Кишварҳои ИДМ низоми муштараки алоқаи қувваҳои мусаллаҳро таъсис доданд
ДУШАНБЕ, 09.12.2021 /АМИТ «Ховар»/. Кишварҳои ИДМ низоми муштараки алоқаи қувваҳои мусаллаҳро барои табодули иттилоот ва ҳамоҳангсозӣ дар ҷараёни ҳамкорӣ миёни артиши кишварҳои Иттиҳод таъсис доданд, чунин бармеояд аз матни созишномае, ки дар портали иттилооти ҳуқуқӣ ба нашр расидааст, иттилоъ медиҳад АМИТ «Ховар».
Тибқи ҳуҷҷати мазкур, ки ба муҳлати номуайян баста шудааст, созишнома барои Русия аз 28 ноябри соли 2021 эътибор пайдо карда, дар зимн он барои ҳамроҳшавии ҳама кишварҳои узви ИДМ кушода мемонад. Ба ҷуз аз Федератсияи Русия то ба имрӯз ба он Арманистон, Беларус, Қазоқистон, Қирғизистон ва Тоҷикистон дохил шудаанд.
Тахмин меравад, ки вазифаҳои асосии низоми мазкур пешниҳоди хизматрасониҳои мухобиротӣ ва табодули иттилоот миёни Қувваҳои Мусаллаҳи кишварҳои иштирокчии созишнома, ҳамкорӣ дар самти низомӣ, расидан ба мувофиқати низомҳои миллии алоқа ва робитаҳои махсуси кишварҳои иттиҳод шаванд.
Ҳамоҳангсозии ин системаро кумитаи роҳбарони алоқаи неруҳои мусаллаҳи кишварҳои узви ИДМ анҷом медиҳад, ки роҳбари он сардори Сарраёсати алоқаи Қувваҳои Мусаллаҳи ФР хоҳад шуд.
Тибқи ҳуҷҷати мазкур, қисме аз қувваҳою воситаҳои ягонаи низоми алоқа навбатдории омодабоши ҳамешагиро бо нуқтаҳои роҳбарикунандаи кишварҳои узви созишнома таъсис хоҳанд дод.
Дар ин ҳол иштирокчиёни созишнома вазифадор мешаванд, ки иттилооти дар доираи кори низоми мухобиротӣ ба даст овардаро ба кишварҳои сеюм надиҳанд, инчунин маълумоти ба даст овардаро бар зарари штирокчиёни дигари созишномаи мазкур истифода накунанд.
АКС: РИА Новости
Дар Душанбе ҷаласаи Платформаи миллӣ оид ба паст намудани хавфи офатҳои табиӣ баргузор гардид
Котиби Шурои амнияти Ҷумҳурии Тоҷикистон бо Сафири Русия дар Тоҷикистон мулоқот намуд
Ҷаласаи корӣ бо иштироки роҳбарони мақомоти марказии иҷроияи ҳокимияти давлатии Ҷумҳурии Тоҷикистон доир гардид
ПЕШГИРИИ СӮХТОР. Қоидаҳо бар зидди сӯхторро қатъиян бояд риоя намуд
Милитсияи пойтахт аз шаҳрвандон талаб намуд, ки аз фурӯшу паҳнсозӣ ва истифодаи маводи тарфгарӣ худдорӣ кунанд
Ба муносибати таъсиси Воҳидҳои таъйиноти махсуси милитсия дар вилоятҳои Суғд, Хатлон ва Бадахшон ҷамъомади тантанавӣ доир шуд
РӮЗИ ТАЪСИСИ ВОҲИДҲОИ ТАЪЙИНОТИ МАХСУСИ МИЛИТСИЯ. Кормандони ин ниҳод вазифаҳои душвору масъулиятнок бар зимма доранд
Дар Минск вохӯрии вазирони корҳои дохилии Тоҷикистон ва Беларус баргузор гардид
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
«МУҚОВИМАТ БО КОРРУПСИЯ ДАР СОҲАИ ТИҶОРАТ». Дар Душанбе таҳти ин унвон форуми байналмилалӣ баргузор мешавад
Дар Душанбе оид ба усулҳои нави ҷамъоварии маълумот дар самти муқовимат ба савдои одамон ҷаласа доир шуд
Нақшаи даъвати тирамоҳии шаҳрвандони Тоҷикистон ба сафи Артиши миллӣ пурра иҷро гардид
