тоҷикистон Исоҷон Қурбонзода, директори Агентии “Тоҷикстандарт” Темурҷон Абдулваҳобзода, муовинони директор, роҳбарони марказҳои вилоятию минтақавии Агентӣ ва дигар меҳмонони расмӣ иштирок намуданд.

Соҳибкорон намунаҳои маҳсулот ва хизматрасониҳои худро пешниҳод намуданд.  Ҳамзамон маҳсули дастии ҳунармандӣ низ ба намоиш гузошта шуда, теъдоди зиёди ҳунармандони мамлакат дар озмун ширкати фаъолона доштанд.

Озмуни «Маҳсулот ва хизматрасонии беҳтарин дар Ҷумҳурии Тоҷикистон» дар доираи татбиқи дастуру супоришҳои Асосгузори сулҳу ваҳдати миллӣ — Пешвои миллат, Президенти  Ҷумҳурии Тоҷикистон муҳтарам  Эмомалӣ  Раҳмон оид ба тақвияти истеҳсолоти воридотивазкунанда ва рушди содирот, таъмин намудани бозори истеъмолӣ бо молҳои баландсифат ва рақобатпазири ватанӣ, мусоидат ба саноатикунонии босуръати кишвар, ҳамзамон дар доираи таҷлили ҷашни 30 – солагии Истиқлолияти давлатии Ҷумҳурии Тоҷикистон доир гардид.

Дар маросими ҷоизасупорӣ ба ғолибон мушовири бахши Ёрдамчии Президенти Ҷумҳурии Тоҷикистон оид ба рушди иҷтимоӣ ва робита бо ҷомеа Муҳиддин Панҷшанбезода сухан карда, соҳибкоронро бо ин муваффақиятҳояшон муборакбод намуд ва  ҷиҳати дар оянда боз ҳам  беҳтар намудани сифат ва рақобатпазирии маҳсулоти ватанӣ ва саҳм гузоштан дар рушди иқтисодии мамлакат изҳори ақида намуд.

Озмуни мазкур  дар 2 давр доир шуда, дар он 290 корхона ва ташкилоти хизматрасон дархост пешниҳод намуда буданд. Дар натиҷаи хулосаи комиссия 116 корхонаю ташкилот ба даври ҷумҳуриявӣ роҳ ёфтанд.

Озмун аз рўи номгўи зерин гузаронида шуд:

— маҳсулоти хўрокворӣ, маҳсулоти саноатӣ, ҳунарҳои мардумӣ, маҳсулоти таъйиноти истеҳсолию-техникӣ

-хизматрасонии хӯроки умумӣ ва хизматрасонии  нуқтаҳои савдо.

Дар анҷом ба ғолибон диплом ва туҳфаҳои хотиравӣ тақдим карда шуданд.

Ноябрь 21, 2021 14:43

Хабарҳои дигари ин бахш

Байни сохторҳои мониторинги молиявии Тоҷикистону Русия ду санади ҳамкорӣ ба имзо расид
Дар доираи COP31 Тоҷикистон, Умон ва Непал роҳҳои ҳалли мушкилоти обу иқлимро баррасӣ карданд
Соли 2027 дар гузаргоҳи гумрукии ноҳияи Спитамен сохтмон ва насби таҷҳизоти сканкунии борҳо оғоз мегардад
Ҷаласаи 45-уми пленарии Гурӯҳи Авруосиё ба таъмини амнияти иқтисодию молиявӣ мусоидат менамояд
Ҳайати Тоҷикистон дар чорабинии сатҳи баланди вазирони Осиёи Марказӣ оид ба тағйирёбии иқлим иштирок намуд
Дар Фурудгоҳи байналмилалии Душанбе беш аз 3,5 кило маснуоти тиллоӣ мусодира карда шуд
Фонди иқлими сабз барои рушди соҳаи тандурустии Тоҷикистон 2 миллион доллар ҷудо менамояд
Лоиҳаи «Барномаи нави саноатикунонии босуръати Тоҷикистон барои солҳои 2026-2030» таҳия гардидааст
Масъалаҳои баргузории Форуми B5+1 дар Душанбе баррасӣ шуданд
Тоҷикистон ба Конвенсияи СММ оид ба мубориза бо биёбоншавӣ пешниҳод намуд, ки соли 2027 миссияи техникӣ ташкил карда шавад
Бо сабаби фаъолият накардани корхонаи «Хишти Тоҷикобод» сокинон ин масолеҳи сохтмониро аз Душанбе ва Ваҳдат бо роҳкирои гарон ворид менамоянд
Дар Минтақаи озоди иқтисодии «Ишкошим» ба маблағи беш аз 1 миллион сомонӣ кору хизматрасонӣ анҷом дода шуд