Дар ИДМ Консепсияи марҳилавии ташаккули бозори умумии меҳнат ва танзими муҳоҷирати меҳнатиро навсозӣ мекунанд
ДУШАНБЕ, 03.02.2022 /АМИТ «Ховар»/. Дар Иттиҳоди Давлатҳои Мустақил вобаста ба таҷдиди Консепсияи марҳилавии ташаккули бозори умумии меҳнат ва танзими муҳоҷирати меҳнатӣ корҳо ҷараён доранд. Ҷаласаи гурӯҳи корӣ оид ба ин масъала 1 феврал дар қароргоҳи ИДМ дар Минск баргузор гардид, хабар медиҳад АМИТ «Ховар» бо истинод ба Хадамоти матбуоти Кумитаи иҷроияи ИДМ.
Дар нишаст намояндагони Арманистон, Беларус, Қазоқистон, Қирғизистон, Русия, Тоҷикистон, Узбекистон, котиботи Шӯрои АБП ИДМ, Шӯрои сарони мақомоти муҳоҷират ва Кумитаи иҷроияи Иттиҳод иштирок доштанд.
Кумитаи иҷроияи ИДМ таваҷҷуҳи иштирокчиёни ҷаласаро ба аҳамияти таҳия ва такмили заминаи ҳуқуқии ИДМ дар соҳаи муҳоҷират мутобиқи Изҳороти сарони давлатҳои аъзои ИДМ оид ба рушди ҳамкорӣ дар соҳаи муҳоҷират ҷалб намуда, оид ба 28 январи соли 2022 эътибор пайдо кардани Созишномаи ҳамкорӣ дар соҳаи мусоидат ба муҳоҷират ва шуғли аҳолии кишварҳои узви ИДМ маълумот дод.
Иштироккунандагони ҷаласа мулоҳизаю таклифҳои аз кишварҳо ба лоиҳаи Консепсия расидаро муҳокима намуда, ба матни ҳуҷҷат якчанд иловаю равшаниҳо ворид карданд. Ҳамчунин қарор қабул карда шуд, ки корҳо ҷиҳати коркарди ҳуҷҷатҳо идома ёфта, ҳолати ҷудогонаи консепсия иловатан омӯхта шавад.
Ёдовар мешавем, ки Консепсияи марҳила ба марҳила ташаккул додани бозори умумии меҳнат ва танзими муҳоҷирати меҳнатӣ соли 2017 қабул шуда буд. Таҷдиди он дар нақшаи чорабиниҳо оид ба татбиқи марҳилаи якуми (солҳои 2021-2025) Стратегияи рушди иқтисодии Иттиҳоди Давлатҳои Мустақил барои давраи то соли 2030 пешбинӣ шудааст. Дар ҳуҷҷат вазифаҳо оид ба муайян кардани равишҳои ҳамоҳангшуда вобаста ба фароҳам овардани шароити ҳуқуқӣ ва институтсионалии истифодаи оқилонаи неруи меҳнатии давлатҳои аъзои ИДМ, инчунин ҳаракати озодонаи қувваи корӣ, мутобиқсозии муҳоҷирон ба талабот ва урфу одатҳо, бо кор таъмин шудан дар ин кишварҳо пешбинӣ мешаванд.
Консепсия маҷмӯи назарҳо оид ба мақсад, принсипҳо, вазифаҳо ва марҳилаҳои ташаккули бозори умумии меҳнат, афзалият ва механизмҳои татбиқи сиёсат дар соҳаи муносибатҳои иҷтимоӣ ва меҳнатӣ, инчунин ташкили заминаи ҳуқуқии бозори умумии меҳнат ва танзими муҳоҷирати меҳнатиро фаро мегирад.
Бозори умумии меҳнат ташаккули шароит ва механизмҳои ҳуқуқӣ, иқтисодӣ ва иҷтимоиро дар бар гирифта, дар он манфиатҳои коргарон то ҳадди баландтарин ба назар гирифта мешаванд. Ташкили он омили муҳимтарини рушди иқтисодии давлатҳои ИДМ гардида, дар заминаи судманд ба равандҳои ҳамгироӣ дар фазои Иттиҳод мусоидат менамояд.
АКС: Хадамоти матбуоти Кумитаи иҷроияи ИДМ
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
Дар Ишкошим зеристгоҳи барқии «Қозидеҳ» ба истифода дода мешавад
Дар Вазорати рушди иқтисод ва савдо оид ба иҷрои супоришҳои Президенти Тоҷикистон дар Паём ба Маҷлиси Олӣ ҷаласа доир шуд
Дар Тоҷикистон лоиҳаи Қонун дар бораи сиёсати аграрӣ таҳия мегардад
Дар Панҷакент ҷаласаи Шуро оид ба рушди соҳибкорӣ ва беҳтар намудани фазои сармоягузорӣ баргузор гардид
Дар хоҷагии ҷангали ноҳияи Данғара дар 44 гектар ниҳолҳои пистаҳои хушкшуда барқарор гардид
Дар Тоҷикистон раванди ҷорӣ намудани низоми рамзгузории электронии молҳо амалӣ мегардад
Намоишгоҳи «Ихтироъкорон ва навоварони соҳаи нақлиёт» баргузор шуд
Бадахшон минтақаи дорои имконияти бузурги энергияи офтобӣ аст
Устувории иқтисоди миллӣ дар заминаи сиёсати пулию қарзӣ ва Паёми Президенти Тоҷикистон ба Маҷлиси Олӣ. Андешаҳо дар ин маврид
ЭНЕРГИЯИ «САБЗ». Дар Тоҷикистон иқтидори энергияи бодӣ 1 926,35 МВт-ро ташкил медиҳад
