Шумораи гирифторони COVID-19 дар ҷаҳон аз 276 миллион нафар гузашт

ДУШАНБЕ, 22.12.2021 /АМИТ «Ховар»/. Ба ҳолати субҳи 22 декабр шумораи гирифторони сирояти коронавирус дар ҷаҳон ба 276 618 124 нафар расид, хабар медиҳад АМИТ «Ховар» бо истинод ба Созмони ҷаҳонии тандурустӣ (СҶТ).

Аз оғози паҳншавии вирус дар ҷаҳон пас аз сирояти COVID-19 5 386 065 нафар фавтидаанд.

Ба қатори кишварҳое, ки дар онҳо беш аз 20 миллион ҳолатҳои сирояти COVID-19 ба қайд гирифта шудаанд, ИМА, Ҳиндустон ва Бразилия дохил мешаванд.

Аз рӯи шумораи сироятшудагон  ва фавтидагон ИМА дар ҷои аввал буда, дар он 52 253 848 ҳолат ба қайд гирифта шудааст. Шумораи фавтидагон 830 990 нафарро ташкил медиҳад.

Ҳиндустон аз рӯи шумораи гирифторон дар ҷои дуюм буда, дар он шумораи ҳолатҳои тасдиқшудаи COVID-19 ба 34 758 481 нафар ва шумораи фавтидагон ба 478 325 нафар расидааст.

Дар ҷои сеюм Бразилия қарор дошта, дар он 22 219 477 нафар ба коронавирус мубтало шудаанд ва 617 991 нафар фавтидаанд.

Сомонаи «Worldometer», ки ба омори муҳимтарин рӯйдодҳои ҷаҳон тахассус дорад, гузориш медиҳад, ки мизони марг ба 1 миллион нафар аз аҳолии ҷаҳон субҳи чоршанбе 691,0 нафарро ташкил дод. Дар ИМА ба ҳар 1 миллион аҳолӣ 2489 нафар, дар Ҳиндустон — 342 ва дар Бразилия — 2877 нафар фавтидаанд.

АКС: Лента.ру