ПУТИН ТОҶИКИСТОНРО ДӮСТИ НЕК ВА ИТТИФОҚЧИИ БОЭЪТИМОД ХОНД. Дар Кремл Президенти ФР аз Сафири ҶТ эътимоднома қабул кард
ДУШАНБЕ, 02.12.2021 /АМИТ «Ховар»/. Дирӯз Президенти Русия аз 20 сафири навтаъйини кишварҳои хориҷӣ, аз ҷумла Сафири Фавқулода ва Мухтори Ҷумҳурии Тоҷикистон дар Федератсияи Русия Давлатшоҳ Гулмаҳмадзода эътимоднома қабул кард. Маросими тантанавӣ аз рӯи анъана дар толори Александровскийи Қасри калони Кремл баргузор шуд, хабар медиҳад АМИТ «Ховар» бо истинод ба Хадамоти матбуоти Президенти Федератсияи Русия.
Президенти Русия дар оғоз сафиронро бо оғози расмии фаъолияти дипломатиашон дар Русия табрик гуфта, ба онҳо дар иҷрои рисолати пуршараф ва масъулиятноки ба зиммаашон вогузоршуда ҷиҳати рушду таҳкими муносибатҳои байни давлатҳои онҳо бо Русия комёбӣ таманно намуд.
«Ва мо самимона манфиатдорем, ки кори шумо муваффақона бошад ва натиҷаҳои амалӣ орад. Албатта, шумо метавонед ба дастгирӣ ва кумаки мақомоти Русия, вазорату идораҳои мо, инчунин ба муносибати хайрхоҳона ва созандаи доираҳои тиҷоратӣ, сиёсӣ ва ҷамъиятии Русия умед дошта бошед», — гуфт Путин.
Президенти Русия зимни суханронии худ нуктаҳои асосии равобити Русия ва давлатҳоеро, ки сафирони нав намояндагӣ мекунанд, таъкид кард.
«Соли 2022 ба барқарории равобити дипломатӣ бо Тоҷикистон — дӯсти нек ва иттифоқчии боэътимоди Русия 30 сол пур мешавад, — зикр кард Путин. — Имсол дӯстони тоҷикистонӣ раёсати худро дар Созмони ҳамкории Шанхай ва Созмони Аҳдномаи амнияти дастҷамъӣ муваффақона анҷом доданд. Кишварҳои мо дар доираи ин сохторҳо ва инчунин дар Иттиҳоди Давлатҳои Мустақил ҳамкории зич доранд ва мавқеъҳоро оид ба масъалаҳои доғи минтақавӣ ҳамоҳанг мекунанд.
Бо дарназардошти вазъи душвор дар Афғонистони ҳамсоя, Русия ба дӯстони тоҷикистонӣ дар самти таъмини амният, аз ҷумла тавассути барномаи навсозии Қувваҳои Мусаллаҳи Тоҷикистон мусоидат менамояд».
АКСҲО аз сомонаи Кремл
Сафири Тоҷикистон бо роҳбари Институти дипломатии Кувайт ба номи Сауд Ан-Носир Ас-Сабоҳ мулоқот намуд
Хуттали Қадим ба Феҳристи мероси ҷаҳонии ЮНЕСКО ворид гардид
Сироҷиддин Муҳриддин бо роҳбарияти Дафтари Швейтсария оид ба ҳамкорӣ мулоқот намуд
Дар Душанбе Муколамаи сатҳи баланд оид ба сиёсат ва амният байни Иттиҳоди Аврупо ва Осиёи Марказӣ баргузор гашт
Дар Душанбе тавофуқоти ҳосилшуда зимни нахустин Саммити Осиёи Марказӣ ва Иттиҳоди Аврупо баррасӣ гардид
Дар Остона намоиши молу маҳсулоти кишоварзӣ ва саноатии Тоҷикистон баргузор мегардад
Сафири Тоҷикистон бо роҳбарияти Федератсияи палатаҳои тиҷоратии Арабистони Саудӣ мулоқот намуд
Дар Токио машваратҳои сиёсии байниидоравии Тоҷикистон ва Ҷопон баргузор гардиданд
Дар Теҳрон масъалаҳои консулӣ байни Тоҷикистон ва Эрон баррасӣ шуданд
Сарвазири Ҷумҳурии Тоҷикистон Қоҳир Расулзода бо Президенти Ҷумҳурии Қирғизистон Садир Жапаров мулоқот намуд
Намояндаи Тоҷикистон дар ҳафтумин Иҷлосияи махсуси мавзуӣ оид ба об ва офатҳои табиӣ иштирок намуд
Ҳайати Тоҷикистон дар иҷлосияи 47-уми Кумитаи мероси ҷаҳонии ЮНЕСКО иштирок дорад
