Дар Агентии содирот бо роҳбарони ширкатҳои истеҳсолкунанда ва содироткунандагони тухми мурғ машварати корӣ доир шуд
ДУШАНБЕ, 04.02.2022 /АМИТ «Ховар»/. Бо мақсади мусоидат ба афзоиши содироти тухми мурғ ва дарёфти бозорҳои нави тиҷоратӣ 3 феврал дар Агентии содироти назди Ҳукумати Ҷумҳурии Тоҷикистон бо роҳбарони корхонаҳои истеҳсолкунанда ва содироткунандаи тухми мурғ ҷаласаи корӣ баргузор шуд, хабар доданд ба АМИТ «Ховар» дар Агентии содирот.
Директори Агентӣ Шавкат Бобозода зикр намуд, ки бо розигии Президенти Ҷумҳурии Тоҷикистон муҳтарам Эмомалӣ Раҳмон ва супориши Сарвазири Ҷумҳурии Тоҷикистон бо дарназардошти таъмини аввалиндараҷаи талаботи бозори дохилӣ барои содирот намудани тухм дастур дода шуд.
Директори Агентӣ ба роҳбарони корхонаҳои истеҳсолкунанда ва содироткунандаи тухм тавсия дод, ки содироти тухм бо дарназардошти таъмини авалиндараҷаи талаботи бозори дохилӣ ба роҳ монда шавад.
Дар ҷараёни машварат бо таклифу дархости намояндагони корхонаҳои парандапарварӣ масъалаҳои зиёд намудани истеҳсол, баланд бардоштани сифати тухм ва гӯшти мурғ, ташкили майдонҳои кишти хӯроки паранда ва корхонаҳои коркарди он, дар оянда ба роҳ мондани содироти маҳсулоти мурғӣ, инчунин рушди иқтидорҳои содиротии соҳа мавриди муҳокима қарор гирифтанд.
Инчунин зикр шуд, ки имтиёзҳое, ки аз ҷониби Ҳукумати Ҷумҳурии Тоҷикистон пешниҳод карда шудаанд, самаранок истифода бурда, барои боз ҳам зиёд намудани содироти тухм ба давлатҳои ҳамсоя бо сифати баланд чораҷӯӣ карда шавад.
Дар охири ҷаласа аз ҷониби роҳбарони корхонаҳо пешниҳодот оид ба пешбурди фаъолият ва дастгирӣ намудани онҳо ҳангоми гирифтани ҳуҷҷатҳои содиротӣ ва монеа эҷод накардан дар вақти интиқоли молҳои содиротӣ ироа гардиданд.
АКС: Агентии содирот
Ҳайати Тоҷикистон дар ҷаласаи Шурои маъмурии Ташкилоти патентии Авруосиё иштирок намуд
Дар Конгресси ҷаҳонии обуҳавошиносӣ татбиқи ташаббуси ҷаҳонии «Огоҳкуниҳои бармаҳал барои ҳама» баррасӣ гардид
Дар шаҳри Хоруғ 13 корхонаи нави саноатӣ ба фаъолият оғоз намуд
Дар нуҳ моҳ беш аз 1,5 миллион сайёҳ мавзеъҳои ҷолиби Тоҷикистонро тамошо намуданд
Дар Тоҷикистон беш аз 45 ҳазор хоҷагии деҳқониро занон роҳбарӣ менамоянд
Кишоварзони вилояти Хатлон нақшаи ҷамъоварии пахтаро 90 фоиз иҷро намуданд
Намояндаи Тоҷикистон дар ҷаласаи Ассотсиатсияи байналмилалии рушд дар Амрико иштирок намуд
Дар ҷаласаи машваратии мудирони Хазинаи байналмилалии асъор шарҳи вазъи монетарии минтақа пешниҳод гардид
Алӣ Ғиёсуддин Муҳаммад: «Тоҷикистон имкон дорад бо истифода аз захираҳои табиӣ ба яке аз давлатҳои пешрафтаи ҷаҳон табдил гардад»
Бонки миллии Тоҷикистон ҳамкориро бо Бонки миллии Швейтсария тақвият медиҳад
АСАЛ ДАВОИ ДАРД. Имрӯз дар Душанбе «Фестивали занбӯрпарварон, намоиш ва фурӯши асал» баргузор гардид
Дар Тоҷикистон 250 навъи харбуза парвариш карда мешавад
