Патрушев шумораи террористонро дар Афғонистон эълон намуд

Ноябрь 11, 2021 13:18

ДУШАНБЕ, 11.11.2021 /АМИТ «Ховар»/. Дар Афғонистон беш аз бист сохтори террористӣ, ки тибқи ҳисоботи гуногун зиёда аз 23 ҳазор ҷангҷӯро муттаҳид мекунанд, амал менамоянд. Тавре АМИТ «Ховар» бо истинод ба ТАСС менависад, дар ин бора котиби Шӯрои амниятии ФР Николай Патрушев дар Деҳлии Нав зимни ҷамъбасти машваратҳои бисёрҷониба оид ба масъалаи Афғонистон, ки рӯзи чоршанбеи 10 ноябр баргузор гардид, ба рӯзноманигорон хабар дод.

Ӯ зикр намуд, ки иштирокчиёни вохӯрӣ вазъияти баамаломада дар Афғонистон, қабл аз ҳама, дар самти бехатарӣ, инчунин таъсири минтақавӣ ва ҷаҳонии онро баррасӣ намуданд. «Хатари асосии аз самти Афғонистон бароянда терроризм боқӣ мемонад. Тибқи арзёбиҳои гуногун, дар Афғонистон ҳоло беш аз 20 сохтори террористӣ бо теъдоди умумии зиёда оз 23 ҳазор ҷангҷӯ фаъолият мекунанд»,-гуфт Патрушев.

Ӯ диққати асосиро ба он равона кард, ки асоси «сарчашмаи даромад»-и фаъолияти террористон ҳанӯз ҳам чун пештара даромад аз ҳисоби мубодилаи ғайриқонунии маводи мухаддир, инчунин «ситонидани андоз, ба истилоҳ аз гурӯҳҳои муташаккили ҷиноӣ, ки ба истеҳсол ва паҳнкунии маводи мухаддир машғуланд», боқӣ мондааст. «Афғонистон бузургтарин истеҳсолкунандаи афюн дар ҷаҳон боқӣ мемонад, ки то 90% бозори ҷаҳониро таъмин мекунад», — изҳор дошт котиби Шӯрои амнияти Федератсияи Русия.


Патрушев иттилоъ дод, ки иштирокчиёни мулоқоти котибони шӯрои амниятӣ дар Деҳлии Нав оид ба ҳамоҳангсозии бештар дар мавриди Афғонистон, аз ҷумла дар мубориза бо терроризм, қочоқи маводи мухаддир ва муҳоҷирати назоратнашаванда ба тавофуқ расиданд.

«Мо ба мувофиқа расидем, ки давлатҳои худро дар самти Афғонистон, пеш аз ҳама, дар соҳаи мубориза бо терроризму ифротгароӣ, қочоқи ғайриқонунии маводи мухаддир ва муҳоҷирати назоратнашаванда ҳамоҳанг созем», — гуфт котиби Шӯрои амнияти Федератсияи Русия. Бино ба гуфтаи ӯ, иштирокчиёни нишаст масъалаи ҳарчӣ зудтар ба мардуми Афғонистон расонидани кумакҳои башардӯстонаро зикр намуданд.

Котибони шӯроҳои амниятӣ зикр намуданд, ки «нақши марказӣ ва калидӣ»-ро дар масъалаи идоракунии вазъият дар Афғонистон СММ мебозад. «Бо дарназардошти он ки аксари иштирокдорони чорабинии имрӯза аъзои Созмони ҳамкории Шанхай мебошанд, мо ба мувофиқа расидем, ки аз василаи ҳуқуқии СҲШ дар ин самт самаранок истифода барем», — идома дод Патрушев.

 

АКС аз манбаъҳои боз

Ноябрь 11, 2021 13:18

Хабарҳои дигари ин бахш

Дабири кулли СММ башариятро аз афзоиши хатари яроқи ҳастаӣ ҳушдор дод
Ҳабибулло Воҳидзода: Дар ноҳияҳои наздисарҳадии Тоҷикистон бо Афғонистон беш аз се тонна маводи нашъаовар мусодира гардид
Ҷаласаи Кумитаи зиддитеррористии Шӯрои амнияти СММ дар Ҳиндустон баргузор мегардад
Чин моҳи август раёсати Шӯрои амнияти Созмони Милали Муттаҳидро бар уҳда мегирад
Нақши Тоҷикистон дар мубориза бо муомилоти ғайриқонунии маводи нашъаовар дар минтақа муҳим арзёбӣ шуд
НЭНСИ ПЕЛОСӢ БА ТАЙВАН ОМАД. Сафири ИМА ба Вазорати корҳои хориҷии Чин даъват шуд
ИМА изҳор доштанд, ки ҳаққи гузаронидани амалиёти зиддитеррористӣ дар Афғонистонро нигоҳ медоранд
АЗ-ЗАВОҲИРӢ ДАР АФҒОНИСТОН КУШТА ШУД. Байден амалиёти ИМА-ро барои нобуд кардани роҳбари «Ал-Қоида» комилан муваффақона хонд
АРТИШИ МАРДУМИИ ОЗОДИХОҲИ ЧИН 95-СОЛА ШУД. Имрӯз ҶМЧ солгарди таъсиси қувваҳои мусаллаҳашро таҷлил менамояд
Густариши ҳамкории Тоҷикистон ва Ҷопон доир ба мубориза бар зидди ҷинояткории фаромиллӣ баррасӣ гардид
БУНЁДИ МУДОФИАВӢ БА ХОТИРИ ҲИФЗИ СУЛҲ ДАР ҶАҲОН. 1 август Артиши мардумии озодихоҳи Чин солгарди 95-уми таъсиси худро таҷлил менамояд
Прокуратураи генералии Русия ба суд даъво пешниҳод кард, ки Ҳизби наҳзати исломии Тоҷикистон террористӣ эътироф гардад

Маводҳои таҳлилӣ