«СУРУДИ САРБОЗ». Дар Вазорати мудофиаи Тоҷикистон фестивал-озмуни мазкур оғоз ёфт
ДУШАНБЕ, 08.02.2022 /АМИТ «Ховар»/. Имрӯз дар яке аз қисмҳои ҳарбии Вазорати мудофиаи Ҷумҳурии Тоҷикистон бахшида ба Рӯзи таъсиси Қувваҳои Мусаллаҳ ва бо мақсади дарёфти истеъдодҳо миёни сарбозон, инчунин бо ҷалби қисмҳои ҳарбӣ, ҷузъу томҳо ва муассисаҳои таълимии Вазорати мудофиаи мамлакат Фестивал-озмуни «Суруди сарбоз» оғоз гардид.
Тавре дар Вазорати мудофиа ба мухбири АМИТ «Ховар» хабар доданд, дар фестивал муовини Вазири мудофиаи ҷумҳурӣ Абдусаттор Шоҳиён иброз намуд, ки чунин барномаҳои фарҳангиву фароғатӣ миёни қисмҳои ҳарбӣ бо мақсади дарёфти истеъдодҳо, тарғиби хизмати ҳарбӣ ва тарбияи ватандӯстии хизматчиёни ҳарбӣ ҳамасола гузаронида мешаванд.
Зикр гардид, ки аз ҷониби дастаҳои ҳаваскори қисму воҳидҳои низомӣ маҳорату малакаи хуби санъаткорӣ, рақсу сурудхонӣ, нотиқӣ, ба намоиш гузоштани рӯзномаҳои деворӣ, қироат намудани шеъру сурудҳои ватандӯстона ва ғайра намоиш дода шуда, ҳамзамон сарбозон аз иҷрои навохтани асбоби мусиқии мардумӣ ба хубӣ баромаданд.
Мазмуну мундариҷаи рўзнома ва суратрўзномаҳои деворие, ки ба озмун пешниҳод шуда буданд, ба ҳаёту фаъолияти қисмҳои ҳарбӣ, ҷуъзу томҳо ва муассисаҳои Вазорати мудофиа алоқаманд буданд.
Ёдовар мешавем, ки тибқи нақшаи чорабиниҳои Вазорати мудофиа, қабл аз таҷлили 29-умин солгарди Артиши миллӣ миёни қисмҳои ҳарбӣ ва ҷузъу томҳои гарнизонҳои Душанбе ва Хатлон Фестивал-озмуни «Суруди сарбоз» баргузор мегардад.
АКСҲО: Вазорати мудофиаи Ҷумҳурии Тоҷикистон
Шоири халқии Тоҷикистон Доро Наҷот аз олам даргузашт
ДАСТОВАРДИ ДАВРОНИ СОҲИБИСТИҚЛОЛӢ. Китобхонаи миллии Тоҷикистон иқтидори нигоҳдории то 10 миллион нусха китобро дорад
Дар Душанбе ҷаласаи Комиссияи ҷумҳуриявии озмунҳо баргузор гардид
Китоби «Ориёиҳо ва шинохти тамаддуни ориёӣ»-и Президенти Ҷумҳурии Тоҷикистон бо хати форсӣ рӯнамоӣ гардид
Олимони Ҳиндустон дар Осорхонаи миллии Тоҷикистон бо ёдгориҳои беназир ва бозёфтҳои нодири бостоншиносӣ шинос шуданд
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
