Фармондеҳи қӯшунҳои Ҳавзаи марказии низомии Русия фармондеҳи нави пойгоҳи ҳарбӣ дар Тоҷикистонро муаррифӣ намуд
ДУШАНБЕ, 14.01.2022 /АМИТ «Ховар»/. Ба ҳайати раҳбарикунандаи Ҳавзаи марказии низомии (ҲМН) Русия фармондеҳи нави пойгоҳи ҳарбии 201 дар Тоҷикистон, полковник Евгений Ковилин муаррифӣ гардид. Дар ин бора дар хабарномае, ки дирӯз, 13 январ дар сомонаи Вазорати дифои Русия нашр шудааст, гуфта мешавад.
“Фармондеҳи қӯшунҳои Ҳавзаи марказии низомии Русия генерал-полковник Александр Лапин тавассути видеоконфронс фармондеҳи таъйиншудаи пойгоҳи низомии мустақар дар Ҷумҳурии Тоҷикистон полковник Евгений Ковилинро ба роҳбарияти ҳавзаи ҳарбӣ муаррифӣ намуд”, — омадааст дар хабарнома.
Ковилин Омӯзишгоҳи олии ҳарбии танкии фармондиҳии Қазон, баъдан Академияи умумиҳарбии ба номи М.В.Фрунзеро хатм кардааст. Аз вазифаи командири взвод то сардори ситоди маркази таълимии ҳавзавӣ оид ба тайёр кардани мутахассисони хурдро пай дар пай тай намудааст. Дар минтақаҳои Урал, Поволже ва дар Тоҷикистон хизмат кардааст. Бо медали «Барои хизмат дар назди Ватан», дараҷаи II, медали Суворов, инчунин мукофотҳои Вазорати мудофиаи Федератсияи Русия мукофотонида шудааст.
Пойгоҳи 201-уми низомии мустақар дар Тоҷикистон бузургтарин иншооти ҳарбии Русия дар берун аз марзи ин кишвар аст. Он дар ду шаҳр — Душанбе ва Бохтар ҷойгир аст. Ба ҳайати пойгоҳ қисмҳои ҳарбии мототирандозӣ, танкӣ, тӯпхонаӣ, иктишофӣ, воҳидҳои зиддиҳавоӣ, мудофиавӣ ва воҳидҳои алоқа шомил мешаванд.
ДАР АКС: Евгений КОВЫЛИН. Акс аз Chel.kp.ru
Тоҷикистон ҳамкориро бо Кумитаи зиддитеррористии Шӯрои амнияти СММ муҳим арзёбӣ намуд
Дар қароргоҳи СММ «Стратегияи Ҷумҳурии Тоҷикистон оид ба муқовимат ба терроризм ва экстремизм барои солҳои 2021-2025» баррасӣ гардид
Прокурори генералии Тоҷикистон бо Роҳбари Намояндагии Иттиҳоди Аврупо дар СММ мулоқот кард
Тоҷикистон ва Дафтари зиддитеррористии СММ иқдомҳои муштарак оид ба мубориза бар зидди терроризмро баррасӣ намуданд
«ВАТАНПАРВАР». Маҳз чунин мусобиқот имкон медиҳанд, ки ҷавонон маҳорату малакаи ҳарбӣ-варзишии худро такмил диҳанд
Давоми 20 рӯз дар Тоҷикистон маъракаи даъвати ҳарбӣ ба қадри 50 фоиз таъмин шуд
ДАР РАМАЗОН ИНФИҶОР ВА…ЧАШМОНИ АШКБОР. Бар асари ду таркиш дар Кобул беш аз 20 нафар мактаббачагон ҷон бохтанд
Дар Қазоқистон машқҳои Низоми муштараки мудофиаи зиддиҳавоии ИДМ баргузор шуданд
Саидиброҳимови дар ҷустуҷӯбуда бо худиқрорӣ ба мақомоти милитсия ҳозир гардид
Пешвои миллат Эмомалӣ Раҳмон: Тоҷикистон ва Қирғизистон масъалаҳои марзиро танҳо бо роҳи осоишта метавонанд ҳал намоянд
Дар Тошканд ҷаласаи коршиносон оид ба омодагӣ ба нишасти котибони Шӯрои амнияти кишварҳои узви СҲШ доир шуд
МИЛИТСИЯ-СИПАРУ ТАКЯГОҲ. Шариф Назарзода сокинони маҳаллаҳои шаҳри Хоруғро ба тақвияти ҳамкории дуҷониба даъват намуд
