ВИЖАГИҲОИ НИЗОМИ СИЁСӢ ДАР АФҒОНИСТОНИ МУОСИР. Имрӯз дар Душанбе таҳти ин унвон ҳамоиш доир шуд

Декабрь 15, 2021 17:00

ДУШАНБЕ, 15.12.2021. /АМИТ «Ховар»/. Афғонистон ба ҳайси кишвари мустақил бинобар ба қудрат расидани тоифаи зертобеъ аз қудратҳои ҷаҳонӣ мавсум ба толибон айни замон дар ҳоли ғайримушаххас ва номуайяни сиёсӣ қарор дорад. Коршиносони вижа тамоили маҳрум будани толибонро аз қобилияти идора кардани давлат мутазаккир шуда, муътақиданд, ки онҳо рӯзе қудратро канор хоҳанд гузошт. Ин нукта имрӯз зимни ҳамоиш  ҷиҳати баррасии авзоъ дар Афғонистон ва рӯнамои китоби доктори илмҳои таърих, профессор  Қосимшо Искандаров таҳти унвони «Афғонистон дар давраи ҳукумати ваҳдати миллӣ. Равандҳои сиёсӣ ва масоили амниятӣ» («Афганистан в  период правительства национального единства. Политические процессы и проблемы безопасности»), ки дар Академияи миллии илмҳои Тоҷикистон доир шуд, зикр гардид. 

Дар ҳамоиш Қосимшо Искандаров, ки аз зумраи коршиносони ватанист, ки бо авзои сиёсии Афғонистон  хуб ошноӣ дорад, гуфт, ки то он даме  толибон сари  қудратанд, ояндаи дурахшони  ҳамсоякишвари мо — Афғонистонро намебинад.

Ёдовар мешавем, чанде қабл дар суҳбат бо Директори АМИТ «Ховар» Саидалӣ Сиддиқ профессор  Қосимшо Искандаров тазаккур дода буд, ки ба сари қудрат омадани   толибон дар Афғонистон хатари терроризми глобалиро ба рӯзномаи ҷаҳонӣ баргардонд.

Мавсуф зикр намуда буд, ки тамоми асосҳо вуҷуд доранд ба он бовар кунем, ки ин кишвар ҳамчун яке аз гармтарин нуқтаҳои сайёра ба бетартибиҳои боз ҳам бештар дучор хоҳад шуд ва он метавонад дубора ба маркази таълими террористон, қочоқи маводи мухаддир ва силоҳ табдил ёбад.

Дар ҳамоиши мазкур дар атрофи пажӯҳиши густурдаи Қосимшо Искандаров иштирокдорон изҳори назар карданд.

Декабрь 15, 2021 17:00

Хабарҳои дигари ин бахш

Кормандони шуъбаву хадамоти фаврии мақомоти корҳои дохилии Тоҷикистон малакаи касбияшонро баланд мебардоранд
«КӮКНОР-2023». Дар вилояти Суғд амалиёти пешгирикунанда гузаронида мешавад
ҒАСБИ ХУДСАРОНАИ ЗАМИН ҶАВОБГАРИИ ҶИНОӢ ДАР ПАЙ ДОРАД. Иттилоияи Прокуратураи генералии Тоҷикистон дар ин маврид
Дар Душанбе Озмуни 10-уми ҷумҳуриявии «Нозирони навраси ҳаракат дар роҳ» ифтитоҳ ёфт
ҲУШДОРИ ПРОКУРАТУРАИ ГЕНЕРАЛӢ: «Аз қаллобоне, ки аз номи ширкати «Газпром»-и Федератсияи Русия баромад мекунанд, эҳтиёт бошед»!
«ТОҶИКИСТОН-ВАТАНИ АЗИЗИ МАН». 62 иштирокчии даври шаҳрии озмун дар Норак ба даври вилоятӣ роҳхат гирифт
Дар машқгоҳи таълимии кӯҳии «Марғоб» машқҳои ротавӣ-тактикӣ бо ҷалби афсарону сарбозон доир гардид
ИМРӮЗ — РӮЗИ САРҲАДБОНОНИ ТОҶИК. Онҳо на танҳо марзҳои Тоҷикистон, балки амнияти давлатҳои аъзои Иттиҳоди Давлатҳои Мустақилро низ ҳимоят мекунанд
Вазири корҳои дохилии Ҷумҳурии Тоҷикистон ба Вазири корҳои дохилии Федератсияи Русия барқия ирсол намуд
ИЗҲОРОТИ ВАЗОРАТИ МУДОФИА: «Хабари аз тарафи ҳамхизматонаш лату кӯб гардидани сарбози қаторӣ Аслиддин Маҷидов асос надорад»
Дар Хуҷанд даври шаҳрии Озмуни ҷумҳуриявии «Илм-фурӯғи маърифат» оғоз гардид
КОРРУПСИЯ – ВАБОИ АСР. Бо мақсади пешгирӣ аз ин зуҳуроти номатлуб дар Хадамоти гумрук вохўрӣ доир гардид