ХАБАРИ ХУШ! Хонандагони муассисаҳои таълимии Тоҷикистон дар 3 олимпиадаи байналмилалӣ сазовори 8 медал гардиданд

Декабрь 30, 2021 16:30

ДУШАНБЕ, 30.12.2021. /АМИТ “Ховар”/. Хонандагони муассисаҳои таълимии Тоҷикистон дар 3 олимпиадаи байналмилалӣ соҳиби 8 медал гардиданд, хабар медиҳад АМИТ “Ховар”.

Рӯзҳои 6-11 декабр дар шаҳри Бокуи Ҷумҳурии Озарбойҷон Олимпиадаи байналмилалии “Озмоишгоҳи таълимии истеъдодҳо-2021” аз фанҳои математика, физика ва химия байни хонандагони синфҳои 9-10 баргузор гардид. Дар ин озмун хонандагон аз давлатҳои ИДМ ва Балтика иштирок намуданд. Ҷумҳурии Тоҷикистонро 3 нафар хонандагони муассисаҳои таълимии кишвар муаррифӣ намуда, Шукрона Охунова -хонандаи синфи 9-и Муассисаи давлатии таълимӣ барои хонандагони болаёқати шаҳри Хуҷанд сазовори ҷойи сеюм ва бо медали биринҷӣ сарфароз гардонида шуд.

Инчунин, рӯзҳои 11-12 декабр дар шаҳри Алмаатои Ҷумҳурии Қазоқистон Олимпиадаи даставии барномасозии АвруОсиёӣ байни хонандагони синфҳои 10-11 баргузор гардид, ки аз Ҷумҳурии Тоҷикистон 2 дастаи иборат аз 6 хонанда ва 1 роҳбари даста иштирок намуда, сазовори 6 ҷойи ифтихорӣ (3 медали биринҷӣ ва 3 медали нуқра) гардиданд. Аз ҷумла, Дилшод Имомов — хонандаи синфи 11-и Муассисаи давлатии таълимии “Литсей барои хонандагони болаёқат” дар шаҳри Душанбе медали биринҷӣ, Бинёмин Афроимов — хонандаи синфи 11-и Литсей барои хонандагони болаёқат дар шаҳри Душанбе медали биринҷӣ, Бежан Гулов — хонандаи синфи 11-и Литсей барои хонандагони болаёқат дар шаҳри Душанбе медали биринҷӣ, Шаҳром Аминов — хонандаи синфи 11-и филиали Литсей-интернати тоҷикӣ-русии Ҳотам ва ПВ дар шаҳри Ҳисор медали нуқра, Ворис Раҳимов -хонандаи синфи 11-и филиали Литсей-интернати тоҷикӣ-русии Ҳотам ПВ дар шаҳри Ҳисор медали нуқра, Бобохон Маҳмудов — хонандаи синфи 10-и филиали Литсей-интернати тоҷики-русии Ҳотам ПВ дар шаҳри Ҳисор медали нуқра ба даст оварданд.

Рӯзҳои 12-21 декабри соли ҷорӣ дар шаҳри Дубайи Аморати Муттаҳидаи Араб Олимпиадаи 18-уми байналмилалии илмӣ барои наврасон аз фанҳои физика, химия ва биология “IJSO 2021” тариқи фосилавӣ байни хонандагони синфҳои 5-9 баргузор гардид.  Ҷумҳурии Тоҷикистонро 6 нафар хонандагон муаррифӣ намуданд. Дар Олимпиадаи мазкур 74 давлат, аз ҷумла Олмон, Фаронса, Аргентина, Иёлоти Муттаҳидаи Америка, Британияи Кабир, Бразилия, Австралия, Федарстсияи Россия, Ҳиндустон, Чин, Руминия, Қазоқистон, Тоҷикистон ва ғайраҳо иштирок намуданд. Аз Ҷумҳурии Тоҷикистон Ғуломзода Ҳусейн — хонандаи синфи 9-и Литсей барои хонандагони болаёқат дар шаҳри Душанбе байни 400 нафар иштирокчӣ аз 74 давлати дунё ҷойи сеюмро ба даст оварда, бо медали биринҷӣ сарфароз гардонида шуд.

Зайнаб ҲУСЕЙНОВА,
корманди маркази матбуоти Вазорати маориф ва илми ҶТ

АКСҲО: Вазорати маориф ва илми ҶТ

Декабрь 30, 2021 16:30

Хабарҳои дигари ин бахш

«АЗ НАВРӮЗ ТО НАВРӮЗ». Таҳти чунин унвон дар Донишкадаи давлатии санъати тасвирӣ ва дизайн намоиши асарҳо ифтитоҳ гардид
Дар Наврӯз барои солимии бадан ғизои зарурӣ пешниҳод мегардад, ки оши бурида яке аз онҳост
ШОГУН БАҲОР МУБОРАК! Дар Бадахшон базми наврӯзии ҷавонон доир карда шуд
НАВРӮЗ — ҚИМАТТАРИН МЕРОСИ НИЁГОН. Мулоҳизаҳои мардумшинос дар бораи таҷлили он аз давраи Сосониён то соҳибистиқлолии Тоҷикистон
НАВРӮЗ БАРОБАРИ ҶАШНИ ИСТИҚЛОЛ АЗИЗ АСТ. Дар шаҳри Хоруғ базми пуршукуҳи наврӯзӣ доир гардид
Дар шаҳри Бохтар Наврӯз — ҷашни қадимии миллати тоҷикро хотирмон таҷлил намуданд
«КӢ БА МАҚСАД МЕРАСАД?». Таҳти ин унвон бахшида ба Наврӯз китоби қиссаҳои бачагона ба нашр расид
ОМАДАНАШ ФАРРУХУ ФАРХУНДА БОД! Дар адабиёти классик ва муосири тоҷик баҳору Наврӯз бо самимияти хосса тараннум гардидааст
Дар Москва Ҷашни байналмилалии Наврӯзро бо намоиши расму оинҳои тоҷикӣ таҷлил карданд
НАВРӮЗИ ТОҶИКИСТОН ҶАШНИ ШЕЪРУ СУРУД АСТ. Эҳдо ба Рӯзи байналмилалии шеър
ХУШ ОМАДӢ, НАВРӮЗ! Тибқи ҳисобҳои астрономӣ, соати 02:30-и 21 март Наврӯз ба Тоҷикистон фаро расид
Дар Маркази омӯзиши пиряхҳо бо хонандагони муассисаҳои таълимӣ ҳамоиши омӯзишӣ доир шуд