Донишгоҳи миллии Тоҷикистон озмуни беҳтарин мақолаи рӯзноманигорӣ эълон менамояд
ДУШАНБЕ, 27.02.2022. /АМИТ «Ховар»/. Ба ифтихори 12-умин солгарди ҷашни Наврӯзи байналмилалӣ Донишгоҳи миллии Тоҷикистон озмуни «Беҳтарин матолиби рӯзноманигорӣ дар бораи ҷашни Наврӯз»-ро барои омӯзгорону донишҷӯёни риштаи рӯзноманигории муассисаҳои таҳсилоти олии кишвар ва журналистони касбӣ эълон менамояд.
Тавре дар Донишгоҳи миллии Тоҷикистон ба АМИТ «Ховар» хабар доданд, ҳар муаллиф метавонад ба озмун як мақола пешниҳод намояд, ки он мавзӯъҳои нақши Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар эҳёи Наврӯзи байналмилалӣ, Наврӯз — қадимтарин ҷашни мардуми тоҷик, расму оин ва анъанаҳои инсонпарваронаи Наврӯзро дар бар гиранд.
Инчунин мақолаҳои пешниҳодгардида бо забони тоҷикӣ, русӣ ва англисӣ дар шакли электронӣ бо ҳуруфи Times New Roman Tj, 14 дар ҳаҷми то 4 саҳифаи компютерӣ омода шуда бошанд.
Дар озмуни мазкур барои ишғоли ҷойи аввал 1500 сомонӣ, ҷойи дуюм 1000 сомонӣ ва ҷойи сеюм 500 сомонӣ муқаррар гардидааст.
Мақолаҳо аз 25 феврал то 11 марти соли 2022 ба суроғаи Донишгоҳи миллии Тоҷикистон ва ё почтаи элктронии Email: badonish@mail.ru ирсол гардад.
Акс: ДМТ
Намоишномаи мазҳакавии таҳти унвони «Хоҳ биёӣ, хоҳ наё» дар Москва ба саҳна гузошта шуд
Ҳайти эҷодии Тоҷикистон дар Фестивали V байналмилалии театрӣ дар Ашқобод ҳунари миллии театриро муаррифӣ намуд
Бузургтарин ситораҳои санъати Тоҷикистон дар Театри ба номи Лоҳутӣ тарбия ёфтаанд
РӮЗИ ТЕАТРИ ТОҶИК. Дар Тоҷикистон беш аз 20 театри халқӣ фаъолият мекунад
Дар Душанбе бахшида ба Рӯзи театр ҳамоиш доир гардид
Дар Душанбе намоиши асарҳои рассомони Тоҷикистону Чин доир гардид
Одил Дониш аз Осорхонаи миллии Тоҷикистон боздид намуд
Ҳаракати фарҳангии «Корвони китоб» дар минтақаи Кӯлоб идома дорад
Дар Донишкадаи давлатии фарҳанг ва санъат оид ба нақши фарҳангу санъат дар муносибатҳои байналмилалӣ ҳамоиш баргузор гардид
Ҷилди панҷуми китоби «Таърихи халқи тоҷик» рунамоӣ гардид
«ТОҶИКИСТОН-ВАТАНИ АЗИЗИ МАН». Дар ҳашт сол шумораи иштирокчиёни озмун ба беш аз 33 ҳазор нафар расидааст
Доир ба таъриху фарҳанги Кӯшониён конфронси ҷумҳуриявӣ баргузор шуд
