«Холис Пласт», «Плас ТҶ», «Асали 1» ва «Пласт мастер»-и Тоҷикистон дар Намоишгоҳи байналмилалии «Iran Plast» иштирок доранд

Февраль 8, 2022 15:01

ДУШАНБЕ, 08.02.2022 /АМИТ «Ховар»/. 7 феврал дар шаҳри Теҳрони Ҷумҳурии Исломии Эрон Намоишгоҳи 15-уми байналмилалии саноати пластикии «Iran Plast» расман оғоз гардид. Дар ин бора ба мухбири АМИТ «Ховар» дар Палатаи савдо ва саноат Ҷумҳурии Тоҷикистон хабар доданд.

Тавре иттилоъ дода шуд, бо мусоидати Палатаи савдо ва саноати Ҷумҳурии Тоҷикистон корхонаҳои истеҳсолӣ ва соҳибкорони инфиродӣ, аъзои Палатаи савдо ва саноат — ҶДММ «Холис Пласт», ҶДММ «Плас ТҶ», ҶДММ «Асали1», ҶДММ «Пласт мастер», ки ба истеҳсоли маҳсулоти пластикӣ машғуланд, дар маросими ифтитоҳи расмии намоишгоҳ иштирок намуда, бо ширкатҳои ҷумҳуриҳои Туркия, Эрон, Русия, Арманистон, Узбекистон вохӯрда, дар форуму машваратҳо, ки дар доираи намоишгоҳ баргузор мегарданд, иштирок менамоянд.

Ин намоишгоҳ асосан бахшҳои маҳсулоти тайёри саноати пластикӣ, каучукҳои синтетикӣ, бастаҳои пластикӣ, ашёи хом ва кимиёвӣ барои саноати пластикӣ, мошинҳо, таҷҳизот ва лавозимот барои истеҳсоли пластик, таҷҳизоти озмоишӣ, ченкунӣ ва назорат, системаҳои автоматикунонии истеҳсоли пластмасса, саноат ва хизматрасониро дар бар мегирад.

Намоишгоҳи байналмилалии «Iran Plast» зиёда аз 1200 ширкатро аз 15 кишвари ҷаҳон ба ҳам оварда, майдони умумии намоишгоҳ 75 000 метри мураббаъро ташкил медиҳад.

Иштирок дар ин намоишгоҳ ба соҳибкорони ватанӣ имконият медиҳад, ки таҷрибаи кишварҳои пешрафтаро дар ин самт омӯзанд, шарикони ҳамкор дарёфт намоянд ва барои ташкили корхонаҳои муштарак шартномаи ҳамкорӣ ба имзо расонида, содироти маҳсулотро ба хориҷа ба роҳ монанд.

Намоишгоҳи байналмилалии «Iran Plast» то 10 феврал идома меёбад.

АКСҲО: маркази матбуоти ПСС ҶТ

Февраль 8, 2022 15:01

Хабарҳои дигари ин бахш

Дар вилояти Хатлон ҷаласаи Ситоди мубориза бар зидди малах баргузор шуд
Дар Бонки миллии Тоҷикистон вазъи низоми бонкӣ ва суғурта дар соли 2024 натиҷагирӣ карда шуд
Ширкати «СиЭнПиСи Сентрал Эйжа Б.В.»-и Чин дар вилояти Хатлон лоиҳаи истихроҷи нафту газро амалӣ менамояд
Ширкати ҳавопаймоии «Тоҷик Эйр» дар масири Душанбе-Кӯлоб-Душанбе хатсайри нави ҳавоӣ фаъол мекунад
Кормандони мақомоти гумрук дар Душанбе истеҳсол ва фурӯши машруботи ғайристандартиро ошкор намуданд
Қонуни Ҷумҳурии Тоҷикистон «Дар бораи соҳибкории иҷтимоӣ» ба татбиқи усулҳои нави инноватсионӣ дар соҳаи соҳибкории хурд ва миёна мусоидат менамояд
Дар тамоми нақлиёти ҷамъиятӣ насби POS-терминалҳои нав ба нақша гирифта шудааст
ҲУШДОР! Ронандагон қоидаҳои ҳаракат дар роҳ ва тавсияҳои дахлдорро бояд риоя намоянд!
Лоиҳаи «Методика ва саволномаи таҳқиқоти маҷмуии сотсиологӣ оид ба дарки ҷомеа дар бораи коррупсия» мавриди муҳокима қарор гирифт
Дар қитъаи таҷдидшавандаи роҳи «Қалъаи Хумб – Ванҷ» сохтмони роҳ тибқи нақша идома дорад
ИСТИФОДАИ СИСТЕМАҲОИ ЗЕҲНӢ. Нақлиёти ҷамъиятӣ «ҳушманд» мешавад
Дар Тоҷикистон назорати ҳаракати мошинҳои гаронвазн пурзӯр мегардад