Таҳти раёсати Қоҳир Расулзода ҷаласаи навбатии Ситоди ҷумҳуриявӣ оид ба пурзўр намудани чораҳои зиддиэпидемиявӣ ва пешгирӣ аз интиқолу паҳншавии бемории сироятии COVID-19 баргузор гардид
ДУШАНБЕ, 10.12.2021. /АМИТ «Ховар»/. Имрўз таҳти раёсати Сарвазири Ҷумҳурии Тоҷикистон Қоҳир Расулзода ҷаласаи навбатии Ситоди ҷумҳуриявӣ оид ба пурзўр намудани чораҳои зиддиэпидемиявӣ ва пешгирӣ аз интиқолу паҳншавии бемории сироятии COVID-19 дар Ҷумҳурии Тоҷикистон баргузор гардид, хабар медиҳад АМИТ «Ховар».
Дар ҷаласаи навбатӣ вазъи ҳолати имрўза дар Ҷумҳурии Тоҷикистон, минтақа ва ҷаҳон, пурзўр кардани тадбирҳо баҳри гузаронидани ваксина, баланд бардоштани сатҳи хизматрасонии тиббӣ ва ҳамкории мутақобилаи сохторҳои аъзои Ситод ва дигар масъалаҳои мубрами рўз мавриди таҳлилу баррасӣ қарор дода шуд.
Таъкид шуд, ки Ҳукумати Ҷумҳурии Тоҷикистон аз оғози хурӯҷи ин бемории сироятӣ чараҳои таъхирнопазир андеша, дар ин самт ҳамкориро бо кишварҳои ҷаҳон ва созмону ташкилотҳои байналмилалию минтақавӣ дар сатҳи баланд ба роҳ монд.
Ба андешаи мутахассисони байналмилалӣ Ҷумҳурии Тоҷикистон ба қатори кишварҳое мансуб аст, ки то ҳол аз лиҳози амалкарди COVID-19 муваффақ аст ва заминаи асосии ин дар он аст, ки мардуми тоҷик ба тавсияҳои илмӣ бовар карданд, на ба хурофоту баҳсҳои ғайриилмӣ.
Дар ин росто кишварҳое, ки ба илм ва тавсияи олимони соҳа таваҷҷуҳ накарданд ба мушкилот рӯ ба рӯ гаштанд.
Ситоди ҷумҳуриявӣ оид ба пурзўр намудани чораҳои зиддиэпидемиявӣ ва пешгирӣ аз интиқолу паҳншавии бемории сироятии COVID-19 дар Ҷумҳурии Тоҷикистон ба таваҷҷуҳи шаҳрвандон мерасонад, ки то ҳол бемории сироятии COVID-19 бо суръат паҳн гашта, навъҳои гуногуни он ба қайд гирифта мешавад. Омикрон низ яке аз навъҳои бемории сирояти COVID-19 мебошад.
Вобаста ба ин аз ҳар як сокини мамлакат, гузаронидани ваксина, риоя намудани тавсияи мутахассисони соҳа, истифодаи ниқоб дар ҷойҳои ҷамъиятӣ ва дигар маводҳои безараргардонӣ талаб карда мешавад.
Бори дигар ба таваҷҷуҳи шаҳрвандон расонида мешавад, ки танҳо бо роҳи гузаронидани ваксина ва риояи тавсияи мутахассисони соҳаи тиб имкони пешгирии бемориҳои сироятӣ вуҷуд дорад.
Вобаста ба ин Ситоди ҷумҳуриявӣ оид ба пурзўр намудани чораҳои зиддиэпидемиявӣ ва пешгирӣ аз интиқолу паҳншавии бемории сироятии COVID-19 дар Ҷумҳурии Тоҷикистон баҳри ҷоннок намудани фаъолияти вазорату идораҳои дахлдор, мақомоти иҷроияи ҳокимияти маҳалии вилоят ва шаҳру ноҳияҳо дар самти назорати риояи қоидаҳои гигиенаи шахсию ҷамъиятӣ аз ҷониби сокинон, гузаронидани ваксина, андешидани чораҳои қатъии пешгирикунанда ва зиддиэпидемикӣ, ҳамчунин саривақт расонидани кӯмакҳои иҷтимоӣ, ки аз ҷониби Ҳукумати Ҷумҳурии Тоҷикистон ба оилаҳои ниёзманд ҷудо гардидааст қарор қабул намуд.
АКСҲО: АМИТ “Ховар”
Сарвари давлат: «Ҳар як фарди ҷомеа вазифадор аст, ки моҳияту аҳаммияти Конститутсияро ба фарзандони худ ҳанӯз аз хурдсолӣ фаҳмонад»
Эмомалӣ Раҳмон: «Маҳз ба шарофати Конститутсия ва амалӣ шудани меъёрҳои он дар Тоҷикистон фазои орому осуда муҳайё гардид»
Президенти Тоҷикистон: «Конститутсия соҳибистиқлолии халқи моро ба расмият дароварда, асосҳои бунёдии ҷомеа ва давлати навини тоҷиконро муайян намуд»
КОНСТИТУТСИЯ — ШАҲОДАТНОМАИ ХАЛҚИ ТОҶИКИСТОН. Иқтибосҳо аз суханрониҳои Президенти Тоҷикистон
Президенти Тоҷикистон: «Гузариш ба иқтисоди «сабз» барои ҷомеаи ҷаҳонӣ баҳри ҳаллу фасли масоили иҷтимоӣ имконоти зиёд фароҳам меоварад»
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Сарвари давлат: «Меҳргон яке аз муҳимтарин ҷашнҳои табиӣ ва фарҳангии мо – тоҷикон аст»
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст
Вуруди Резервати биосферии «Ромит» ба Шабакаи ҷаҳонии мамнуъгоҳҳои ЮНЕСКО — рӯйдоди муҳим дар соҳаи экологии Тоҷикистон
ДИПЛОМАТИЯИ ТОҶИКИСТОН: АЗ СУХАНРОНИИ ТАЪРИХӢ ТО ТАШАББУСҲОИ ГЛОБАЛӢ. Эҳдо ба Рӯзи кормандони хизмати дипломатии Тоҷикистон
Президенти Тоҷикистон: «Таъсиси Маркази минтақавии зеҳни сунъиро дар шаҳри Душанбе салоҳи кор мешуморем»
