Сафири Тоҷикистон дар Узбекистон ба мактабҳои тоҷикии ноҳияи Бука китобҳои дарсии тоҷикӣ ва бадеӣ туҳфа кард
ДУШАНБЕ, 15.02.2022 /АМИТ «Ховар»/. 12 феврал Сафири Фавқулода ва Мухтори Ҷумҳурии Тоҷикистон дар Ҷумҳурии Узбекистон Абдуҷаббор Раҳмонзода аз шаҳри Чирчиқ ва ноҳияи Букаи вилояти Тошканд дидан кард. Дар ин бора АМИТ «Ховар» бо истинод ба Сафорати Тоҷикистон дар Узбекистон хабар медиҳад.
Зимни сафар вохӯрии сафир бо ҳокими шаҳри Чирчиқ Даврон Ҳидоятов ва ҳокими ноҳияи Бука Низомиддин Аббосов баргузор гардида, масъалаи тақвияти ҳамкории дуҷонибаи сиёсӣ, иқтисодӣ ва фарҳангӣ, ҳамзамон таҳкими муносибатҳои дӯстона миёни шаҳру ноҳияҳои ҳаммарзи Тоҷикистон бо Узбекистон мавриди баррасӣ қарор гирифт.
Дар ноҳияи Бука Абдуҷаббор Раҳмонзода дар якҷоягӣ бо ҳоким ва масъулони бахши маориф ва фарҳанг аз мактабҳои тоҷикии № 43 ва №9, инчунин аз ҷараёни корҳои сохтмонӣ дар мактаби замонавӣ дар деҳаи Навободи ин ноҳия, ки бо ташаббуси сокинони тоҷикнишини ин деҳа ва дастгирии ҳокимияти ноҳия амалӣ шуда истодааст, дидан намуд.
«Аз номи Сафорати Тоҷикистон дар Узбекистон ба муассисаҳои мазкур китобҳои дарсӣ ва бадеӣ бо забони тоҷикӣ тақдим гардида, вохӯриҳои судманди сафир бо директорони муассисаҳои таҳсилотӣ, омӯзгорон, хонандагон, масъулони деҳаи Навобод ва сокинони ҷавони он вобаста ба гиромидошт ва таҳкими дӯстӣ миёни тоҷикҳо ва узбекҳо баргузор карда шуданд», — омадааст дар иттилоияи Сафорат.
Маркази матбуоти Вазорати маориф ва илми ҷумҳурӣ хабар дод, ки Сафири Тоҷикистон дар Узбекистон зимни шиносоӣ дар мактаби рақами 43 аз ҳамкории дуҷонибаи ҳарду кишвари дӯст дар соҳаи маориф ва илм ёдовар шуда, гуфтааст, ки ин ҳамкорӣ соли равон рушд хоҳад ёфт.
Ҳокими ноҳияи Бука изҳори хушнудӣ намуд, ки дар доираи муносибатҳои неки ҳарду кишвар дар соҳаи маориф ва илм шаҳрвандони Узбекистон, аз ҷумла аз маҳаллаҳои тоҷикнишин дар донишгоҳҳои Тоҷикистон аз рӯи тахассусҳои омӯзгорӣ таҳсил менамоянд.
Зикр гардид, ки бештари омӯзгорони деҳаҳои Валиғонду Истошон таҳсилдидаҳои донишгоҳҳои Тоҷикистон мебошанд.
АКСҲО: Сафорати Тоҷикистон дар Узбекистон/ Вазорати маориф ва илми ҶТ
Шурои Фонди глобалии ҷалби ҷомеа ва устуворӣ барои Тоҷикистон грант ҷудо намуд
Сафири Тоҷикистон бо Вазири тиҷорати хориҷии Амороти Муттаҳидаи Араб мулоқот намуд
Таҳкими ҳамкории Тоҷикистон ва Арабистони Саудӣ дар самти ҳифзи ҳуқуқи инсон баррасӣ шуд
Сафири Тоҷикистон бо Вазири нафти Давлати Кувайт мулоқот намуд
Тоҷикистон барои рушди устувор ва иқтисоди «сабз» бо Комиссияи иқтисодии СММ ҳамкорӣ менамояд
Тоҷикистон дар таҳкими ҳамкории сиёсӣ, иқтисодӣ ва башардӯстона дар доираи ИДМ саҳми назаррас дорад
Аҳмад ибни Муҳаммад Ас-Сайид: «Робитаҳои иқтисодии Тоҷикистону Қатар муҳим арзёбӣ мегарданд»
Қоҳир Расулзода бо Валиаҳди Салтанати Негери Сембилани Малайзия Шоҳзода Тунку Алӣ Ризауддин ибни Муҳри мулоқот намуд
Холид Ал-Фолеҳ: «Арабистони Саудӣ дар Тоҷикистон беш аз 14 лоиҳаро тавассути Фонди саудии рушд амалӣ намудааст»
Намояндаи Тоҷикистон дар Форум оид ба сиёсати бетарафӣ, зеҳни сунъӣ (AI) ва ояндаи рақамӣ иштирок намуд
Сафири Тоҷикистон дар Конгресси ҷаҳонӣ оид ба ҳифзи табиат дар Абу Забӣ иштирок намуд
Сироҷиддини Муҳриддин: «Музокироти сарони кишварҳои ИДМ дар фазои созандаю самарабахш ва корӣ баргузор шуд»
