Дар Истаравшан корхонаи истеҳсоли маҳсулоти сохтмонӣ бунёд гардид

Январь 13, 2022 09:52

ДУШАНБЕ, 13.01.2022 /АМИТ «Ховар»/. ҶДММ «Шарафи рӯз» дар шаҳри Истаравшан муҷаҳҳазсозии корхонаи истеҳсоли маҳсулоти сохтмониро идома дода, бо ин мақсад аз Ҷумҳурии Мардумии Чин таҷҳизоти замонавӣ бо маблағи 3,7 миллион сомонӣ харидорӣ гардидааст. Корхона дар як сол метавонад 430 000 кг ашёи хоми кимиёвиро, ки аз хориҷ ворид карда мешавад, коркард намуда, 12 намуд маҳсулот истеҳсол намояд. Тибқи нақша, дар марҳилаи аввал то 60 нафар ва бо татбиқи муваффақонаи лоиҳа то 200 нафар соҳиби ҷойи кор мешаванд, хабар дод корманди хадамоти матбуоти Раиси вилояти Суғд Андар Раҳмонӣ ба АМИТ «Ховар».

12 январ Раиси вилояти Суғд Раҷаббой Аҳмадзода ба шаҳри Истаравшан сафари корӣ анҷом дода, аз ҶДММ «Шарафи рӯз» боздид кард ва бо ҷараёни муҷаҳҳазсозии ин корхонаи истеҳсолӣ шинос гардид.

Раиси вилоят барои иҷрои корҳо ва амалисозии пурраи лоиҳа ба роҳбарияти шаҳр ва масъулин супоришҳо дода, зикр намуд, ки барои амалисозии ҳадафи стратегӣ — саноатикунонии мамлакат бояд аз тамоми имконият истифода бурда шавад.

Бояд гуфт, ки аз ҷониби мақомоти иҷроияи ҳокимияти давлатии шаҳр ҷиҳати рушди соҳаи саноат, зиёд намудани ҳаҷми истеҳсоли маҳсулоти саноатӣ аз ҳисоби баистифодадиҳии иқтидорҳои нави истеҳсолӣ дар самти коркарди ашёи хоми ватанӣ тадбирҳои судманд андешида мешаванд.

Бо назардошти Солҳои рушди саноат эълон шудани солҳои 2022-2026 ташкили боз як корхона дар ин самт саривақтӣ буда, ба рушди соҳаи саноат мусоидат менамояд.

Тибқи маълумоти оморӣ, ҳоло дар Истаравшан 50 корхонаи калону хурди истеҳсолӣ фаъолият мебаранд. Соли 2021 ҳаҷми истеҳсоли маҳсулоти саноатӣ дар шаҳр ба 577 880,6 ҳазор сомонӣ баробар гардид, ки ин нишондиҳанда нисбат ба ҳамин давраи соли гузашта зиёд мебошад.

 

АКСҲО: хадамоти матбуоти Раиси вилояти Суғд

Январь 13, 2022 09:52

Хабарҳои дигари ин бахш

35-СОЛАГИИ ИСТИҚЛОЛИЯТИ ДАВЛАТӢ. Дар Варзишгоҳи миллии Тоҷикистон зиёда аз 30 ҳазор ҷойи нишаст пешбинӣ шудааст
Губернатори Ҳукумати мардумии музофоти Шэнсии Чин бо фаъолияти Минтақаи озоди иқтисодии «Данғара» шинос шуд
Тоҷикистон дар муборизаи байналмилалӣ барои ҳифзи бабри барфӣ саҳм мегузорад
МАСЛИҲАТИ МУТАХАССИС. Норасоии намӣ ба решаи дарахтон самаранокии боғотро паст мекунад
Густариши ҳамкории вилояти Хатлон бо музофоти Шэнсӣ баррасӣ шуд
Дар Душанбе ҳамкории иқтисодӣ ва татбиқи лоиҳаҳои муштараки Тоҷикистону Чин баррасӣ гардид
РӮЗИ ҶАҲОНИИ БЕХАТАРИИ ОЗУҚАВОРӢ. Бо мақсади таъмини бехатарии маҳсулот дар Тоҷикистон 14 озмоишгоҳ фаъолият дорад
Сарфаи неруи барқ танҳо вазифаи давлатӣ нест, балки масъулияти ахлоқии ҳар як шаҳрванди мамлакат аст
35-СОЛАГИИ ИСТИҚЛОЛИЯТИ ДАВЛАТӢ. Дар Чойхонаи миллӣ барои дар як шабонарӯз қабули 5000 мизоҷ шароит фароҳам оварда мешавад
Дар ноҳияҳои Рашту Тоҷикобод «Маркази ҷавонон» ва майдончаҳои варзишӣ бунёд карда мешаванд
«IMPERIУA TECHSTREAM — 2025». Дар Душанбе барои наврасон нахустин озмуни технологияҳои иттилоотӣ баргузор гардид
РӮЗИ БАЙНАЛМИЛАЛИИ МУҲИТИ ЗИСТ. Баҳодур Шерализода: «Ҷомеаи ҷаҳон Тоҷикистонро ҳамчун давлати ташаббускор дар соҳаи обу иқлим ва ҳифзи пиряхҳо эътироф намудааст»