Русия бурсияҳои таҳсили ройгонро барои донишҷӯёни Тоҷикистон 19% афзоиш дод
ДУШАНБЕ, 25.01.2022 /АМИТ «Ховар»/. Теъдоди бурсияҳо (квотаҳо) барои таҳсили донишҷӯёни Тоҷикистон дар донишгоҳҳои Русия аз ҳисоби буҷети федералии солҳои 2022-2023-ум 120 адад афзуда, ба 750 адад расид. Дар ин хусус 24 январ раиси намояндагии «Россотрудничества» дар Тоҷикистон Иван Иванов ба хабарнигори ТАСС иттилоъ дод.
«Имсол мо 750 бурсия дорем, ин омор соли гузашта 630 ҷойро ташкил медод, яъне афзоиши ҷиддӣ ба назар мерасад», — гуфт Иванов. Ба гуфтаи ӯ, дар ҷаласаи комиссияи байниҳукуматии Русия ва Тоҷикистон, ки ояндаи наздик баргузор мешавад, масъалаи афзоиши шумораи бурсияҳо матраҳ хоҳад шуд.
«Тоҷикистон аз рӯи анъана дар радифи панҷ кишвари беҳтарини ҷаҳон [аз рӯи миқдори бурсияҳо барои таҳсил дар донишгоҳҳои Русия] ҷой гирифта, миёни кишварҳои ИДМ мавқеи пешсафро ишғол мекунад», -зикр намуд роҳбари намояндагии «Россотрудничества».
Маъракаи омӯзиши шаҳрвандони Тоҷикистон дар Русия тибқи фармоне, ки соли 2013 дар Федератсияи Русия содир шуда буд, сурат мегирад. Ҳоло дар Русия ҳудуди 23 ҳазор нафар донишҷӯёни тоҷик таҳсил мекунанд.
АКС: Маркази илму фарҳанги Русия дар Душанбе
Гурӯҳи хабарнигорони Қирғизистон бо фаъолияти НБО-и «Норак» шинос шуданд
РАНГОМЕЗИИ НАВРӮЗ. Дар Узбекистон намоиши асарҳои рассомони тоҷик баргузор шуд
Дар шаҳри Бишкек Бозиҳои Делфӣ ба таври бошукуҳ ифтитоҳ шуданд
Дар Узбекистон Рӯзҳои кинои Тоҷикистон баргузор гардиданд
25 март даври дуюми Фестивали гулҳо таҳти унвони «Сайри гули лола» ҷамъбаст мегардад
Хабарнигорони Қирғизистон бо фаъолияти ду шабакаи телевизонӣ дар Тоҷикистон ва студияҳои сабти овоз шинос гардиданд
Ҳайати Тоҷикистон дар Бозиҳои байналмилалии Делфӣ дар Қирғизистон иштирок дорад
Намоишномаи ҳунармандони Театри вилоятии мусиқӣ-мазҳакавии ба номи Ато Муҳаммадҷонови шаҳри Бохтар дар Узбекистон пешниҳод мегардад
«ДӮСТИИ АДАБӢ — ДӮСТИИ АБАДӢ». Бо иштироки аҳли фарҳангу санъати Тоҷикистону Узбекистон ҳамоиш доир шуд
Гурӯҳи хабарнигорони Қирғизистон аз як қатор ҷойҳои таърихию фарҳангии Тоҷикистон боздид намуд
Рӯзҳои кинои Тоҷикистон дар Узбекистон доир мешавад
Хабарнигорони Қирғизистон дар Осорхонаи миллӣ бо таъриху фарҳанги Тоҷикистон шинос гардиданд
