Ба тарбиятгирандагони Мактаб-интернати ҷумҳуриявии кӯдакони ятими ноҳияи Шаҳринав туҳфаҳои идонаи Пешвои миллат тақдим шуданд
ДУШАНБЕ, 30.12.2021 /АМИТ «Ховар»/. Раиси Кумитаи давлатии идораи замин ва геодезии Ҷумҳурии Тоҷикистон Ориф Хоҷазода ҳамчун намояндаи Ҳукумати Ҷумҳурии Тоҷикистон ба 258 нафар тарбиятгирандагони Мактаб-интернати ҷумҳуриявии кӯдакони ятим дар ноҳияи Шаҳринав туҳфаҳои солинавии Пешвои миллат, аз ҷумла либосҳои зимистона, пойафзол, шиму костюм, сарпӯшҳои мавсимӣ ва туҳфаҳои солинавӣ тақдим намуд, хабар доданд ба АМИТ «Ховар» аз Кумита.
Ориф Хоҷазода тарбиятгирандагони мактаби мазкурро бо фарорасии соли нави мелодӣ шодбош намуда, таваҷҷуҳи махсуси Президенти Ҷумҳурии Тоҷикистон муҳтарам Эмомалӣ Раҳмонро ба таълиму тарбияи насли навраси мамлакат махсус иброз намуд.
Зикр гардид, ки ҳамасола бо дастгирии бевоситаи Пешвои миллат, озмунҳои мухталиф баргузор гардида, барои муаррифии соҳибистеъдодҳо заминаи мусоид фароҳам меорад ва ҳавсмангардонии онҳо бо ҷоизаву маблағҳои пулӣ ва муқаррар шудани баъзе имтиёзҳо ба онҳо кулли кӯдакону наврасонро водор менамояд, ки бештар китобҳои бадеӣ мутоила намуда, савияи дониш ва маҳорати суханрониашонро сайқал диҳанд.
Тарбиятгирандагони Мактаб-интернати ҷумҳуриявии кӯдакони ятим дар ноҳияи Шаҳринав ба Пешвои миллат барои ғамхории навбатӣ ва туҳфаҳои идона изҳори сипос намуда, ваъда доданд, ки бо баҳои хубу аъло таҳсил намуда, бо рафтору кирдори намунавӣ кӯшиш хоҳанд кард, ки пайрави Пешвои муаззаму ғамхор буданашонро дар амал собит намоянд.
Президенти Ҷумҳурии Тоҷикистон муҳтарам Эмомалӣ Раҳмон дар Паёмашон ба Маҷлиси Олии мамлакат 16 апрели соли 2005 таъкид дошта буданд, ки «ман ба кӯдакони ятиму бепарастор, маъюбону пиронсолони бесаробон ва иштирокчиёну маъюбони Ҷанги Бузурги Ватанӣ муроҷиат карда, изҳор менамоям, ки шумоёнро ҳаргиз хору зор шудан намемонам ва ҳеҷ гоҳ дар танҳоиву бесоҳибӣ намегузорам».
Ин аст, ки шахсони эҳтиёҷманд ва ятиму танҳо ҳамеша таҳти таваҷҷуҳи махсуси Президенти Ҷумҳурии Тоҷикистон қарор дошта, тақдими туҳфаҳои идона ва ба ғамхорӣ фаро гирифтани онҳо, тибқи дастури Пешвои миллат дар арафаи ҷашнҳо ба ҳукми анъана даромадааст.
АКСҲО: Кумитаи давлатии идораи замин ва геодезӣ
БРИТАНИЯИ КАБИР БА ҶАЛБИ ҚУВВАИ КОРӢ АЗ ТОҶИКИСТОН ОМОДА АСТ. Имсол 500 нафар шаҳрвандони Тоҷикистон ба Британияи Кабир сафарбар мегарданд
Дар Агентии хизмати давлатӣ масъалаи пардохти музди меҳнати хизматчиён ҳангоми таҳсил баррасӣ гардид
ШАҲРИ ЗЕБОИ МАН. Милитсияи Хатлон ба истиқболи 35-солагии Истиқлоли давлатӣ ба бунёдкорӣ иқдом гирифт
«МАКТАБИ СИЁСИИ ПЕШВОИ МИЛЛАТ». Таҳти ин унвон дар шаҳри Бохтар конференсияи байналмилалии илмӣ-амалӣ доир мегардад
ХУРОФОТ ҶАҲОЛАТ АСТ. Дар ҷамоатҳои шаҳри Исфара бо сокинон оид ба хатари таассуб мулоқот доир шуд
Охири моҳи апрел ва аввали май Тоҷикистонро ҳавои номусоид интизор аст. Таъсири он ба соҳаи кишоварзӣ чӣ гуна аст?
Дар якчанд минтақаҳои Тоҷикистон корҳои безараргардонии жола анҷом ёфтанд
«ДӮСТ ОЯД ГАРМ ДАР ОҒӮШ ГИР!». Дар Тоҷикистон аввалин меҳмонии ҷавонони ҷумҳурӣ дар минтақаҳо оғоз шуд
Дар Конибодом доир ба оқибатҳои ногувори таассубу хурофотпарастӣ ва омилҳои пешгирии он мулоқот доир шуд
Дар Душанбе масоили ҳуқуқ, таҳсил ва бокортаъминкунии маъюбон таҳлилу баррасӣ гардид
Дар Тоҷикистон мавсими эҳтимолии сел, обхезӣ ва сангрезӣ аст. Чиро бояд дар хотир дошт?
Дар Восеъ довталабони хизмати аскарӣ соҳиби шаҳодатномаи ронандагӣ шуданд
