Дар Расадхонаи астрономии байналмилалии Санглох ситораҳои фавқулнав таҳқиқ гардиданд
ДУШАНБЕ, 19.01.2022 /АМИТ «Ховар»/. Аз тарафи олимони Институти астрофизикаи Академияи миллии илмҳои Тоҷикистон дар Расадхонаи астрономии байналмилалии Санглох 384 соат мушоҳидаҳои ситораҳои фавқулнав гузаронида шуда, 6 ҳазор тасвирҳои рақамӣ коркард гардиданд, хабар медиҳад АМИТ “Ховар” бо истинод ба Академияи миллии илмҳои Тоҷикистон.
Институти астрофизикаи АМИТ тайи ду сол аст, ки ба таҳқиқи ситораҳои фавқулнав машғул буда, он дар ҳамкорӣ бо Расадхонаи астрофизикии Қрим ба роҳ монда шудааст,
Бояд зикр кард, ки мушоҳидаи ситораҳо дар расадхонаи Санглох дар даврони соҳибистиқлолии Тоҷикистон якумин бор ба роҳ монда шуд ва барои чунин мушоҳидаҳои фаъол расадхона ба барномаи байналмилалии VSNET (Variable Star Network), ки аз тарафи Расадхонаи миллии астрономии Ҷопон ташкил шудаст, ворид гардид. Чунин мушоҳидаҳо барои тадқиқи ҷараёнҳо вобаста ба таркиши ситораҳои нав ҷиддӣ буда, дар муаммои пайдоиши ситораҳо саҳм мегузоранд.
Ногуфта намонад, ки дар чунин соҳа мутафаккири бузурги Шарқ Абуалӣ ибни Сино таҳқиқот бурдааст ва ӯ барангезиши ситораи фавқулнавро (SN1006) дар китоби «Ал-Шифо» тасвир карда, далелҳои онро тавсиф кардааст. Имрӯзҳо ин ситора бо номи SN (super nova) 1006 ба қайд гирифта шуда, тавсифи амиқ оид ба ситораи нав саҳми бузурги Абуалӣ ибни Синоро дар ҷодаи илмҳои табиатшиносӣ тасдиқ менамояд.
Ҳамаи ин таҳқиқот тавассути иҷрои дастуру супоришҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон сурат гирифта, хусусан дар чорчӯбаи «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» барои рушду тафаккури ҷавонон аҳамияти калон доранд. Натиҷаҳои ба даст омада барои олимон ва донишҷӯёни фанҳои риёзӣ хеле зарур мебошанд.
АКС аз АМИТ
Дар Душанбе рӯзҳои фарҳанги вилоятҳои Хатлону Суғд, ноҳияҳои Ванҷ, Шуғнон ва Рӯшон баргузор мегарданд
Оид ба вазъ ва дурнамои хизматрасонӣ ба истифодабарандагон дар китобхонаҳо ҳамоиш доир шуд
Дар Душанбе Рӯзи фарҳанги ноҳияи Варзоб баргузор шуд
Дар Душанбе Рӯзи фарҳанги ноҳияи Муъминобод шукуҳманд баргузор гардид
Имрӯз дар боғҳои пойтахт рӯзҳои фарҳанги шаҳри Роғун, ноҳияҳои Варзоб ва Муъминобод баргузор мегарданд
Рӯзи фарҳанги ноҳияи Шамсиддин Шоҳин дар Душанбе баргузор гардид
Рӯзи фарҳанги ноҳияҳои Тоҷикободу Нуробод бо шукуҳу шаҳомати хос баргузор шуд
35-СОЛАГИИ ИСТИҚЛОЛИ ДАВЛАТӢ ВА ОСОРХОНАИ МИЛЛӢ. Нақши ин ниҳод дар ҳифзу муаррифии дастовардҳои истиқлол муҳим аст
Имрӯз дар боғҳои Душанбе рӯзҳои фарҳанги ноҳияҳои Шамсиддин Шоҳин, Тоҷикобод ва Нуробод баргузор мегарданд
НИШАСТИ МАТБУОТӢ. Имсол Донишкадаи давлатии санъати тасвирӣ ва дизайни Тоҷикистонро 228 нафар хатм намуданд
«ТОҶИКИСТОН — КИШВАРИ ЁДГОРИҲОИ НОДИР». Дар Италия намоиши шоҳкорҳои беназири мероси таърихию фарҳангии Тоҷикистон доир мегардад
Дар Душанбе рӯзҳои фарҳанги шаҳри Роғун, ноҳияҳои Шамсиддин Шоҳин, Тоҷикобод, Нуробод, Муъминобод ва Варзоб баргузор мегарданд
