Дар Суғд доир ба шарҳи қонунҳои миллӣ корҳои таблиғотӣ ва силсиламулоқот гузаронида шуданд

Декабрь 6, 2021 10:02

ДУШАНБЕ, 06.12.2021 /АМИТ «Ховар»/. Раёсати Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон дар вилояти Суғд  дар якҷоягӣ бо Раёсати кор бо занон ва оилаи вилоят дар якҷоягӣ бо шуъбаҳои кор бо занон ва оилаи мақомоти иҷроияи ҳокимияти давлатии шаҳру ноҳияҳои Исфара, Конибодом, Бобоҷон Ғафуров ва Ҷаббор Расулов бо сокинони маҳаллаҳои  Ҷамоати деҳоти Сурх, Чоркӯҳи шаҳри Исфара, Ҷамоати деҳоти Патари шаҳри Конибодом, Ҷамоати деҳоти Хистеварз, Овчиқалъачаи ноҳияи Бобоҷон Ғафуров, Ҷамоати деҳоти Сомониёни ноҳияи Ҷаббор Расулов мулоқотҳо доир намуданд, хабар медиҳад АМИТ «Ховар» бо истинод ба Кумитаи мазкур.

Дар мулоқоту вохӯриҳо гурӯҳи кории Раёсат аз ҳисоби бонувони хизматчии шӯрои занони Раёсати Кумитаи ҳолатҳои фавқулода ва мудофиаи гражданӣ дар вилояти Суғд ва намояндагони шуъбаҳои кор бо занон ва оилаи мақомоти иҷроияи ҳокимияти давлатии шаҳру ноҳияҳои Исфара, Конибодом, Бобоҷон Ғафуров ва Ҷаббор Расулов иштирок  намуданд.

Ҳадаф аз баргузории вохӯриҳои мазкур фаҳмонидани моҳият ва дарки қонунҳои амалкунандаи Ҷумҳурии Тоҷикистон, аз ҷумла «Дар бораи пешгирии зӯроварӣ дар оила», «Дар бораи масъулияти падару модар дар таълиму тарбияи фарзанд» ва «Дар бораи танзими анъана ва ҷашну маросими миллӣ» арзёбӣ гардиданд.

Зимини мулоқот масоили вобаста ба пешгирии ҳодисаҳои номатлуби ҷомеа, бахусус хушунат дар оила, ҷудошавии оилаҳои ҷавон, ҷинояту ҷинояткорӣ миёни занон ва ҷавонону ноболиғон, пешгирии омилҳои шомилшавӣ ба гурӯҳҳои экстремистию террористӣ, муқовимат ба савдои одамон, пешгирии пӯшиши сару либоси ба фарҳанги миллии мо бегона, худдорӣ аз шабгардию оворагардӣ ва сарфакорию зиёдаравӣ, пешгирии бемориҳои сироятӣ, даъвати ҷавонони баномус ба сафи Қувваҳои Мусаллаҳи Ҷумҳурии Тоҷикистон ва ҳамзамон пешгирии ҳодисаҳои фавқулодаи дорои хусусияти табиӣ ва техногенӣ баррасӣ шуданд.

Ин гуна силсиламулоқот дар навоҳии дигари вилоят идома доранд.

 АКС: КҲФ ва МГ

Декабрь 6, 2021 10:02

Хабарҳои дигари ин бахш

НИШАСТИ МАТБУОТӢ. Чаро маъракаҳои ҳоҷиталбон ҳолати худнамоишдиҳӣ гирифтаанд?
Дар Тоҷикистон ҳолатҳои қонуншиканӣ вобаста ба вайрон намудани қонуни танзими анъана зиёд шудаанд
16 СОЛИ ПУР АЗ МАНФИАТ. Танзими анъана ва ҷашну маросим дар Ҷумҳурии Тоҷикистон ва муҳимияти он дар зиндагии сокинон
ТАНЗИМИ МАЪРАКАҲО — ОМИЛИ ЗИНДАГИИ БОСАОДАТ. Таҳти ин унвон дар шаҳри Левакант бо сокинон мулоқот доир гардид
Дар Вазорати молия ҷиҳати татбиқи қонуни танзим ҷаласа доир шуд
Барои риоя накардани Қонун «Дар бораи танзими анъана ва ҷашну маросим дар Ҷумҳурии Тоҷикистон» 358 парванда аз ҷониби судҳо баррасӣ гардид
Ҷаримаҳо барои риоя накардани талаботи қонун дар бораи танзими анъана ва ҷашну маросим зиёд карда шуданд
Суди ноҳияи Файзобод Шобидин Табаровро барои риоя накардани қонуни танзими анъана ва ҷашну маросимҳо ҷарима намуд
Дар 20 рӯз 9 ҳолати вайрон намудани муқаррароти қонуни танзими анъана ва ҷашну маросим ба қайд гирифта шуд
Ба сокини шаҳри Турсунзода барои риоя накардани Қонун «Дар бораи танзими анъана ва ҷашну маросим дар Ҷумҳурии Точикистон» ҷарима таъйин гардид
Суди ноҳияи Файзобод: Суннат Гулов барои риоя накардани қонун ба маблағи 2750 сомонӣ ҷарима месупорад
ХУДНАМОӢ ДАР ИСТИҚБОЛИ НАВЗОД. Чаро мутасаддиён бетарафанд?