Таҳти унвони «Тоҷикон дар асарҳои шарқшиноси маҷористонӣ Арминий Вамберӣ» мизи мудаввари илмии маҷозӣ доир шуд
ДУШАНБЕ, 11.02.2022 /АМИТ «Ховар»/. 10 феврал бо ташаббуси Вазорати корҳои хориҷии Ҷумҳурии Тоҷикистон таҳти унвони «Тоҷикон дар асарҳои шарқшиноси маҷористонӣ Арминий Вамберӣ» ба муносибати 30-солагии истиқрори муносибатҳои дипломатӣ миёни Ҷумҳурии Тоҷикистон ва Маҷористон мизи мудаввари илмии маҷозӣ баргузор гардид. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Дар мизи мудаввар аз ҷониби Ҷумҳурии Тоҷикистон доктори илмҳои филологӣ Абдунабӣ Сатторзода, докторҳои илмҳои таърих Иброҳим Усмон ва Сановбар Воҳидова ва аз ҷониби Маҷористон доктори илмҳои таърих Агнес Келеченӣ ва доктори илмҳои филологӣ Давид Кара иштирок карданд.
Суҳбати илмӣ роҷеъ ба тадқиқот дар бораи Осиёи Марказӣ (ОМ) аз ҷониби Арминий Вамберӣ, ки солҳои 1862-63 ба минтақаи ОМ сафар дошт, сурат гирифт. Аз ҷумла, Вамберӣ дар эҷодиёти худ забони тоҷикиро ҳамчун забоне шинохтааст, ки дар асри XIX ҳам нафосати аввалияи худ ва ҳам нафосати гуфтори ашъори Рӯдакиро нигоҳ доштааст.
Маълумоти АМИТ «Ховар»
Арминий Вамберӣ сайёҳ ва шарқшиноси маҷорӣ буд. Вай қобилияти аҷиби омӯхтани забонҳоро дошт. Дар 20-солагӣ бо талоши кашфи асли забони маҷорӣ ва дараҷаи робитаи он бо забонҳои туркӣ ба Константинопол меравад. А.Вамберӣ давоми будубошаш дар Туркия теъдоди қобили мулоҳизаи забонҳо ва лаҳҷаҳои шарқиро омӯхта, як қатор асарҳои забоншиносиро ба нашр расонидааст.
А. Вамберии ҷавон, ки аз падараш меҳри китобро ба мерос гирифта буд, баъдан пажӯҳишгар ва мутахассиси маъруфи Осиёи Марказӣ ва Миёна гардид. Вамберӣ, ки олими маъруф гардид, на танҳо як одами пешрафтаи замони худ, балки забоншинос, сиёсатмадор ва географи бузург низ буд. Вамберӣ дар баробари омӯхтани забонҳои туркӣ ва форсӣ забонҳои узбекӣ, туркманӣ, қирғизӣ ва тоториро хуб медонист. Арминий Вамберӣ омӯзиши Осиёи Миёнаро дар назди худ мақсад гузошта буд.
АКСҲО: ВКХ ҶТ ва манбаъҳои боз
Таҳти унвони «Меандешам пас ҳастам» намоиши осори Рассоми халқии Тоҷикистон Сӯҳроб Қурбонов оғоз гардид
Дар Фестивали байналмилалии «Интермузей. БРИКС+» густариши ҳамкорӣ байни осорхонаҳо баррасӣ шуд
Дар Донишгоҳи технологии Тоҷикистон даври якуми Озмуни ҷумҳуриявии «Донандаи беҳтарини асарҳои Пешвои миллат» доир гардид
Бахшида ба 35-солагии робитаҳои бародаршаҳрӣ байни Душанбе ва Санкт-Петербург дар Осорхонаи миллӣ намоиши аксҳо ифтитоҳ ёфт
Аъзои ҳайати шаҳри Санкт-Петербург дар Осорхонаи миллӣ бо давраҳои пурифтихори таъриху фарҳанги бостонии тоҷикон шинос шуданд
Дабири кулли САҲА дар Осорхонаи миллии Тоҷикистон бо тамаддуни миллати тоҷик шинос шуд
Рушди ҳамкории фарҳангии Тоҷикистону Қирғизистон баррасӣ шуд
«…МОДАР ЯКТОСТ, ТОҶИКИСТОН ЯКТОСТ…». Ба зодрӯзи Шоири халқии Тоҷикистон устод Лоиқ Шералӣ 85 сол пур шуд
«МЕАНДЕШАМ, ПАС ҲАСТАМ». Таҳти ин унвон намоиши осори Рассоми халқии Тоҷикистон Суҳроб Қурбонов ташкил карда мешавад
Дар Бишкек маросими тантанавии ифтитоҳи Рӯзҳои фарҳанги Ҷумҳурии Тоҷикистон баргузор гардид
Дар Донишкадаи санъати тасвирӣ ва дизайни Тоҷикистон даврҳои омӯзишии «Эбру», 3D ва колиграфия ифтитоҳ шуданд
«ЗЕБОИИ ТОҶИКИСТОН–МЕРОС БАРОИ ОЯНДА». Дар Бишкек намоишгоҳи санъати тасвирии Тоҷикистон ифтитоҳ ёфт
