Дабири кулли СААД дар бораи он ки неруҳои посдори сулҳ дар Қазоқистон чӣ кор хоҳанд кард, изҳори назар намуд
ДУШАНБЕ, 07.01.2022 /АМИТ «Ховар»/. Неруҳои дастҷамъии посдори сулҳи СААД дар Қазоқистон иншооти стратегии давлатиро посбонӣ карда, ба таъмини тартибот мусоидат хоҳанд кард. Тавре АМИТ «Ховар» хабар медиҳад, дар ин бора ба РИА «Новости» дабири кулли созмон Станислав Зас изҳори назар кардааст.
«Агар дар бораи вазифаҳои ба зиммадоштаашон гӯем, онҳоро шартан ба ду вазифаи асосӣ тақсим кардан мумкин аст. Якум, ҳифзи иншооти муҳимтарини давлатӣ ва стратегӣ. Вазифаи дуюм — ин кумак расонидан ба ҳифзи қонуният ва тартибот аст, то ки одамон худро бехатар эҳсос кунанд», — гуфт Зас.
Эътирозҳои оммавӣ дар Қазоқистон рӯзҳои аввали соли 2022 оғоз шуданд. Он замон сокинони шаҳрҳои Жанаозен ва Актауи вилояти Манғистау — минтақаи истихроҷи нафт дар ғарби ин кишвар барои ду баробар боло рафтани қимати гази моеъ мухолифат карданд ва баъдан эътирозҳо ба шаҳрҳои дигар паҳн шуданд. Дар Қазоқистон тӯли ду ҳафта вазъи изтирорӣ ҷорӣ шудааст. Президент Қосим-Жомарт Тоқаев ҳукуматро ба истеъфо фиристода, Шӯрои амният ҷумҳуриро ба раҳбарӣ гирифт.
Ӯ ба СААД барои кумак «ҷиҳати рафъи хатари террористӣ» муроҷиат кард. Худи ҳамон шаб Шӯрои амнияти дастҷамъии СААД дар робита ба муроҷиати Тоқаев тасмим гирифт, ки неруҳои дастҷамъии посдори сулҳ ба Қазоқистон фиристода шаванд. Вазорати корҳои хориҷии Русия гуфт, Москва рӯйдодҳои Қазоқистонро кӯшиши зӯроварӣ барои халалдор кардани амният ва якпорчагии давлат мешуморад.
Тавре АМИТ «Ховар» хабар дода буд, дирӯз, 6 январ бо ташаббуси ҷониби Қазоқистон суҳбати телефонии Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Қазоқистон Қосим-Жомарт Тоқаев сурат гирифт. Зимни суҳбат Сарвари Қазоқистон ба ҳамтои тоҷики худ дар бораи вазъ дар кишвар ва тадбирҳои аз ҷониби раҳбарият андешидашуда барои ба эътидол овардани он маълумот дод.
Эмомалӣ Раҳмон аз талошҳои роҳбарияти Қазоқистон ҷонибдорӣ намуда, изҳори умедворӣ карданд, ки тавассути муколама барқарорсозии субот ва тартиботи ҳуқуқӣ имконпазир хоҳад шуд. Президенти Тоҷикистон омодагии ҷумҳуриро барои ширкат дар василаҳои сулҳофарии СААД тибқи уҳдадориҳои ҳампаймонии худ эълом намуданд.
АКС: AFP 2021
Гурӯҳи кории Вазорати корҳои дохилии Тоҷикистон бо фаъолияти Департаменти адлияи Ирландия шинос шуд
Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир шуд
Дар шаҳри Кӯлоб бо иштироки гурӯҳҳои корӣ ҷаласа баргузор шуд
Прокуратураи генералӣ: «Худ ва наздиконатонро аз ҳамлаҳои хакерӣ эмин нигоҳ доред!»
Дар шаҳри Москва бо афсарону курсантони тоҷик вохӯрӣ доир шуд
Ҷаласаи кумитаи роҳбарикунандаи Барномаи Раёсати СММ оид ба маводи нашъаовар ва ҷинояткорӣ дар Осиёи Марказӣ доир шуд
Нақшаи даъвати тирамоҳии шаҳрвандон ба сафи Қувваҳои мусаллаҳи Тоҷикистон пурра иҷро гардид
Ҷаласаи мушовараи Вазорати корҳои дохилии Тоҷикистон ва Русия баргузор гардид
Дар Вазорати корҳои дохилии Тоҷикистон бахшида ба Рӯзи Президент ҳамоиши идона доир гардид
САВГАНДИ ҲАРБӢ. Дар қисмҳои ҳарбии Кумитаи ҳолатҳои фавқулода ва мудофиаи гражданӣ маросими қасамёдкунӣ доир шуд
Котиби Шурои амнияти Ҷумҳурии Тоҷикистон бо Сафири Ҳиндустон мулоқот намуд
Ҳамкории мақомоти корҳои дохилии шаҳри Душанбе бо Департаменти ҷамъиятии бехатарии шаҳри Нанкини Чин густариш меёбад
