Толибилмони «Литсей барои хонандагони болаёқат»-и шаҳри Хуҷанд дар олимпиадаи «Teeneagle»-и Лондон иштирок мекунанд
ДУШАНБЕ, 28.02.2022 /АМИТ «Ховар»/. Аз 31 июл то 7 августи соли 2022 дар Донишгоҳи Брунели шаҳри Лондон даври ниҳоии Олимпиадаи байналмилалии «Teeneagle» баргузор мегардад, ки дар он 21 нафар толибилмони «Литсей барои хонандагони болаёқат» дар шаҳри Хуҷанд низ ширкат меварзанд. Дар ин бора директори Литсейи мазкур Сурайё Негматова ба АМИТ «Ховар» хабар дод.
Ёдовар мешавем, ки даври интихобии олимпиадаи байналмилалии «Teeneagle» аз фанни забони англисӣ 12 феврали соли равон ба тариқи онлайн сурат гирифт. Тибқи иттилои кумитаи тадорукоти озмун, дар даври муқаддамотӣ 21 нафар хонандагони «Литсей барои хонандагони болаёқат» дар шаҳри Хуҷанд ғолиб омада, ба даври финалии озмун, ки дар пойтахти Англия — шаҳри Лондон баргузор мегардад, роҳхат гирифта, ба таври ҳузурӣ иштирок менамоянд.
Ба иттилои директори «Литсей барои хонандагони болаёқат» дар шаҳри Хуҷанд Сурайё Негматова, дар натиҷаи ҷамъбасти даври интихобии озмун хонандагони Литсей ба гирифтани 1 медали тилло, 4 нуқра ва 16 биринҷӣ шарафёб гардиданд.
Толибилмони «Литсей барои хонандагони болаёқат» дар шаҳри Хуҷанд дар 6 моҳи соли таҳсили 2021-2022 дар олимпиадаҳои сатҳи ҷаҳонӣ дар кишвари Амрико, Италия, Чин, Англия, Олмон, Туркия, Таиланд, Федератсияи Русия, Мексика ва Фаронса ҳузурӣ ва фосилавӣ иштирок намуда, соҳиби 212 медал, аз ҷумла, 81 тилло, 57 нуқра ва 74 биринҷӣ гардиданд.
Ёдовар мешавем, ки даври ниҳоии Олимпиадаи байналмилалии «Teeneagle» дар Донишгоҳи Брунели шаҳри Лондон баргузор гардида, ғолибони мақоми аввал, дуюм ва сеюм тибқи низомномаи озмун ҷиҳати ройгон идома додани таҳсил дар 12 донишгоҳи бонуфузи Англия роҳхат ба даст меоранд.
Дар олимпиадаи мазкур 30 ҳазор нафар аз беш аз 90 кишвари олам ширкат меварзанд.
АКС: Литсей барои хонандагони болаёқат дар ш. Хуҷанд
Имрӯз дар Душанбе намоиш-фурӯши китоб баргузор мегардад
Моҳи март дар Душанбе Фестивали «Сад ранги чакан» ва намоиш-фурӯши маҳсулоти нақшдӯзиву зардӯзии чаканӣ баргузор мешаванд
Ҳунармандони Театри давлатии академии калони Узбекистон ба номи Алишер Навоӣ ба Тоҷикистон меоянд
«САД РАНГИ ЧАКАН». Дар Исфара даври шаҳрии фестивали ҷумҳуриявӣ баргузор шуд
Дар муассисаҳои илмии Академияи миллии илмҳои Тоҷикистон 20 озмоишгоҳи замонавӣ ба истифода дода шуд
Донишҷӯёни тоҷики Донишкадаи умумирусиягии кинематографияи шаҳри Москва бо хобгоҳ ва стипендия таъмин карда мешаванд
НИШАСТИ МАТБУОТӢ. Донишкадаи давлатии санъати тасвирӣ ва дизайни Тоҷикистон бо 19 муассисаи таҳсилоти олии хориҷӣ ҳамкорӣ дорад
НИШАСТИ МАТБУОТӢ. Донишҷӯёни Консерваторияи миллӣ дар Озмуни ҷумҳуриявии «Тоҷикистон — Ватани азизи ман» соҳиби Шоҳҷоиза ва ҷойҳои намоён гардиданд
Агентиҳои иттилоотии Тоҷикистон ва Чин ба марҳалаи нави ҳамкорӣ ворид мешаванд
Таҳкими ҳамкорӣ дар самти дастгирии иттилоотӣ ва тарғиби сиёсати дӯстонаи Тоҷикистон ва Чин баррасӣ шуд
Ба бузургдошти мутафаккири барҷастаи тоҷик Абӯалӣ ибни Сино симпозиуми байналмилалӣ доир мешавад
Дар шаҳри Теҳрон «Шаби Тоҷикистон» баргузор гардид
