Ҳайати Тоҷикистон дар Саммит ва Намоишгоҳи Будапешт-2021 оид ба рушди устувори сайёра иштирок дорад
![](https://khovar.tj/wp-content/uploads/2021/12/20211130-132100.jpg)
ДУШАНБЕ, 01.12.2021 /АМИТ «Ховар»/. Саммит ва Намоишгоҳи Будапешт-2021 оид ба рушди устувори сайёра 29 нобяр таҳти раисии Президенти Маҷористон Янош Адер ба кори худ шурӯъ кард, ки дар он ҳайати Тоҷикистон иштирок дорад. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
«Роҳбари ҳайати Ҷумҳурии Тоҷикистон, муовини Вазири корҳои хориҷӣ Шараф Шерализода мавқеи кишвари моро оид ба мавзӯъҳои умдаи рӯзномаи ҷаҳонӣ ироа менамояд», — иттилооъ доданд дар ВКХ Тоҷикистон.
Саммити Будапешт ба мавзӯи рушди устувор бахшида шуда, ҳадафи он баланд бардоштани сатҳи огоҳӣ оид ба амалияи номатлуби экологӣ, иҷтимоӣ ва иқтисодӣ дар байни ҷомеа, бахусус ҷавонон мебошад.
Саммит ва Намоишгоҳи Будапешт-2021 оид ба рушди устувори сайёра то 5 декабр идома меёбад.
АКС: ВКХ Тоҷикистон