Маликшо Неъматзода бо Қудратилло Рафиқов ва Сергеус Гловатскас барои ҳамкории минбаъда суҳбати телефонӣ анҷом дод
ДУШАНБЕ, 31.03.2022 /АМИТ «Ховар»/. Имрӯз раиси Федератсияи иттифоқҳои касабаи мустақили Тоҷикистон (ФИКМТ) Маликшо Неъматзода бо раиси Федератсияи иттифоқҳои касабаи Ҷумҳурии Узбекистон Қудратилло Рафиқов ва мудири бахши кор бо меҳнаткашони Бюрои ташкилоти байналмилалии меҳнат (МОТ) оид ба Аврупо ва Осиёи марказӣ Сергеус Гловатскас суҳбати телефонӣ анҷом дод. Дар ин бора ба АМИТ «Ховар» дар ФИКМТ хабар доданд.
Зимни суҳбат ҳамкории дуҷониба ва бисёрҷониба мавриди баррасӣ қарор дода шуд.
Бояд гуфт, ки саҳми Ташкилоти Байналмилалии Меҳнат дар масъалаи танзими муносибатҳои меҳнатӣ ва густариши шарикии иҷтимоӣ байни ҳукуматҳо, иттифоқҳои касаба ва корфармоён назаррас буда, санадҳои қабулкардаи он дар шакли конвенсия ва тавсияҳо ба танзими одилонаи муносибатҳои меҳнатӣ мусоидат менамоянд. То ин муддат аз ҷониби Тоҷикистон 51 конвенсия ва 22 тавсияи Ташкилоти байналмилалии Меҳнат пазируфта шудааст.
Ҳамзамон ёдовар мешавем, ки моҳи ноябри соли 2021 дар шаҳри Тошканди Ҷумҳурии Узбекистон миёни федератсияҳои иттифоқҳои касабаи ду кишвари ҳамсоя- Тоҷикистону Узбекистон мемореандум оид ба ҳамкорӣ ба имзо расид.
Зимни суҳбат ҷонибҳо оид ба ҳолати кунунии ҳамкорӣ табодули назар карда, ҷиҳати вусъати ҳамкории минбаъда омодагии комилашонро изҳор доштанд.
Суҳбат дар фазои ҳусни тафоҳуми ҳамдигарӣ ҷараён гирифт.
Акс: ФИКМТ
Дар Ню-Йорк масъалаи омодагӣ ба Конфронси оби СММ-2028 дар Душанбе баррасӣ гардид
Сироҷиддин Муҳриддин дар ҷаласаи солонаи Гурӯҳи 77 ва Чин иштирок намуд
Ҳамкории дуҷониба байни Тоҷикистон ва Олмон баррасӣ гардид
Дар Душанбе брифинг оид ба омодагӣ ба Саммити Иттиҳоди Давлатҳои Мустақил баргузор гардид
Сироҷиддин Муҳриддин дар чорабинии сатҳи баланди «Ташаккули ояндаи об» иштирок намуд
Дар Ню-Йорк аз ташаббусҳои ҷаҳонии Тоҷикистон дар соҳаи захираҳои об ва тағйирёбии иқлим ёдовар шуданд
Сироҷиддин Муҳриддин дар муколамаҳои сатҳи баланд оид ба низомҳои огоҳии бармаҳал иштирок намуд
Соҳибкорону сармоягузорони тоҷик дар Форуми байналмилалии сармоягузории Хоразм иштирок намуданд
Дар Женева 34-солагии Истиқлолияти давлатии Ҷумҳурии Тоҷикистонро ҷашн гирифтанд
Сафири Тоҷикистон дар Туркия бо волии Трабзон мулоқот намуд
Ҳайати Тоҷикистон дар вохӯрии ҷаҳонии вазирони Семаул ва ҳамоиши роҳбарони Семаул иштирок дорад
Дар Вена нахустин консерти Оркестри давлатии симфонии Тоҷикистон баргузор шуд
