РАСМАН! Шаҳрванди Тоҷикистон Диловар Ҷӯраев аз боздошт дар Русия озод шуд

Ноябрь 16, 2021 16:32

ДУШАНБЕ, 16.11.2021 /АМИТ «Ховар»/. Шаҳрванди Ҷумҳурии Тоҷикистон Диловар Ҷӯраев, ки 8 ноябри соли 2021 дар шаҳри Новосибирски Федератсияи Русия бо дархости истирдоди мақомоти ҳифзи ҳуқуқи Ҷумҳурии Қирғизистон боздошт шуда буд, озод карда шуд, иттилоъ доданд аз маркази матбуоти Прокуратураи генералии Ҷумҳурии Тоҷикистон ба хабарнигори АМИТ «Ховар».

Тавре дар иттилоияи расмии Прокуратураи генералии Ҷумҳурии Тоҷикистон омадааст, «шаҳрванди Ҷумҳурии Тоҷикистон Диловар Ҷӯраев, соли таваллудаш 23 майи соли 1969  8 ноябри соли 2021 дар ҳудуди шаҳри Новосибирски Федератсияи Русия бо дархости истирдодии мақомоти ҳифзи ҳуқуқи Ҷумҳурии Қирғизистон барои гӯё ташкил намудани бетартибиҳои оммавӣ ва авбошӣ дар ҳудуди наздисарҳадӣ ва делимитатсия ношудаи байни ноҳияи Исфараи вилояти Суғди Ҷумҳурии Тоҷикистон ва ноҳияи Боткани Ҷумҳурии Қирғизистон дастгир шуда буд. Бо дархости Прокуратураи генералии Ҷумҳурии Тоҷикистон аз ҳабс озод карда шуд».

Дар робита ба ин, роҳбарияти Прокуратураи генералии Ҷумҳурии Тоҷикистон ба роҳбарияти Прокуратураи генералии Федератсияи Русия барои ҳамкории судманд изҳори сипос намуд.

Ёдовар мешавем, ки 12 ноябри соли 2021 Прокуратураи генералии Ҷумҳурии Тоҷикистон ба Прокуратураи генералии Федератсияи Русия бо дархости бе баррасӣ гузоштани дархости ҷониби Қирғизистон ва озод кардани Б.Д.Ҷӯраев аз ҳабс нома ирсол карда буд.

Илова бар ин, Прокуратураи генералии Ҷумҳурии Тоҷикистон ба Прокуратураи генералии Ҷумҳурии Қирғизистон бо дархости қатъи амалияи оғози парвандаҳои ҷиноии беасос бо иттиҳоми шаҳрвандони мо дар ташкили бетартибиҳо дар хатти сарҳадӣ дархост ирсол намуд.

АКС: АМИТ «Ховар»

Ноябрь 16, 2021 16:32

Хабарҳои дигари ин бахш

Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир шуд
Ҷавонон бояд қарзи шаҳрвандӣ — таҳсили илму дониш ва саҳмгузорӣ дар пешрафти Ватанро софдилона иҷро намоянд
Тоҷикистон дар мубориза бо қочоқ ва муомилоти ғайриқонунии маводи нашъаовар нақши калидӣ дорад
Ҳайати Тоҷикистон дар чорабиниҳои канорӣ дар доираи иҷлосияи 67-уми Комиссияи Созмони Милали Муттаҳид оид ба воситаҳои нашъадор иштирок намуд
Дар Вена ҳамкории Тоҷикистон бо Чин ва Эрон дар мубориза бо муомилоти ғайриқонунии маводи нашъадор баррасӣ шуд
Ҷаласаи гурӯҳҳои кории ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон баргузор гардид
Ҳайати Тоҷикистон дар чорабинии канории Қазоқистон дар Вена иштирок намуд
Дар Вена оид ба сиёсати зиддимухаддиротии Ҷумҳурии Тоҷикистон маълумот дода шуд
Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир гардид
Тарбияи ватандӯстӣ — омили муттаҳидии миллат дар мубориза бар зидди ифротгароӣ ва хурофотпарастӣ
Ҳайати Тоҷикистон дар иҷлосияи 67-уми Комиссияи Созмони Милали Муттаҳид оид ба воситаҳои нашъадор дар Вена иштирок дорад
14 МАРТ-ИДИ КАСБИИ КОРМАНДОНИ ПРОКУРАТУРА. Давоми 32 сол фаъолияти ин ниҳоди давлатӣ ба таври назаррас тақвият ёфт