Шавкат Бобозода: Соли 2021 Тоҷикистон зиёда аз 30 ҳазор тонна ангишт содирот кард
ДУШАНБЕ, 15.02.2022 /АМИТ «Ховар»/. Соли 2021 33,8 ҳазор тонна ангишт ба маблағи 607,4 ҳазор доллар ба давлатҳои Афғонистон, Покистон, Узбекистон ва Қазоқистон содирот шудааст. Ангишт ба ин давлатҳо нисбат ба соли 2020 10 маротиба зиёдтар содирот шудааст, зеро соли 2020 ҳамагӣ 3 ҳазор тонна ангишт содирот шуда буд. Дар ин бора имрӯз зимни нишасти матбуотӣ директори Агентии содироти назди Ҳукумати Ҷумҳурии Тоҷикистон Шавкат Бобозода ибрози назар намуд.
Директори Агентӣ афзуд, ки дар ин давра аз дохили ҷумҳурӣ ба маблағи 2149,6 млн доллар маҳсулот содирот гардид, ки нисбат ба соли 2020 52,8 фоиз зиёд мебошад.
Соли 2021 Ҷумҳурии Тоҷикистон бо 119 мамлакат, аз ҷумла бо 10 мамлакати ИДМ ва 109 мамлакати хориҷи дур муносибати савдои хориҷӣ ба роҳ мондааст. Соли гузашта ба маблағи 2 млрд 17 млн доллар маҳсулоти саноатӣ содирот шудааст, ки нисбат ба соли пешин 686,1 млн доллар зиёд мебошад. Содироти маҳсулоти саноатӣ соли 2021 асосан аз ҳисоби фурӯши сангу филизоти қиматбаҳо, маъдану консентратҳо, алюминийи аввалия, нахи пахта, семент, риштаи пахтагӣ ва сурма мебошад.
«Дар соҳа маҳсулоти нав- обҳои нӯшокӣ ва ташнагишикани «Сиёма» ба маблағи 130 ҳазор доллар ба Аморати Араб, Узбекистон ва Афғонистон содирот гардид. Инчунин якчанд намунаҳои маҳсулоти «Сиёма» дар Намоишгоҳи Дубай-EXPO ба намоиш гузошта шуд, ки барои содирот ба ин давлат мусоидат менамояд. Ҳамзамон корхонаи истеҳсолкунандаи оби маъдании «Файзобод» нақша дорад, ки имсол маҳсулоти худро ба хориҷи мамлакат содирот намояд»,-афзуд Шавкат Бобозода.
Дар нишаст зикр шуд, ки бо дастгирии Ҳукумати Ҷумҳурии Тоҷикистон Барномаи давлатии рушди содироти Ҷумҳурии Тоҷикистон барои солҳои 2021 – 2025 қабул гардидааст. Барномаи мазкур бо мақсади рушди содирот, тақвияти истеҳсолоти ба содирот нигаронидашуда, кам намудани ҳиссаи молҳои истеъмолӣ ва хизматрасонӣ дар ҳаҷми умумии воридот, фароҳам овардани шароити мусоид ҷиҳати амалӣ намудани сиёсати давлатӣ дар самти робитаҳои иқтисоди хориҷӣ, баланд бардоштани рақобатпазирии маҳсулоти ватанӣ дар бозорҳои дохилӣ ва хориҷӣ, татбиқи суғуртаи қарзҳои содиротӣ, истифодаи стандартҳои байналмилалӣ ва сертификатсия таҳия шудааст.
АКС: АМИТ «Ховар»
Дар шаҳри Москва ҷаласаи 109-уми Шурои иқтисодии ИДМ баргузор гардид
Ҳайати Тоҷикистон дар Тотористон бо фаъолияти корхонаҳои истеҳсолии парки технологии «ИСКРА-ВОЛГА» шинос шуд
Байни «Шабакаҳои интиқоли барқ»-и Тоҷикистон ва «Маркази илмӣ-техникии системаи ягонаи энергетикӣ»-и Русия Созишномаи ҳамкорӣ ба имзо расид
Рустам Минниханов: «Барои рушди ҳамкории бисёрҷониба байни Тоҷикистон ва Тотористон имконоти фаровон мавҷуданд»
Дар Қазон ҷаласаи 68-уми Шурои электроэнергетикии кишварҳои аъзои ИДМ баргузор шуд
«GEOSCIENCE & EXPLORATION CENTRAL ASIA». Ҳайати Тоҷикистон дар Форуми байналмилалии геологӣ иштирок намуд
Сармоягузорони Чин бо фаъолияти корхонаҳои истеҳсолии МОИ «Данғара» шинос шуданд
Вазири энергетика ва захираҳои оби Тоҷикистон дар Форуми байналмилалии электроэнергетикии Қазон – «ЭНЕРГОПРОМ» иштирок намуд
«Shohin Airlines» ҳавопаймои нави L410 NG харидорӣ менамояд
Вазири энергетикаи Тоҷикистон бо истеҳсоли таҷҳизоти турбинаҳои газии гурӯҳи ширкатҳои «АМКОР»-и Тотористон шинос шуд
Доир ба мушкилоти тағйирёбии иқлим, сабабҳо, пайомад ва усулҳои мутобиқшавӣ ба он китоб ба нашр расид
Дурнамои рушди ҳамкории гумрукӣ байни Тоҷикистон ва Корея баррасӣ гардид
