Ҳайати Тоҷикистон дар 9-умин Форуми ҷаҳонии об иштирок намуд
ДУШАНБЕ, 23.03.2022 /АМИТ «Ховар»/. 21 март ҳайати Ҷумҳурии Тоҷикистон таҳти роҳбарии Вазири энергетика ва захираҳои об Далер Ҷумъа ва узвияти муовини вазири корҳои хориҷӣ Шараф Шерализода ва роҳбари Котиботи Конфронси дуюми байналмилалии сатҳи баланд оид ба Даҳсолаи байналмилалии амал «Об барои рушди устувор, 2018-2028» (6-9 июни 2022 дар Душанбе) Султон Раҳимзода дар маросими ифтитоҳи 9-умин Форуми ҷаҳонии об, ки то 26 марти соли 2022 дар шаҳри Дакари Ҷумҳурии Сенегал идома меёбад, иштирок намуд. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Президенти Ҷумҳурии Сенегал ҷаноби Макки Салл зимни суханронии худ аҳаммияти натиҷаи 9-умин Форуми ҷаҳонии об ва нақши Конфронси дуюми оби Душанберо, ки 6-9 июни 2022 доир мешавад, дар раванди омодагӣ ба Конфронси Созмони Милали Муттаҳид оид ба баррасии миёнамуҳлати даҳсолаи об (22-24 марти 2023, Ню-Йорк), ки таҳти раёсати Ҷумҳурии Тоҷикистон ва Подшоҳии Нидерланд баргузор мегардад, қайд намуд.
Вазири энергетика ва захираҳои оби Ҷумҳурии Тоҷикистон Далер Ҷумъа зимни суханронӣ дар ҷаласаи вазирон иштирокдоронро дар бораи омодагӣ ба Конфронси дуюми оби Душанбе таҳти унвони “Такон бахшидан ба амалҳо ва шарикӣ дар соҳаи об дар сатҳҳои маҳаллӣ, миллӣ, минтақавӣ ва ҷаҳонӣ” шинос карда, аҳаммияти онро ҳамчун чорабинии ҷаҳонии тадорукотӣ ба Конфронси Созмони Милали Муттаҳид оид ба баррасии миёнамуҳлати даҳсолаи об таъкид намуд.
Дар паёмҳои худ Императори Япония Наруҳито, Президенти Комиссияи Аврупо хонум Урсула фон дер Ляйн ва роҳбарони кишварҳои иштирокдор нақши Конфронси оби СММ-ро дар баррасии масоили об дар сатҳи ҷаҳонӣ муҳим арзёбӣ карданд.
Қайд кардан ба маврид аст, ки ташаббусҳои Тоҷикистон дар робита ба ҳалли мушкилоти об дар ҷаҳон боиси ба гунаи хос муаррифӣ шудани кишвар дар арсаи байналмилалӣ гардидааст.
Маросими ифтитоҳи чорабинӣ бо иштироки президентҳои Мавритания, Гвинея-Бисау, Эфиопия, Ҷумҳурии Конго, муовини Президенти Гамбия, роҳбари Шӯрои ҷаҳонии об, Бонки ҷаҳонӣ ва вазирони соҳавии кишварҳои хориҷӣ доир гардид.
АКСҲО: ВКХ ҶТ
Сироҷиддин Муҳриддин бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ мулоқот намуд
«Барномаи ҳамкорӣ байни вазоратҳои корҳои хориҷии Тоҷикистон ва Туркманистон барои солҳои 2027–2028» ба имзо расид
Президенти Туркманистон бо Вазири корҳои хориҷии Тоҷикистон мулоқот намуд
Дар Теҳрон табодули таҷриба байни мутахассисони соҳаи тибби Тоҷикистон ва Эрон баррасӣ гардид
Сафири Тоҷикистон дар Кувайт бо раиси Гурӯҳи хадамоти ҳавопаймоии «Скай» мулоқот намуд
Дар Душанбе аҳаммияти ҳамкории байналмилалӣ барои таъмини рушди устувор баррасӣ гардид
Намояндаи доимии Тоҷикистон бо мудири кулли Дафтари СММ дар Вена мулоқот намуд
Дар Риёз ҳамкорӣ байни Муассисаи давлатии «Тоҷикфилм» ва Комиссияи синамои Арабистони Саудӣ баррасӣ шуд
Дар Вена баргузории ҷаласаи навбатии Комиссияи муштараки байниҳукуматии Тоҷикистону Австрия баррасӣ шуд
Сафири Тоҷикистон бо муовини вазири корҳои дохилии Миср мулоқот намуд
Сафири Тоҷикистон бо муовини Вазири адлияи Эрон мулоқот намуд
Сироҷиддин Муҳриддин бо муовини парлумонии вазири корҳои хориҷии Ҷопон Эри Арфия мулоқот намуд
