Доир ба фаъолияти хусусии тиббӣ ва дурнамои рушди он конфронси миллии илмию амалӣ доир шуд

Декабрь 10, 2021 14:03

ДУШАНБЕ, 10.12.2021 /АМИТ «Ховар»/. Рушди соҳаи тандурустии кишвар ҳамчун самти афзалиятноки сиёсати иҷтимоии Ҳукумати Ҷумҳурии Тоҷикистон мавриди назар ва дастгирии доимии Асосгузори сулҳу ваҳдати миллӣПешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор дорад. Ҳукумати Ҷумҳурии Тоҷикистон ба масъалаи рушди фаъолияти хусусии тиббӣ таваҷҷуҳи махсус зоҳир менамояд. Ин нуктаро муовини Вазири тандурустӣ ва ҳифзи иҷтимоии аҳолии Ҷумҳурии Тоҷикистон Абдухолиқ Амирзода зимни ифтитоҳи конфронси миллии илмию амалӣ дар мавзӯи «Фаъолияти хусусии тиббӣ-дастовардҳо, мушкилот ва дурнамои рушд», ки 9 декабр дар шаҳри Душанбе баргузор гардид, баён намуд. Дар ин бора ба АМИТ «Ховар» аз маркази матбуоти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ доданд.

Конфронси мазкур бо ташаббуси Маркази тиббии «Насл» ва дар ҳамкорӣ бо Вазорати тандурустӣ ва ҳифзи иҷтимоии аҳолии Ҷумҳурии Тоҷикистон  доир гардид, ки дар кори он муовини Вазири тандурустӣ ва ҳифзи иҷтимоии аҳолии Ҷумҳурии Тоҷикистон Абдухолиқ Амирзода, Сардори Раёсати ташкили хизматрасониҳои тиббӣ ва технологияҳои муосири Вазорати тандурустӣ ва ҳифзи иҷтимоии аҳолии Ҷумҳурии Тоҷикистон Шайдулло Шарипов, роҳбарони марказҳои тиббии хусусии  шаҳри Душанбе ва  вилоятҳо иштирок намуданд.

Пеш аз оғози конфронс намоиши марказҳои тиббии хусусӣ доир гардид, ки иштирокдорон аз он дидан намуданд.

Дар ҷараёни ҳамоиш зикр шуд, ки дар даврони Истиқлолият тавассути ғамхориву дастгириҳои ҳамешагии Сарвари давлат ислоҳоти куллии қонунгузорӣ дар бахшҳои сармоягузориву соҳибкорӣ гузаронида шуд. Инчунин заминаи ҳуқуқии рушди бахши хусусӣ дар мамлакат мукаммал гардида, шароит фароҳам оварда шуд, то фаъолияти хусусии тиббӣ рушд ва тавсеа ёбад. Дар ин замина, шаҳрвандон ба хизматрасониҳои муосири тиббии босифат ҳамаҷониба дастрасӣ пайдо намуданд. Ва ҳамин тавр фаъолияти хусусии тиббӣ дар соҳаи тандурустӣ маҳз дар даврони Истиқлоли давлатӣ ба марҳилаи нави рушд ворид гардид.

Ҳоло бо мақсади мусоидат намудан ба инкишофи фаъолияти тибби хусусӣ дар Ҷумҳурии Тоҷикистон  тамоми санадҳо ва ҳуҷҷатҳои меъёрии ҳуқуқӣ, Конститутсяи Ҷумҳурии Тоҷикистон, Кодекси тандурустии Ҷумҳурии Тоҷикистон, қонунҳои Ҷумҳурии Тоҷикистон «Дар бораи тибби хусусӣ», «Дар бораи иҷозатномадиҳӣ ба баъзе намудҳои фаъолият», Низомнома «Дар бораи хусусиятҳои иҷозатномадиҳӣ ба баъзе намудҳои фаъолият» ва Низомнома дар бораи комиссияи иҷозатномадиҳии фаъолияти тиббии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон» таҳия ва тасдиқ карда шудаанд, ки дастури рӯимизии ҳар як субъекти фаъолияти хусусии тиббӣ ба ҳисоб мераванд.

АКС: Вазорати тандурустӣ ва ҳифзи иҷтимоии аҳолии ҶТ

Декабрь 10, 2021 14:03

Хабарҳои дигари ин бахш

Имрӯз дар Тоҷикистон ҳавои тағйирёбандаи бебориш пешгӯӣ мешавад
ҚУРБИ АСЪОР: дар Тоҷикистон 1 доллари ИМА аз 10.8763 то 10.9200 сомонӣ муқаррар шудааст
Вобаста ба Даҳаи муаррифии илми академии тоҷик конференсияи илмию назариявӣ баргузор шуд
Ҷавонони далери ноҳияҳои Айнӣ, Шаҳристон, Бобоҷон Ғафуров ва шаҳри Истаравшан ба хизмати Ватан гусел карда шуданд
Имрӯз дар шаҳри Душанбе ҳаво то 24 дараҷа гарм мешавад
«МегаФон Тоҷикистон» ва Лигаи футболи кӯдакону наврасон шартнома оид ба ҳамкорӣ бастанд
Дар Мянма тахмин мезананд, ки шумораи ҳалокшудагони заминларза аз 3 ҳазор нафар бештар мешавад
ПУРСИДЕД, ҶАВОБ МЕДИҲЕМ. Бақайдгирӣ ва аз қайд баровардани шаҳрванд аз ҷойи истиқомат чӣ гуна амалӣ мегардад?
Имрӯз дар водиҳои Тоҷикистон ҳаво то 23 дараҷа гарм мешавад
Теъдоди ҳалокшудагони заминларзаи Бангкок ба 20 нафар расид
Хонандагони тоҷик дар Олимпиадаи байналмилалии Infomatrix — Asia сазовори ҷойҳои намоён гардиданд
Теъдоди ҳалокшудагони заминларзаи Мянма ба 2056 нафар расид