«Донишномаи Донишгоҳи омӯзгорӣ» интишор шуд

Январь 3, 2022 09:00

ДУШАНБЕ, 03.01.2022 /АМИТ «Ховар»/. Яке аз дастовардҳои муҳимтарини Донишгоҳи давлатии омӯзгории Тоҷикистон ба номи Садриддин Айнӣ дар соли 2021 чопи китоби бузургу пурмуҳтаво бо номи «Донишномаи донишгоҳи омӯзгорӣ»  буд, хабар доданд аз Донишгоҳи мазкур ба АМИТ «Ховар».

Навиштани донишнома дар таърихи халқи тоҷик маъмул аст ва аз анъанаҳои дерини ниёгонамон мебошад. Дар ин масир хирадмандони тавонманде қаламфарсоӣ кардаанд. Хушбахтона, ин амали муфид имрӯз низ дар мамлакати мо идома дорад ва дар айёми мо, ғолибан, офаридани донишномаҳои соҳавӣ бартарӣ пайдо кардааст.

Мураттибони китоб, устодони донишгоҳ, олимони шинохта Саидмуроди Хоҷазод, Шарифмурод Исрофилниё ва Сахидод Раҳматуллозода дар заминаи далелу арқоми фаровон таърихи ташаккул ва таҳаввули донишгоҳро ба таври васеъ таҳия, тадвин ва мунташир кардаанд.

Донишнома тавсифи талошу заҳмати устодони шарафмандро дар роҳи бунёд ва рушду камоли нахустин мактаби олии ҷумҳурӣ дар бар мегирад. Он  ҳамзамон иқдоми хайру солеҳ барои абадӣ гардонидани хотираи омӯзгоронест, ки новобаста ба мушкилиҳои айём дар таълиму тарбияи насли нави шоистаи Тоҷикистони соҳибистиқлол ҳиссаи арзанда гузоштаанду имрӯз дар қайди ҳаёт нестанд.

Донишнома бо тартиби алифбоӣ тарҳрезӣ шуда, бо назардошти саҳми ҳар омӯзгор дар омӯзишу парвариш ва иҷрои корҳои илмию таҳқиқотӣ маводи зарурӣ фароҳам омадааст. Дастандаркорон маводи зиёди пурқиматро ҷамъ оварда, коркард ва мавриди истифода қарор додаанд.

Чеҳраҳои илму адаб, Қаҳрамонҳои Тоҷикистон, ки кору пайкорашон ба соҳаи илму маориф ва донишгоҳи мавриди назар алоқамандӣ дорад ва шахсиятҳои маъруфи ҷодаҳои гуногун, ки ин боргоҳи илму маърифатро хатм карда, аз ҷониби ҷомеа ҳамчун шахсият эътироф шудаанд, ба китоб ворид гардидаанд.

Кӯшиш шудааст, ки донишнома ҳаддал имкон фарогири тамоми ҷанбаҳои донишгоҳ бошад ва шахсияте дар канор намонад. Донишнома фарогири маълумоти муътамад буда, барои доираи васеи хонандагон пешниҳод мегардад.

АКС: Донишгоҳи давлатии омӯзгорӣ

Январь 3, 2022 09:00

Хабарҳои дигари ин бахш

Скрипканавози турк Ҷиҳат Ашкин дар Тоҷикистон барномаи ҳунарӣ баргузор мекунад
Ҳунармандони Сирки давлатии Тоҷикистон ба Туркия ва Покистон сафар намуданд
Дар вилояти Хатлон мониторинги барномаҳои соҳавӣ гузаронида шуд
Дар Коллеҷи тиббии Ваҳдат даври шаҳрии озмуни «Фурӯғи субҳи доноӣ китоб аст» ҷараён дорад
Ансамбли давлатии рақсии «Зебо» барои иштирок дар Фестивали байналмилалии «Рақси лазгӣ» ба Тошканд сафар намуд
Дар Донишгоҳи давлатии Хоруғ бахшида ба 30-солагии таъсиси он озмун оғоз гардид
«Душанбе. Шаҳре, ки шукӯҳи давлат ва симои миллатро таҷассум мекунад», — шарҳи матбуоти даврии Тоҷикистон
Филми кӯтоҳи «Этюд» дар Фестивали 45-уми байналмилалии Гризлони Олмон иштирок мекунад
«БАҲОРИ ТОШКАНД». Фестивали VI байналмилалии опера ва балет чунин унвон гирифтааст
Даври аввали Озмуни ҷумҳуриявии «Тоҷикистон-Ватани азизи ман» ҷараён дорад
Тоҷикистон узви Маркази байналмилалии тадқиқотӣ оид ба ҳифз ва барқарорсозии мероси фарҳангӣ гардид
ТАВЗЕҲИ ПАЁМИ ПЕШВОИ МИЛЛАТ. Ба аъзои ташкилоти ибтидоии ҳизбии «Эҷод»-и АМИТ «Ховар» нуктаҳои ин ҳуҷҷати стратегӣ шарҳ дода шуданд