Соли 2021 дар Тоҷикистон беш аз 2000 ҷинояти коррупсионӣ ва иқтисодии дорои хусусияти коррупсионӣ ошкор шуданд
ДУШАНБЕ, 02.02.2022. /АМИТ «Ховар»/. Соли 2021 кормандони Агентии назорати давлатии молиявӣ ва мубориза бо коррупсияи Ҷумҳурии Тоҷикистон 2088 ҷинояти коррупсионӣ ва иқтисодии дорои хусусияти коррупсионӣ, инчунин бо дигар моддаҳои Кодекси ҷиноятӣ содирнамудаи 1274 нафар шаҳрвандонро ошкор намуданд. Дар ин бора имрӯз зимни нишасти матбуотӣ Директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон Сулаймон Султонзода маълумот дод.
Дар идома директори Агентӣ зикр намуд, ки аз ин теъдод 885 адад ба гурӯҳи ҷиноятҳои вазнин шомил мебошанд.
«Муфаттишони Агентӣ 860 парвандаи ҷиноятиро бо дарназардошти бақия ба пешбурд қабул намуда, тафтиши пешакии 658 адади онро нисбат ба 881 нафар ба анҷом расониданд», — тазаккур дод С. Султонзода.
Таъкид гардид, ки аз тарафи воҳидҳои ҳифзи ҳуқуқи Агентӣ 1466 парвандаи ҳуқуқвайронкунии маъмурии дорои хусусияти коррупсионӣ мавриди баррасӣ қарор дода шуда, нисбат ба ҳуқуқвайронкунандагон ба маблағи 1,7 миллион сомонӣ ҷарима татбиқ карда шуд.
Ҳамчунин бино ба иттилои директори Агентӣ, дар натиҷаи санҷишҳо, таҳқиқ ва тафтиши парвандаҳои ҷиноятӣ ҷиҳати бартараф намудани омилҳои коррупсионӣ ва шароити ба онҳо мусоидаткунанда ба унвони вазорату идораҳо 2532 пешниҳод ва 1122 дастури хаттӣ ирсол гардида, бо баррасии онҳо нисбат ба 1164 нафар ҷазоҳои интизомӣ татбиқ карда шуд ва 396 нафар аз вазифаҳои ишғолнамудаашон озод гардиданд.
АКС: АМИТ «Ховар»
Бонки ҷаҳонӣ татбиқи Барномаи «Дастгирии сиёсати рушди устувор — Тоҷикистони рақобатпазир ва фарогир»-ро тасдиқ намуд
Агентии назорати давлатии молиявӣ ва мубориза бо коррупсия ба маблағи беш аз 624 миллион сомонӣ зарари молиявӣ ошкор намуд
Даромади буҷети Вилояти Мухтори Кӯҳистони Бадахшон 105,1 фоиз иҷро гардидааст
ҲИСОББАРОБАРКУНИИ ҒАЙРИНАҚДӢ. 3,5 миллион амалиёти пардохти андоз ва боҷҳо ба таври ғайринақдӣ анҷом дода шуд
Дар Душанбе тавсеаи ҳамкории Тоҷикистон бо JICA баррасӣ гардид
Зернизоми идораи эътимод бо истифода аз модули иловагии «Data mining» мавриди истифода қарор гирифт
Султон Раҳимзода ҷониби Қазоқистонро барои иштирок дар Форуми байналмилалии сармоягузории «Душанбе-Инвест 2025» даъват намуд
Хадамоти гумруки Тоҷикистон: дар содироти молҳои ватанӣ вазни қиёсии асосиро сурма ва маҳсулоти он дар ҳаҷми 30,4 фоиз ташкил медиҳад
Ҳаҷми Маҷмуи маҳсулоти дохилии ноҳияи Ёвон ба беш аз 1,5 миллиард сомонӣ расид
Дар Остона ҷаласаи 19-уми Комиссияи байниҳукуматии Тоҷикистону Қазоқистон оид ба ҳамкории иқтисодӣ доир шуд
НИШАСТИ МАТБУОТӢ. Нақшаи воридоти андозҳо ва дигар пардохтҳои ҳатмӣ ба андозаи 113,7 фоиз иҷро гардид
НИШАСТИ МАТБУОТӢ. Ҳаҷми умумии даромади буҷети давлатӣ 111,5 фоиз иҷро гардид
