Донишкадаи ҳарбии Тоҷикистон дар конфронс бахшида ба 80- солагии муҳорибаи Москва ширкат намуд

Декабрь 28, 2021 13:32

ДУШАНБЕ, 28.12.2021 /АМИТ «Ховар»/. Конфронси байналмилалии илмӣ- амалӣ дар мавзӯи «Муҳориба барои Москва: сабақҳо ва хулосаҳо», ки ба 80-умин солгарди муҳорибаи Москва бахшида шуда буд, дар шакли онлайн доир гардид. Конфронс бо ташаббуси Донишгоҳи миллии мудофиа ба номи нахустин президенти Қазоқистон- Елбаси баргузор карда шуд.

Дар он ҳайати профессорон-омӯзгорон ва шунавандагони Донишкадаи ҳарбии Вазорати мудофиаи Тоҷикистон, инчунин муассисаҳои олии ҳарбии пешқадами Озарбойҷон, Арманистон, Беларус, Қазоқистон, Қирғизистон, Узбекистон, намояндагони котиботи Шӯрои ИДМ, осорхонаҳои таърихӣ- низомӣ ва воҳидҳои ҷустуҷӯӣ иштирок намуданд.

Мавзӯи ягонагии халқи Шӯравӣ чун омили барҷастае, ки на танҳо ба раванди муҳорибаи Москва таъсир расонид, балки нақши асосиро барои ба даст овардани ғалаба дар тамоми ҷангҳо бозид, чун нуқтаи муҳим тамоми баромадҳои иштирокдорони конфронсро фаро гирифт.

Бо маърӯза оид ба нигаҳдошти хотираҳои таърихӣ дар бораи қаҳрамонон-ғолибон ва баёни норизоӣ ҷиҳати сохтакорӣ кардани гузаштаи қаҳрамонони халқҳои Иттифоқи Шӯравӣ роҳбари филиали Осорхонаи  таърихӣ-низомии Қувваҳои Мусаллаҳи Ҷумҳурии Қазоқистон, набераи генерал Иван Панфилов, командири дивизияи машҳури 316-уми тирандоз Алуа Байқадамова сухун гуфт. Дар бораи ҷанбаҳои амалии корҳое, ки дар ин самт амалӣ мегарданд, сардори Осорхонаи таърихӣ-низомӣ, доктори илмҳои фалсафа, полковник Нуртазо Асилов сухан намуд.

Баррасии ҳамаҷониба ва муфассали мавзӯъҳо тавассути баромадҳои пурмазмуни муаррихони ҳарбӣ, аз ҷумла: доктори илмҳои таърих Евгений Панин ва капитани дараҷаи 1 дар захира Нурулло Алиев, номзадҳои илмҳои таърих, полковник Андрей Шагов, Валерий Золотарев, Алексей Исаев, Андрей Плеханов ва Татяна Киселева; Андрей Колганов, номзади илмҳои сиёсӣ, Майдан Кусайнов, номзади илмҳои техникӣ, полковник Риспек Солтоев, подполковник Фаридун Эмомализода ва майори эҳтиётӣ Стёпа Аракелян сурат гирифт.

Зимни хулосабарорӣ дар хотимаи ҳамоиш иҷрокунандаи вазифаи сардори Донишгоҳи миллии мудофиа, номзади илмҳои техникӣ, профессор, полковник Амангелдӣ Тогусов аҳамияти баргузории чунин чорабиниҳои байналмилалӣ, инчунин динамикаи афзояндаи ҳамкории муассисаҳои таълимии олии ҳарбиро дар сиғаи Иттиҳоди Давлатҳои Мустақил зикр  намуд.

Ёдовар мешавем, ки 29 сентябри соли 1992 бо қарори Шӯрои вазирони Ҷумҳурии Тоҷикистон дар назди Вазорати мудофиаи Тоҷикистон Коллеҷи олии ҳарбӣ таъсис дода шуд. 30 апрели соли 2002 бо қарори Ҳукумати Ҷумҳурии Тоҷикистон ин муассисаи таълимӣ ба Донишкадаи ҳарбии Вазорати мудофиаи Ҷумҳурии Тоҷикистон табдил дода шуд.

ДАР АКС лаҳзае аз муҳорибаи  солҳои 1941-42 Москва инъикос ёфтааст

Декабрь 28, 2021 13:32

Хабарҳои дигари ин бахш

Кормандони Кумитаи ҳолатҳои фавқулода ва мудофиаи гражданӣ 20 нафарро аз ғарқшавӣ наҷот доданд
Дар марказҳои саратоншиносии Тоҷикистон низоми муосири бойгонӣ ва интиқоли аксҳои рентгенӣ татбиқ гардид
НИШАСТИ МАТБУОТӢ. Дар ноҳияи Рӯдакӣ беш аз 10 ҳазор ариза барои гирифтани замин дар баррасӣ қарор дорад
5 август дар Суди Олии иқтисодӣ, Хадамоти иҷро, Маркази тадқиқоти стратегӣ, «Амонатбонк» ва Маркази миллии тестӣ нишасти матбуотӣ баргузор мегардад
Дар заминҳои соҳили дарёи Зарафшон ва мавзеи Киштӯдак 1350 бех ниҳоли павловния парвариш карда мешавад
«Интернет барои хона» ҳудудҳои навро дар Душанбе фаро мегирад
Дар шаҳри Панҷакент ҳашари экологии «Тозагии маҳал» гузаронида шуд
Имрӯз дар Тоҷикистон ҳаво тағйирёбандаи бебориш мешавад
ТАҚВИМИ АМИТ «ХОВАР»: имрӯз 4 август, душанбе, 216-умин рӯзи соли 2025 аст
Имрӯз дар Кумитаи ҳолатҳои фавқулода ва мудофиаи гражданӣ, Агентии инноватсия ва технологияҳои рақамӣ, Хадамоти зиддиинҳисорӣ ва Ваколатдор оид ба ҳуқуқи инсон нишасти матбуотӣ баргузор мегардад
Кумитаи рушди сайёҳӣ бахшида ба Рӯзи ҷаҳонии сайёҳӣ озмун эълон менамояд
Дар Хоруғ даври шаҳрии Озмуни ҷумҳуриявии «Беҳтарин ҳамсар» баргузор гардид