Роҳбари навтаъйини Барномаи рушди Созмони Милали Муттаҳид дар Тоҷикистон ба Душанбе омад
ДУШАНБЕ, 08.02.2022 /АМИТ «Ховар»/. Вазири корҳои хориҷии Ҷумҳурии Тоҷикистон Сироҷиддин Муҳриддин 7 феврал нусхаи эътимодномаи Намояндаи доимии навтаъйини Барномаи рушди Созмони Милали Муттаҳид Ленни Монтиелро қабул кард. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Зимни мулоқот ҷонибҳо оид ба ҳамкории Ҷумҳурии Тоҷикистон бо ин ниҳод табодули афкор намуданд. Мусоҳибон ба татбиқи лоиҳаҳо мутобиқ ба талаботи кишвар, инчунин дурнамои ҳамкории минбаъда дар доираи Стратегияи миллии рушди Ҷумҳурии Тоҷикистон барои давраи то соли 2030 таваҷҷуҳ зоҳир намуданд.
Дар анҷоми мулоқот Вазири корҳои хориҷӣ аз сатҳи ҳамкории муштарак бо БРСММ изҳори қаноатмандӣ карда, ба мавсуф ҷиҳати пешбурди фаъолият дар соҳаҳои рушди иҷтимоию иқтисодӣ, инчунин расидан ба Ҳадафҳои рушди устувор комёбиҳо таманно намуд.
Маълумоти АМИТ «Ховар»:
Қаблан Ленни Монтиел ёвари Котиби генералии Созмони Милали Муттаҳид оид ба рушди иқтисодӣ дар департаменти масъалаҳои иқтисодӣ ва иҷтимоӣ буд. Қабл аз ин таъйинот 18 ноябри соли 2014 Монтиел ба сифати ёвари Котиби генералӣ оид ба масъалаҳои иҷтимоӣ, иқтисодӣ ва рушд ифои вазифа менамуд.
Ленни Монтиел дар Созмони Милали Муттаҳид дар соҳаи рушд дорои таҷриба ва дониш васеъ мебошад. Вай бо Барномаи рушди Созмони Милали Муттаҳид ба ҳайси ҳамоҳангсози доимӣ дар Туркманистон ва мушовири калони техникӣ дар Ветнам ва Украина фаъолият кардааст. Монтиел дар Донишгоҳи Бирмингем таҳсил карда, дар он ҷо унвони доктори соҳаи сиёсати давлатӣ ва дар Институти хоҷагии халқи Беларус унвони магистранти иқтисодӣ гирифтааст.
АКС: ВКХ ҶТ
Сироҷиддин Муҳриддин дар нишасти 4-уми вазирони корҳои хориҷии Муколамаи «Осиёи Марказӣ-Ҳиндустон» иштирок намуд
Тоҷикистону Ҳиндустон ҳамкории фарҳангӣ ва сайёҳиро таҳким мебахшанд
Сироҷиддин Муҳриддин ширкатҳои иштирокдори Шурои соҳибкорони Осиёи Марказӣ ва Ҳиндустонро ба Душанбе даъват намуд
Сироҷиддин Муҳриддин ва Субраҳманям Ҷайшанкар масоили муносибатҳои Тоҷикистону Ҳиндустонро баррасӣ намуданд
Сарвазири Тоҷикистон пешниҳод намуд, ки «Рӯзномаи рақамии ИДМ то соли 2030» таҳия карда шавад
Сарвазири Тоҷикистон: «Кишварҳои ИДМ рушди ҳамкории мутақобилан судманд ва ҳамаҷонибаро тасдиқ намуданд»
Қоҳир Расулзода: «Ҳамкории тиҷоратию иқтисодӣ бо кишварҳои ИДМ яке аз самтҳои афзалиятноки сиёсати хориҷии Тоҷикистон боқӣ мемонад»
Тоҷикистон ба рушди устувори муносибатҳои дуҷониба ва бисёрҷониба бо давлатҳои иштирокдори ИДМ аҳамияти махсус медиҳад
Муовини Раиси Девони вазирони Туркманистон ба Тоҷикистон ташриф овард
Муовини Сарвазири Арманистон ба Тоҷикистон ташриф овард
Қоҳир Расулзода бо Раиси Девони вазирон — Роҳбари Дастгоҳи Президенти Ҷумҳурии Қирғизистон Адилбек Касималиев мулоқот анҷом дод
