Тоҷикистон ва Туркия ба мувофиқа расиданд, ки рӯзҳои фарҳангӣ баргузор намоянд

Январь 13, 2022 09:31

ДУШАНБЕ, 13.01.2022 /АМИТ «Ховар»/. 12 январ вохӯрии Сафири Ҷумҳурии Тоҷикистон дар Туркия Ашарафҷон Гулов бо Вазири фарҳанг ва сайёҳии Туркия Меҳмет Эрсой баргузор гардид. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.

Зимни вохӯрӣ ҷонибҳо вобаста ба корбариҳо дар доираи Комиссияи байниҳукуматии Тоҷикистон ва Туркия оид ба ҳамкории иқтисодӣ ва Комиссияи муштараки соҳаи сайёҳии Тоҷикистон ва Туркия ибрози назар намуданд.

Иттилоъ дода шуд, ки бо мақсади васеъ муаррифӣ намудани иқдоми Ҳукумати Ҷумҳурии Тоҷикистон вобаста ба шурӯъ аз 1 январи соли 2022 ҷорӣ гардидани низоми бидуни раводид ворид шудани шаҳрвандони Туркия ба Тоҷикистон Сафорат ҷиҳати ташкил ва баргузории Форуми сайёҳии ду кишвар дар яке аз шаҳрҳои Туркия кор бурда истодааст.

Инчунин ҷонибҳо ба мувофиқа расиданд, ки ҷиҳати рушди ҳамкорӣ дар соҳаи фарҳанг байни ду кишвар чорабиниҳо ва конфронсу нишастҳои дахлдор, аз ҷумла рӯзҳои фарҳангӣ ташкил ва баргузор намоянд.

Тавре қаблан АМИТ «Ховар» хабар дода буд, шаҳрвандони Тоҷикистон низ метавонанд дар ҳудуди Туркия бидуни раводид то 90 рӯз буду бош намоянд.

Бояд гуфт, ки шурӯъ аз 1 январи соли 2022 барои шаҳрвандони 52 кишвари ҷаҳон, аз ҷумла Туркия, Аргентина, Белгия, Олмон, Канада, ИМА, Фаронса, Ҷопон ва ғайра барои ворид шудан ба ҷумҳурӣ низоми бидуни раводид ҷорӣ карда шудааст.

«Муҳлати будубоши шаҳрвандони кишварҳои номбурда дар ҳудуди Тоҷикистон 30 рӯз муқаррар шудааст. Дар айни ҳол тибқи қарори дигари қабулнамудаи Ҳукумати кишвар,  шаҳрвандони боз 14 кишвар ба рӯйхати давлатҳои хориҷие, ки шаҳрвандонашон ҳуқуқи гирифтани раводид бо тартиби содакардашуда доранд, дохил карда шуданд. Ҳоло шумораи ин гуна давлатҳо ба 112 мерасад»,- чунин бармеояд аз маълумоти сомонаи Сарраёсати консулгарии Вазорати корҳои хориҷии Тоҷикистон.

 

АКС: ВКХ ҶТ

Январь 13, 2022 09:31

Хабарҳои дигари ин бахш

Дар Душанбе ҷаласаи Шурои сарони ҳукуматҳои Иттиҳоди Давлатҳои Мустақил баргузор мешавад
Ҳамкории Тоҷикистон бо Созмони Милали Муттаҳид баррасӣ гардид
Ҳайати Тоҷикистон дар Иҷлосияи 8-уми Платформаи глобалӣ оид ба коҳиш додани офатҳои табиӣ иштирок намуд
Намояндаи Тоҷикистон дар Форуми панҷуми марказҳои таҳлилӣ иштирок намуд
Дар Душанбе масъалаҳои вобаста ба вохӯрии вазирони корҳои хориҷии формати «Осиёи Марказӣ-Ҳиндустон» баррасӣ гардид
Дар шаҳри Кокшетауи Қазоқистон намоиш-фурӯши маҳсулоти кишоварзию саноатии Тоҷикистон баргузор гардид
Сироҷиддин Муҳриддин бо роҳбарони ҳайатҳои кишварҳо ва созмонҳои байналмилалӣ мулоқотҳои судманд анҷом дод
Муовини якуми Сарвазири Тоҷикистон бо Вазири давлатии Ҷопон оид ба корҳои хориҷӣ мулоқот намуд
Муовини Сарвазири Тоҷикистон Дилрабо Мансурӣ бо муовини Сарвазири Шоҳигарии Лесото Ҷастис Нтоменг Ҷастина Маҷара мулоқот намуд
Дар Амороти Муттаҳидаи Араб оид ба ташаббусҳои ҷаҳонии Президенти Тоҷикистон баёнияи матбуотӣ нашр гардид
Мулоқоти Сарвазири Тоҷикистон Қоҳир Расулзода бо муовини Сарвазири Озарбойҷон Самир Рауф доир гардид
Сарвазири Тоҷикистон Қоҳир Расулзода бо ноиби Президенти Ҷумҳурии Малдив Ҳусейн Муҳаммад Латиф мулоқот намуд