USAID бозорҳо ва сармоягузориҳои навро дар Осиёи Марказӣ роҳандозӣ мекунад
ДУШАНБЕ, 10.02.2022 /АМИТ «Ховар»/. Агентии ИМА оид ба рушди байналмилалӣ (USAID) аз оғози барномаи нав бо буҷети 19 млн доллари ИМА, ки ба самти беҳтарсозии робитаҳои тиҷоратӣ дар Осиёи Марказӣ нигаронида шудааст, хабар дод. Барномаи панҷсолаи савдо дар Осиёи Марказӣ Қазоқистон, Қирғизистон, Тоҷикистон, Туркманистон ва Узбекистонро дар бар мегирад. Тавре АМИТ «Ховар» хабар медиҳад, дар ин бора хадамоти матбуоти USAID иттилоъ додааст.
Мақсади ин барнома- тавсеаи имконоти иқтисодӣ дар Осиёи Марказӣ тавассути ҳамоҳангсозии расмиёти назорати гумрукӣ ва сарҳадӣ, таҳкими шарикӣ байни бахшҳои давлатӣ ва хусусӣ дар масъалаҳои савдо, сармоягузорӣ ва таҳкими ҳамкории фаромарзӣ миёни соҳибкорон мебошад.
Ёдовар мешавем, ки соли 2020 намояндагии Агентии ИМА оид ба рушди байналмилалӣ дар Тоҷикистон ва Узбекистон ифтитоҳ шуда буд.
Тавре АМИТ «Ховар» қаблан хабар дода буд, соли сипаригардида USAID дар якҷоягӣ бо Мақомоти иҷроияи ҳокимияти давлатии вилояти Хатлон ва Агентии содироти назди Ҳукумати Ҷумҳурии Тоҷикистон дар шаҳри Бохтар Анҷумани тиҷоратии «BactriaFood 2021» баргузор намуд (АКС). Ҳадафи анҷуман ба рушди савдои маҳсулоти кишоварзӣ, ба роҳ мондани робитаҳои тиҷоратӣ ва таҳкими иқтидори содиротии кишвар равона шуда буд.
Дар форум зиёда аз 200 истеҳсолкунандагони калонтарин ва муттаҳидкунандагони меваю сабзавот дар Тоҷикистон ва харидорон аз Қазоқистон, Қирғизистон, Узбекистон, Афғонистон ва дигар кишварҳо ширкат доштанд.
USAID дар назди ҳукумати ИМА соли 1961 бо ташаббуси Ҷон Кеннедӣ таъсис дода шудааст. Ҳадафҳои созмон дастгирии рушди демократия, иқтисод ва тандурустӣ мебошанд.
Агентӣ кумакҳои фавқулодаи башарӣ расонида, дар самти пешгирии муноқишаҳо дар зиёда аз сад кишвари ҷаҳон кумак мерасонад.
АКС: АМИТ «Ховар»
Дурнамои таҳкими ҳамкории дуҷониба байни Тоҷикистон ва Русия дар соҳаҳои энергетика ва нафту газ баррасӣ шуд
Дар Душанбе масоили технологияҳои молиявӣ ва навовариҳо ҳамчун муҳаррики сармоягузорӣ баррасӣ гардид
Афзалияти стратегии Тоҷикистон дар самтҳои идоракунии устувори молияи давлатӣ, молияи «сабз» ва иқлим дар Амрико баррасӣ гардид
Ҳайати Тоҷикистон дар ҷаласаи пленарии VIII Форуми байналмилалии «Ҳафтаи энергетикии Русия» иштирок намуд
Меҳргон иди кишоварзону олимон, иди фаровонӣ, шодию нишот, дӯстӣ, ваҳдату ягонагӣ ва меҳру садоқат аст
Дар шаҳри Гулистон Форуми сеюми ҷавонони ҳавзаи дарёи Сир баргузор гардид
Рушди ҳамкории Тоҷикистон ва Бонки ҷаҳонӣ дар доираи Стратегияи нави шарикӣ баррасӣ карда шуд
Валиаҳди Шоҳигарии Негери-Сембилани Малайзия: «Таваҷҷуҳи Роҳбарияти олии Тоҷикистон ба татбиқи лоиҳаи НБО-и «Роғун» шоистаи таҳсин аст»
Татбиқи лоиҳаҳои муштарак дар самтҳои афзалиятноки Тоҷикистон бо Корпоратсияи байналмилалии молиявӣ баррасӣ шуд
Тоҷикистон ва Ҷопон ҳамкориро дар самти рушди энергетикаи «сабз» густариш медиҳанд
«ДУШАНБЕ ИНВЕСТ-2025». Соҳибкор аз Аморати Муттаҳиддаи Араб Марям Алшинасӣ: «Тоҷикон воқеан мардуми меҳмоннавоз, самимӣ ва дорои таъриху фарҳанги қадимӣ мебошанд»
Сулаймон Зиёзода дар Муколамаи Рим оид ба масъалаҳои об-2025 мавқеи Тоҷикистонро дар самти истифодаи устувори захираҳои об таъкид намуд
