Боздошти сокини Хуҷанд, ки гӯё ба нобудсозии сагҳои кӯчагӣ машғул будааст

Декабрь 10, 2021 09:35

ДУШАНБЕ, 10.12.2021 /АМИТ «Ховар»/. Шуъбаи Вазорати корҳои дохилӣ дар шаҳри Хуҷанд шахси номаълумеро, ки гӯё бо се адад сагҳои зоти немисии «Овчарка» дар кӯчаҳои шаҳри Хуҷанд ба ҷароҳатрасонӣ ва нобудсозии сагҳои кӯчагӣ машғул аст, муайян намуд, хабар доданд аз Вазорати корҳои дохилии Ҷумҳурии Тоҷикистон ба АМИТ «Ховар».

Шуъбаи Вазорати корҳои дохилӣ дар шаҳри Хуҷанд дар натиҷаи санҷиши навори шабакаҳои иҷтимоӣ, ки дар он шахси номаълуми дорандаи се саги зоти немисии «Овчарка» гӯё дар кӯчаҳои шаҳри Хуҷанд ба ҷароҳатрасонӣ ва нобудсозии сагҳои кӯчагӣ машғул аст, муайян намуд, ки ин рафтори нороҳаткунанда аз ҷониби шаҳрванд Темуров Ато Ҷӯраевичи 46-сола, истиқоматкунандаи кӯчаи Давронбек Аҳмадбекови шаҳри Хуҷанд анҷом дода шудааст.

Бояд зикр намуд, ки паҳн гаштани навори мазкур дар шабакаҳои интернетӣ ва шарҳу эроди истифодабаранадагони сомонаҳои иҷтимоӣ милитсияи шаҳри Хуҷандро водор намуд, ки шахсияти иштирокчии ҳодисаро ҷиҳати пешгирии чунин амалҳои номатлуб муайян намояд.

Мавриди зикр аст, ки шаҳрванд Ато Темуров гирифтори бемории рӯҳӣ буда, аз соли 1995 то инҷониб дар қайди Маркази бемориҳои рӯҳӣ-равонии вилояти Суғд қарор дорад. Номбурда қобилияти ромкунии сагҳоро дошта, ҷиҳати омӯзонидан ва тарбияи сагҳои хонагӣ ба шаҳрвандон хизмат мерасонад. Се адад саги зоти немисии «Овчарка»-и дар навор инъикосёфта низ ба дигар шахсон тааллуқ дошта, танҳо ба хотири тарбияву ромкунӣ дар ихтиёри ӯ гузошта шудаанд.

«Ба маълумоти шаҳрвандон мерасонем, ки ҳолати гӯё ҳамарӯза машғул шудан ба нобудсозии сагҳои кӯчагӣ аз ҷониби Ато Темуров дар шаҳри Хуҷанд воқеъият надошта, танҳо амали якдафъаина буд, ки бо мусоидати ҷомеаи шаҳрвандӣ ошкор ва пешгирӣ карда шуд»,-зикр намуд манбаъ.

Айни ҳол шаҳрванд Темуров Ато Ҷӯраевич боздошт ва барои табобат ба Маркази бемориҳои рӯҳӣ-равонии вилояти Суғд дастрас карда шудааст.

АКС: ВКД ҶТ

Декабрь 10, 2021 09:35

Хабарҳои дигари ин бахш

МегаФон Тоҷикистон туҳфаҳои аввалини иқдоми «МегаМиллион»-ро тақдим намуд
Имрӯз дар Тоҷикистон раъду барқ ба амал меояд
Орзуи миллионер шудан бо ZET-MOBILE воқеъист
1 октябр ҷаласаи Шурои Маҷлиси миллии Маҷлиси Олии Ҷумҳурии Тоҷикистон баргузор мешавад
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
Лоиҳаи «Стратегияи Ҷумҳурии Тоҷикистон оид ба пешгирии экстремизм ва терроризм барои солҳои 2026-2030» баррасӣ шуд
Тоҷикистон ислоҳоти муассир ва одилонаи воситаҳои молиявии байналмилалиро ҷонибдорӣ менамояд
Мактаб-интернатҳои ҷумҳуриявии шаҳри Ҳисор ба давраи тирамоҳу зимистон омода мебошанд
Дар Душанбе Мусобиқаи «Дави дӯстӣ» баргузор мегардад
Имрӯз дар шаҳри Душанбе ҳаво то 31 дараҷа гарм мешавад
Дар ноҳияи Сангвор бо афсарону сарбозон вохӯрии судманд баргузор гардид
HUAWEI маҳсулоти инноватсионии худро дар Париж муаррифӣ намуд