Дар Нур-Султон парвозҳои байналмилалии ҳавопаймоӣ барқарор шуданд

Январь 11, 2022 12:10

ДУШАНБЕ, 11.01.2022 /АМИТ «Ховар»/. Парвозҳои байналмилалӣ бо шаҳри Нур-Султон, ба истиснои парвозҳои Lufthansa ва Turkish Airlines қариб пурра барқарор карда шуданд. Дар ин бора ТАСС бо истинод ба Вазорати саноат ва рушди инфрасохтори Қазоқистон хабар додааст.

«Парвозҳои байналмилалии ҳавопаймоии шаҳри Нур-Султон, ба истиснои парвозҳои Lufthansa ва Turkish Airlines пурра барқарор карда шуданд», — гуфта мешавад дар иттилоияи вазорат.

Тибқи иттилои вазорат, аз 11 январ ба (аз) Нур-Султон аз (ба) Москва, Минск, Дубай, Варшава, Франкфурти Майн, Тошканд, Новосибирск, Коломбо, Анталия ва Кутаиси анҷом додани 27 парвози байналмилалӣ ба нақша гирифта шудааст. Лағви ягон парвоз дар назар нест.

«Аз (ба) Актау, Чимкент ва Туркистон 8 парвози байналмилалӣ ба   Истанбул, Махачқалъа, Грозний иҷро шуда, аз Алмаато ва Актобе 20 парвоз ба (аз) Истанбул, Дубай, Мале, Тошканд, Москва, Самарқанд, Коломбо, Шарҷа, Боку ва Нуқус лағв карда шудааст»,-хабар доданд аз вазорат.

                                                             АКС: ТАСС/Турар Казангапов 

Январь 11, 2022 12:10

Хабарҳои дигари ин бахш

Маводҳои таҳлилӣ