Соли 2021 дар Тоҷикистон аз муомилоти ғайриқонунӣ беш аз 4 тонна маводи нашъаовар мусодира карда шуд
ДУШАНБЕ, 17.02.2022 /АМИТ «Ховар»/. Соли 2021 дар Тоҷикистон аз муомилоти ғайриқонунӣ 4 тоннаю 83 кг 274 гр маводи нашъаовар мусодира карда шуд, ки дар қиёс ба соли 2020 68,4 фоиз ё 1 тоннаю 658 кг 36 гр зиёд мебошад. Дар ин бора имрӯз зимни нишасти матбуотӣ Директори Агентии назорати маводи нашъаовари назди Президенти Ҷумҳурии Тоҷикистон, генерал — майори адлия Ҳабибулло Воҳидзода иттилоъ дод.
Мавсуф зикр намуд, ки аз ҷумла аз ҷониби Вазорати корҳои дохилӣ – 2 тоннаю 29 кг 774 гр, Кумитаи давлатии амнияти миллӣ — 1 тоннаю 663 кг 659 гр, Агентии назорати маводи нашъаовар – 357 кг 638 гр, Агентии назорати давлатии молиявӣ ва мубориза бо коррупсия – 30 кг 727 гр ва Хадамоти гумрук – 1 кг 121 гр маводи нашъаовар мусодира гардид.
«Соли 2021 дар муқоиса ба соли 2020 мусодираи маводи нашъаовари героин 2,1 маротиба зиёд ва афюн 24,7 фоиз коҳиш ёфта, мусодираи ҳашиш мутаносибан 2,3 маротиба афзоиш ва бангдона 10,4 фоиз коҳиш ёфтааст, — гуфт директори Агентӣ ва илова кард, ки соли 2021 аз ҷониби мақомоти ҳифзи ҳуқуқ ҳамагӣ 106 кг моддаҳои психотропӣ мусодира шудаанд, ки нисбат ба соли 2020 2,4 маротиба ё 63 кг зиёд мебошад».
Ба иттилои ӯ, аз миқдори умумии моддаҳои психотропии мусодирашуда дар ҳудуди ҷумҳурӣ 53 кг 191 гр ё 50,3 фоиз ба Агентии назорати маводи нашъаовар тааллуқ дорад.
Илова бар ин Ҳабибулло Воҳидзода тазаккур дод, ки аз ҷониби мақомоти ҳифзи ҳуқуқ 21 ҳазору 537 дона ҳабҳои синтетикӣ мусодира гардиданд, ки аз ин шумора 5 ҳазору 473 ҳабро Агентӣ мусодира намудааст.
Ҳамзамон дар ин давра кормандони Агентӣ як ҳолати муомилоти пулҳои қалбакиро ошкор карда, аз шаҳрванд Абдураҳмон Ҳамидов дар ҳаҷми 8600 доллари ИМА дарёфт ва мусодира намуданд.
Аз рӯи ҳолати мазкур парвандаи ҷиноятӣ бо моддаи 281, қ.2 оғоз карда шудааст.
АКС: АМИТ «Ховар»
Дар Вазорати мудофиаи Тоҷикистон оид ба масоили марбут ба амнияти давлат ҷаласа доир шуд
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
Тақвияти ҳамкорӣ дар соҳаи амнияти миллӣ вобаста ба гардиши ғайриқонунии маводи химиявӣ, биологӣ, радиатсионӣ ва ядроӣ баррасӣ шуд
Дар Душанбе ҷаласаи Платформаи миллӣ оид ба паст намудани хавфи офатҳои табиӣ баргузор гардид
Котиби Шурои амнияти Ҷумҳурии Тоҷикистон бо Сафири Русия дар Тоҷикистон мулоқот намуд
Ҷаласаи корӣ бо иштироки роҳбарони мақомоти марказии иҷроияи ҳокимияти давлатии Ҷумҳурии Тоҷикистон доир гардид
ПЕШГИРИИ СӮХТОР. Қоидаҳо бар зидди сӯхторро қатъиян бояд риоя намуд
Милитсияи пойтахт аз шаҳрвандон талаб намуд, ки аз фурӯшу паҳнсозӣ ва истифодаи маводи тарфгарӣ худдорӣ кунанд
Ба муносибати таъсиси Воҳидҳои таъйиноти махсуси милитсия дар вилоятҳои Суғд, Хатлон ва Бадахшон ҷамъомади тантанавӣ доир шуд
РӮЗИ ТАЪСИСИ ВОҲИДҲОИ ТАЪЙИНОТИ МАХСУСИ МИЛИТСИЯ. Кормандони ин ниҳод вазифаҳои душвору масъулиятнок бар зимма доранд
Дар Минск вохӯрии вазирони корҳои дохилии Тоҷикистон ва Беларус баргузор гардид
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
