Дар Душанбе масъалаи натиҷаҳои даъвати шаҳрвандон ба хизмати ҳарбиро баррасӣ карданд

Январь 4, 2022 09:42

ДУШАНБЕ, 04.01.2022. /АМИТ «Ховар»/. Дар толори Вазорати мудофиаи Ҷумҳурии Тоҷикистон оид ба натиҷаҳои даъвати тирамоҳии шаҳрвандон ба хизмати ҳарбӣ ҷамъомади таҳлилӣ баргузор гардида, дар он маъракаи даъвати баҳориву тирамоҳии шаҳрвандон ба хизмати ҳарбӣ дар соли 2021 мавриди баррасӣ қарор гирифт, хабар доданд ба АМИТ «Ховар» аз Вазорати мудофиаи ҷумҳурӣ.

Дар ҳамоиш ҳамзамон вазъи қонунияту тартиботи ҳуқуқӣ, пешгирӣ намудани сатҳи содиршавии ҷинояткорӣ, омӯзиши шумораи захираҳои сафарбарӣ, муайян ва мушаххас намудани теъдоди дақиқи онҳо ҳангоми баргузории машғулияти таълимӣ, баланд бардоштани масъулият ва вазифаву уҳдадориҳои иштирокчиёни он, сафарбарии техникаҳои хоҷагии халқ, дар пойгоҳи тамоми комиссариатҳои ҳарбӣ муҷаҳҳаз намудани нуқтаҳои идоракунӣ, тақвият бахшидани мудофиаи ҳудудӣ, тибқи талаботи ойинномаҳо ва дигар ҳуҷҷатҳои роҳбарикунанда ташкили пайвастаи дарсҳои соҳавӣ ва дигар масъалаҳои марбут ба фаъолияти комиссияҳои давлатиро дар самти баргузории чорабиниҳои даъватии шаҳрвандон ба хизмати ҳатмии ҳарбиро ҳамаҷониба таҳлилу натиҷагирӣ намуданд.

Роҳбарияти Вазорати мудофиаи мамлакат оид ба дастуру супоришҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки дар Паёми навбатӣ ба Маҷлиси Олӣ ироа гардида буданд, таваҷҷуҳи хосса зоҳир намуда, ҳамзамон вобаста ба масъалаҳои беҳтару сифатан хуб ба роҳ мондани чорабиниҳои даъватии шаҳрвандон ба хизмати ҳарбӣ ибрози назар карданд. Дар ин замина таъкид карда шуд, ки масъулини дахлдор дар навбати аввал тамоми камбудиҳои ҷойдоштаро пурра бартараф намуда, ҳамкориро бо мардум ва аҳли ҷомеа бояд боз ҳам тақвият бахшанд. Илова бар ин, дар ҳамоҳангӣ бо мақомоти дахлдори шаҳриву ноҳияҳо ба масоили омӯзиши шахсияти даъватшавандаҳо, дуруст муайян кардани маҳали хизматии шаҳрвандони оиладор, ташкили корҳои сафарбарӣ, тайёрии ҳамаҷонибаи комиссариатҳои ҳарбӣ ба соли нави омӯзиш, сифатан хуб ба роҳ мондани чорабиниҳои даъватӣ, пешгирӣ намудани сатҳи содиршавии ҳар гуна қонуншиканиҳо, бахусус ҷиноятҳои дорои хусусияти коррупсионӣ ва бо масъулияти баланд муносибат намудан дар самти иҷрои нақшаи даъвати навбатӣ диққати ҷиддӣ равона карда шавад.

Дар охир бо фармоиши роҳбарияти Вазорати мудофиа комиссарони ҳарбие, ки дар даъвати баҳориву тирамоҳии соли 2021 нақшаи  пешбинигардидаро дар доираи талабот ва дар сатҳи зарурӣ ба анҷом расонидаанд, бо ифтихорномаву раҳматнома ва дигар туҳфаҳои хотиравӣ сарфароз гардонида шуданд.

Ҳамзамон масъулини комиссариатҳои ҳарбие, ки зимни ташкили ин маъракаи муҳими сиёсӣ баръакс ба саҳлангорӣ роҳ додаву хунукназарӣ зоҳир намуданд, ба ҷазоҳои интизомӣ кашида шуданд.

АКС аз Вазорати мудофиаи ҶТ

Январь 4, 2022 09:42

Хабарҳои дигари ин бахш

Вазири мудофиаи Тоҷикистон дар Машварати навбатии вазирони мудофиаи давлатҳои аъзои Созмони ҳамкории Шанхай иштирок намуд
Вазири адлияи Тоҷикистон дар ҷаласаи нуздаҳуми Шурои вазирони адлияи давлатҳои аъзои ИДМ иштирок намуд
АРТИШИ МИЛЛӢ НА ТАНҲО ҚУДРАТИ ҲАРБӢ, БАЛКИ РАМЗИ ВАҲДАТ АСТ. Андешаҳои Вазири мудофиаи Ҷумҳурии Тоҷикистон дар ин мавзуъ
Котиби Шурои амнияти Тоҷикистон дар Вохӯрии 20-уми котибони шуроҳои амнияти давлатҳои аъзои СҲШ дар Пекин иштирок намуд
Қочоқи калони маводи мухаддир дар сарҳад бо Афғонистон пешгирӣ карда шуд
Дар ноҳияи Мир Саид Алии Ҳамадонӣ қочоқи беш аз 90 кг маводи мухаддир пешгирӣ гардид
Дар Хатлон гурӯҳи ҷиноятии фаромиллӣ бо 102 кг маводи нашъаовар дастгир шуд
Юсуф Раҳмон дар ҷаласаи навбатии Кумитаи Котибони шуроҳои амнияти давлатҳои аъзои СААД ва Вохӯрии дуюми Котибони шуроҳои амнияти Осиёи Марказӣ-Русия иштирок намуд
Намояндаи Тоҷикистон дар ҷаласаи Кумитаи амнияти САҲА дар Вена иштирок намуд
Дар шаҳри Турсунзода 70 кг маводи нашъаовар мусодира карда шуд
Дар вилояти Хатлон тақрибан 179 кг маводи нашъаовар мусодира ва гурӯҳи муташаккили фаромиллии қочоқбарон боздошт гардид
Дар Қазоқистон ҷаласаи роҳбарони воҳидҳои криминалии вазоратҳои корҳои дохилии ИДМ баргузор гардид