Ба донишҷӯёни муассисаҳои олии Душанбе ва Хуҷанд тарроҳии маҳсулоти нассоҷиро омӯзониданд
ДУШАНБЕ, 16.02.2022 /АМИТ «Ховар»/. Донишҷӯёни донишгоҳҳои Душанбе ва Хуҷанд давраҳои омӯзишии ЮНИДО-ро оид ба тарроҳии маҳсулоти нассоҷӣ бо истифода аз барномаи нави «Inkscape» хатм карданд. Дар ин бора Вазорати саноат ва технологияҳои нави Тоҷикистон хабар медиҳад.
Барномаи омӯзишӣ имкон медиҳад, ки дар муҳлати кӯтоҳтарин тарроҳони касбӣ тайёр карда шаванд, ки имрӯз қариб тамоми корхонаҳои бофандагии мамлакат ба онҳо ниёз доранд.
Омӯзгорону донишҷӯёни факултетҳои тарроҳии Донишгоҳи технологии Тоҷикистон, Донишгоҳи (славянии) Русия ва Тоҷикистон, Донишкадаи дизайн ва санъати шаҳри Душанбе, Донишкадаи технология ва инноватсияи Кӯлоб, филиали Донишкадаи политехникии шаҳри Хуҷанд иштирокчиёни давраҳои омӯзишии махсус гардиданд. Дар ҳамкорӣ бо Сарраёсати Комиссариати олии СММ оид ба гурезагон гурӯҳи алоҳида ташкил гардид, ки ба ҳайати он гурезаҳои афғоне, ки дар Тоҷикистон зиндагӣ мекунанд, шомил шуданд. Дар ҷамъбасти давраи омӯзишӣ иштирокчиён маҷмӯи либосҳои худро таҳия намуда, зимни маросим рӯнамоӣ намуданд.
Усули таълими сесатҳӣ ба иштирокчиён имкон дод, ки дар муддати кӯтоҳ дониши худро дар соҳаи дизайни графикӣ, таҳияи консепсияи он мукаммал намуда, бо истифода аз барномаи навтарин нақшу нигор ва ороишот тасвир кунанд.
Лоиҳаи ЮНИДО «Замонависозӣ ва баланд бардоштани рақобатпазирии бахши қолинбофӣ, гулдӯзӣ ва нассоҷӣ дар Тоҷикистон» дар ҳамкорӣ бо Вазорати саноат ва технологияҳои нави Ҷумҳурии Тоҷикистон бо дастгирии молиявии Ҳукумати Федератсияи Русия амалӣ мегардад.
АКС: Вазорати саноат ва технологияҳои нави Ҷумҳурии Тоҷикистон
«ДОСТОНИ ХУДШИНОСӢ». Китоби нави Шоири халқии Тоҷикистон Давлат Сафар рӯнамоӣ гардид
Пагоҳ Душанбе мизбони Бозиҳои XX Делфии ҷавонони кишварҳои аъзои ИДМ мегардад
Даври ниҳоии Озмуни ҷумҳуриявии «Донандаи беҳтарини асарҳои Пешвои миллат» оғоз гардид
ЗАБОН–САДОИ ХОТИРАИ МИЛЛАТ. Мулоҳизаҳои академик Фарҳод Раҳимӣ ба ифтихори Рӯзи забони давлатӣ
Президенти Тоҷикистон: «Мутахассисони соҳа бояд, ки истилоҳоти дурусту фаҳмо ва мувофиқ ба мазмуну муҳтавои соҳаҳои гуногунро барои истифода пешниҳод намоянд»
ЗАБОНИ МОДАРИИ МО—ЗАБОНИ ШИРИНУ ШЕВО ВА ШОИРОНАИ ТОҶИКӢ! Иқтибосҳо аз суханрониҳои Президенти Тоҷикистон Эмомалӣ Раҳмон
«ҶАҲОНИ РАССОМ». Дар Осорхонаи миллии Тоҷикистон намоиши асарҳои Дӯст Азизов ташкил гардид
Дар Душанбе Рӯзҳои синамои Қирғизистон доир мегарданд
Дар Осорхонаи миллии Тоҷикистон барои омӯзгорон сайри идонаи осорхонавӣ ташкил гардид
«НАМАКДОНИ МИЛЛАТ КАФИ ДАСТИ ӮСТ!». Таҳти чунин унвон китоби Давлат Сафар рӯнамоӣ гардид
ЗАБОН ВА 35 СОЛИ ИСТИҚЛОЛ. Бахшида ба Рӯзи забони давлатӣ конференсияи илмӣ-амалии ҷумҳуриявӣ доир шуд
Барои Сарвазири Тотористон ва ҳамроҳонаш сайри осорхонавӣ ташкил гардид
