ТОҶИКИСТОН ҲАЙАТИ НАМОЯНДАГОНРО БА РАЪЙДИҲИИ БЕЛАРУС МЕФИРИСТАД. Дар Минск аллакай беш аз 180 нозири байналмилалӣ аккредитатсия шуданд
ДУШАНБЕ, 24.02.2022 /АМИТ «Ховар»/. Комиссияи марказии интихобот ва раъйпурсии Тоҷикистон намояндагонро барои назорати раъйпурсӣ оид ба ворид намудани тағйиру иловаҳо ба конститутсияи Беларус равон мекунад. Ҳайати моро раиси КМИР Бахтиёр Худоёрзода раҳбарӣ менамояд.
Тавре хабаргузории давлатии Беларус «БелТА» иттилоъ дод, Минск қаблан ба намояндагони КМИ Озарбойҷон, Арманистон, Қазоқистон, Қирғизистон, Молдова, Русия, Туркманистон, Тоҷикистон ва Узбекистон нома ирсол карда буд. Комиссияи марказии интихоботи Ҷумҳурии Беларус нозиронро дар асоси даъват аккредитатсия мекунад. Тибқи иттилои КМИ Беларус, то имрӯз беш аз 40 000 нозири миллӣ ва 181 нозири байналмилалӣ аккредитатсия шудаанд.
Ба иттилои Комиссияи марказии интихобот, теъдоди нозирони намояндагии ИДМ ба 144 нафар расид, ки аз ин шумора 37 нафарро Ассамблеяи байнипарлумонии кишварҳои узви ИДМ фиристода, 19 нозири мустақили байналмилалӣ ба он шомил шудаанд. Ассамблеяи Байнипарлумонии Созмони Аҳдномаи амнияти дастҷамъиро ду нозир намояндагӣ намуда, аз Созмони ҳамкории Шанхай 4 нозир аккредитатсия шуда, 12 нозирро комиссияҳои марказии интихоботии Озарбойҷон, Арманистон, Русия, Қирғизистон, Тоҷикистон, Узбекистон ва Қазоқистон намояндагӣ мекунанд.
Дар раъйпурсӣ 44 296 нафар нозирони миллӣ низ аккредитатсия шудаанд, ки аксари онҳо аз иттиҳодияҳои ҷамъиятӣ, аз қабили иттифоқҳои касаба, Иттифоқи ҷумҳуриявии ҷавонони Беларус, «Белая Рус», Иттифоқи занони Беларус мебошанд. Ҳизбҳои сиёсӣ ба комиссияҳои раъйпурсӣ беш аз 2000 нозир фиристоданд, ки аксари онҳо намояндагони Ҳизби коммунист мебошанд. Намояндагони мухолифини Беларус дар рӯйхати нозирони миллӣ нестанд.
Тибқи фармони президенти Беларус, раъйпурсии конститутсионӣ 27 феврал баргузор мешавад. 22 феврал овоздиҳии пешакӣ оғоз гардид, ки то 26 феврал идома меёбад. Иштироки мардум барои овоздиҳии пешакӣ дар раъйпурсӣ дар ду рӯз ба 14,53% расид.
АКС аз манбаъҳои боз
Барно Саидвализода дар ҷаласаи Комиссияи доимии Ассамблеяи байнипарлумонии давлатҳои иштирокдори ИДМ оид ба илм ва маориф иштирок намуд
Файзалӣ Идизода дар музокироти умумии Ассамблеяи 152-юми Иттиҳоди байнипарламентӣ дар шаҳри Истанбул иштирок намуд
Вакили Маҷлиси намояндагон дар ҷаласаи ҳамоҳангсози Ассамблеяи парламентии Осиё иштирок намуд
Раиси Маҷлиси намояндагони Тоҷикистон бо Раиси Жогорку Кенеши Қирғизистон вохӯрӣ намуд
Ҳайати Тоҷикистон дар ҷаласаи 152-юми Иттиҳоди байнипарламентӣ ва иҷлосияи ҳамоҳангсози Ассамблеяи парламентии Осиё иштирок менамояд
Ҷаласаи навбатии иҷлосияи дуюми Маҷлиси намояндагони Маҷлиси Олӣ, даъвати ҳафтум баргузор гардид
ДУШАНБЕ — НИГИНИ КИШВАРИ ОФТОБИИ ТОҶИКОН. Ба Рӯзи пойтахти Тоҷикистон бахшида мешавад
Вакилони парлумонҳои кишварҳои аъзои ИДМ тарҳи таҳрири нави қонуни намунавии «Дар бораи мақоми ваколатдори ҳуқуқи инсон»-ро тасдиқ намуданд
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Дар Душанбе масъалаҳои таълиму тарбия, сифати таҳсил ва гузариш ба низоми 12-солаи таълим баррасӣ гардиданд
Ҳамкории Тоҷикистон ва Иттиҳоди Аврупо дар самти такмили низоми идоракунии молияи давлатӣ густариш меёбад
Дар Душанбе тавсияҳои Кумитаи СММ оид ба бартараф намудани ҳама гуна ҳуқуқпоймолкунӣ нисбат ба занон муҳокима гардид
