«Амонатбонк», «Ориёнбонк» ва «Бонки Эсхата» ба рӯйхати ташкилотҳои қарзии низомсоз ворид гардиданд
ДУШАНБЕ, 30.01.2022/АМИТ «Ховар»/. Бо қарори Раёсати Бонки миллии Тоҷикистон рӯйхати ташкилотҳои қарзии низомсоз ва ташкилотҳои қарзии эҳтимолӣ барои соли 2022 тасдиқ гардид. Тибқи ин рӯйхат Бонки давлатии амонатгузории Ҷумҳурии Тоҷикистон «Амонатбонк», Ҷамъияти саҳҳомии кушодаи /ҶСК/ «Ориёнбонк» ва ҶСК «Бонки Эсхата» ба рӯйхати ташкилотҳои қарзии низомсоз ворид гардиданд. Дар ин хусус ба АМИТ «Ховар» аз Бонки милли Тоҷикистон иттилоъ доданд.
«Рӯйхати ташкилотҳои қарзии низомсоз ва ташкилотҳои қарзии эҳтимолӣ мутобиқи «Қоидаҳои муайян намудани ташкилотҳои қарзии низомсоз» тасдиқ карда мешавад», -афзуд манбаъ.
Инчунин тибқи қарори Раёсати Бонки миллии Тоҷикистон ҶСП ТАҚХ «Имон Интернешнл» ба рӯйхати ташкилотҳои қарзии эҳтимолӣ барои соли 2022 шомил гардид. Ба ташкилотҳои қарзии эҳтимолӣ ташкилотҳое дохил мегарданд, ки аз рӯи баҳодиҳии навбатӣ метавонанд ташкилоти қарзии низомсоз эътироф шаванд.
Мавриди зикр аст, ки рӯйхати мазкур соле як маротиба таҳия гардида, дар сомонаи Бонки миллии Тоҷикистон ва маҷаллаи «Бонкдорӣ. Тараққиёт. Ҷаҳонишавӣ»-и Бонки миллии Тоҷикистон нашр мешавад.
АКС аз манбаъҳои боз
Рӯзи миллии Ҷумҳурии Тоҷикистон дар Намоишгоҳи ҷаҳонии EXPO-2025 дар Осакаи Ҷопон баргузор шуд
Ҳаҷми умумии маҳсулоти кишоварзии Вилояти Мухтори Кӯҳистони Бадахшон ба як миллиард сомонӣ расид
Дар ноҳияи Ёвон беш аз 22 ҳазор тонна маҳсулоти ғаладонагӣ ҷамъоварӣ гардидааст
Эмомалӣ Раҳмон: «Ҳаҷми истеҳсоли маҳсулоти саноатӣ дар Вилояти Мухтори Кӯҳистони Бадахшон соли 2024 ба беш аз 307 миллион сомонӣ расид»
Шумораи субъектҳои соҳибкорӣ дар Вилояти Мухтори Кӯҳистони Бадахшон ба 11 ҳазор расид
Эмомалӣ Раҳмон: «Ташрифи сайёҳон ба Вилояти Мухтори Кӯҳистони Бадахшон 13 баробар афзудааст»
Қитъаи муҳими роҳи Душанбе – Хоруғ – Қалъаихумб бо пулу нақб мавриди истифода қарор гирифт
Эмомалӣ Раҳмон: «Ба рушди Вилояти Мухтори Кӯҳистони Бадахшон зиёда аз 25 миллиард сомонӣ равона шудааст»
Дар Хадамоти гумрук моҳияти қонунҳои миллӣ тавзеҳ дода шуд
Эмомалӣ Раҳмон: «Дар Вилояти Мухтори Кӯҳистони Бадахшон амалисозии 9 барномаи рушди иҷтимоиву иқтисодӣ идома дорад»
Байни вилоятҳои Хатлони Тоҷикистон ва Ленингради Русия Созишномаи ҳамкорӣ ба имзо расид
Раҳмон Исломиддин дар ҷаласаи навбатии Шурои байнидавлатӣ оид ба стандартизатсия, метрология ва сертификатсияи давлатҳои аъзои ИДМ иштирок намуд
