Дар Норак даври якуми Фестивали ҷумҳуриявии телевизионии ҳаҷвнигорон таҳти унвони «Биё, бо ҳам бихандем!» баргузор гардид

ДУШАНБЕ, 16.02. 2022 /АМИТ «Ховар»/. 15 феврал дар  шаҳри Норак даври  якуми  Фестивали ҷумҳуриявии телевизионии ҳаҷвнигорон таҳти унвони «Биё, бо ҳам бихандем!» баргузор шуд, хабар доданд ба АМИТ  «Ховар» аз мақомоти иҷроияи ҳокимияти давлатии шаҳри Норак.

Фестивал аз рӯйи номинаҳои «Интермедия», «Аскиягӯӣ», «Тақлидкорӣ», «Латифагӯӣ», «Суруди ҳаҷвӣ», «Монологи ҳаҷвӣ» ва «Саҳначаи ҳаҷвӣ» доир гардид, ки дар он ҷавонону наврасони шаҳр фаъолона иштирок намуданд.

Фестивали ҷумҳуриявии телевизионии ҳаҷвнигорон дар сатҳи баланд ва дар доираи шартҳои озмун, инчунин бо мақсади ривоҷу  равнақ додани  фаъолияти  гурӯҳҳои  ҳаҷвнигорӣ,  пайдо  намудани  чеҳраҳои  нави ҳаҷвнигор, ҷалби ҳарчи бештари мардум ба  ҳазлу мутоиба,  мусоидат дар фароғату оромиши  шаҳрвандон ва ба ин васила рушди  соҳаи ҳаҷву  мутоиба  дар шаҳр  ташкил карда шуд.

АКСҲО: мақомоти иҷроияи ҳокимияти давлатии шаҳри Норак