Вазири маориф ва илм бо вазъи муассисаҳои таълимии ноҳияи Деваштич шинос гардид
ДУШАНБЕ, 7.02.2022. /АМИТ «Ховар»/. Дар доираи сафари корӣ ба вилояти Суғд Вазири маориф ва илми Ҷумҳурии Тоҷикистон Муҳаммадюсуф Имомзода, муовини Вазири маориф ва илм Нуралӣ Собирзода ва намояндагони мақомоти иҷроияи ҳокимияти давлатии ноҳия бо вазъи муассисаҳои таҳсилоти миёнаи умумии рақамҳои 5, 30 ва 35 аз наздик шинос гардиданд, иттилоъ доданд дар маркази матбуоти Вазорати маориф ва илми Ҷумҳурии Тоҷикистон.
Дар ҷараёни боздид аз ин муассисаҳо Вазири маориф ва илм ба баланд бардоштани сифати таҳсил, омӯзиши забонҳои хориҷӣ, ҷараёни иҷрои барномаҳои давлатӣ, корҳои ободонию бунёдкорӣ ва дигар масъалаҳои марбут ба таълиму тарбия таваҷҷуҳи хосса зоҳир намуда, бо омӯзгорону сокинони деҳот суҳбатҳои судманд анҷом дод.
Ҳангоми боздид аз муассисаи таҳсилоти миёнаи умумии рақами 5 иттилоъ дода шуд, ки сохтмони муассисаи таълимии рақами 5 деҳаи Ҳазорчашмаи ноҳияи Деваштич дар доираи амалигардонии лоиҳаи Фонди Саудии Рушд ба нақша гирифта шудааст. Фармоишгари иншоот Муассисаи давлатии «Маркази татбиқи лоиҳаи «Сохтмон ва муҷаҳҳазгардонии мактабҳо» мебошад.
Тибқи лоиҳа, бинои таълимии сохташаванда аз 4 ошёна иборат буда, барои 620 ҷойи нишаст дар як баст пешбинӣ гардидааст. Инчунин иншооти сохташаванда дорои ошхона, толорҳои маҷлисгоҳу варзишӣ мебошад. Бинои муассисаи таълимӣ ба шабакаи гармидиҳии худмухтор пайваст гардида, дар фасли зимистон бо гармӣ таъмин карда мешавад. Тибқи нақша, сохтмони иншоот соли равон ба анҷом расонида мешавад.
Вазири маориф ва илм ба масъулин ҷиҳати дар муҳлати пешбинигардида ва бо сифати баланд ба анҷом расонидани сохтмони муассисаи таълимии мазкур дастур дод.
АКС: Вазорати маориф ва илм
Дар Донишгоҳи давлатии Бохтар ду озмоишгоҳи муосир ба истифода дода шуд
Дар Литсей барои хонандагони болаёқат дар шаҳри Душанбе ҷашни Наврӯз бо риояи расму ойини миллӣ таҷлил гардид
Дар Донишгоҳи давлатии Хуҷанд озмуни «Беҳтарин эҷодкори достонҳои «Шоҳнома»» ҷамъбаст гардид
Дар Донишгоҳи давлатии молия ва иқтисоди Тоҷикистон оид ба ҳифз, эҳё ва рушди забони миллӣ машварати омӯзишӣ доир шуд
Қабули довталабон барои таҳсил дар муассисаҳои таҳсилоти олии Ҷумҳурии Мардумии Чин оғоз гардид
Дар Донишгоҳи байналмилалии забонҳои хориҷии Тоҷикистон даври муассисавии Озмуни ҷумҳуриявии «Шоҳномахонӣ» доир шуд
«БАҲОРИ МАЪРИФАТ: МОДАР, ҚАЛАМ ВА НАВРӮЗ».Таҳти ин унвон дар Душанбе ҳамоиши идона доир шуд
Дар Донишгоҳи техникии Тоҷикистон оид ба таҳсилоти муҳандисӣ ва технологияҳои рақамӣ конфронс баргузор шуд
Донишгоҳи технологии Тоҷикистон бо панҷ муассисаи таҳсилоти олии Узбекистон созишномаи ҳамкорӣ ба имзо расонид
Байни Донишгоҳи давлатии Бохтар ва се донишгоҳи Узбекистон созишномаи ҳамкорӣ ба имзо расид
Байни Институти илмию таҳқиқотии сайёҳӣ ва соҳибкорӣ ва Донишкадаи соҳибкорӣ ва педагогии Деҳнави Узбекистон санади ҳамкорӣ ба имзо расид
ТАЪТИЛИ БАҲОРӢ. Хонандагони муассисаҳои таълимии Тоҷикистон чанд рӯз истироҳат мекунанд?
