Ҳайати Тоҷикистон дар Иҷлосияи 65-уми Комиссияи СММ оид ба маводи мухаддир дар шаҳри Вена иштирок дорад
ДУШАНБЕ, 15.03.2022 /АМИТ «Ховар»/. Ҳайати Тоҷикистон таҳти роҳбарии директори Агентии назорати маводи нашъаовари назди Президенти Ҷумҳурии Тоҷикистон Ҳабибулло Воҳидзода дар Иҷлосияи 65-уми Комиссияи СММ оид ба маводи нашъаовар дар шаҳри Венаи Австрия иштирок дорад. Дар ин бора АМИТ «Ховар» бо истинод ба Агентии назорати маводи нашъаовари назди Президенти Ҷумҳурии Тоҷикистон хабар медиҳад.
Иҷлосия аз 14 то 18 март дар қароргоҳи Раёсати Созмони Милали Муттаҳид оид ба маводи нашъаовар ва ҷинояткорӣ баргузор гардида, дар он вазирон ва роҳбарони мақомоти назорати маводи нашъаовари давлатҳои аъзои СММ дар шакли омехта (ҳузурӣ ва маҷозӣ) иштирок менамоянд.
Дар рӯзи аввали иҷлосия аз номи Ҷумҳурии Тоҷикистон Ҳабибулло Воҳидзода вобаста ба вазъи маводи мухаддир дар ҷумҳурӣ дар соли 2021, пешравиҳо ва проблемаҳои кишвар дар самти мубориза бо муомилоти ғайриқонунии маводи мухаддир ва пешгирии нашъамандӣ маърӯза намуд.
Ҳамзамон зимни маърӯза директори Агентӣ дар бораи хатари нигаронкунандаи паҳншавии маводи нашъадори навъи синтетикӣ ва моддаҳои психотропӣ, усулҳои нави фурӯши ин мавод тариқи шабакаҳои иҷтимоӣ, афзоиши қоҷоқи маводи нашъаовар ба Тоҷикистон баъди ба сари ҳокимият омадани ҳаракати «Толибон»* ва дар ин робита таҳким бахшидани сарҳади Тоҷикистон бо Афғонистон изҳори назар карда, ҷомеаи ҷаҳонӣ ва созмонҳои байналмилалиро ба ҳамкорӣ ва дастгирии мақомоти ваколатдори кишвар даъват намуд.
Ҳамчунин дар ҳошияи иҷлосия Ҳабибулло Воҳидзода бо роҳбари ҳайати ИМА мулоқот анҷом дод.
Зимни мулоқот якчанд масъалаҳои мубрам, аз ҷумла таҳкиму густариши минбаъдаи ҳамкории Агентӣ бо Маъмурияти мубориза бо маводи нашъаовари Вазорати адлияи ИМА дар Осиёи Марказӣ, барқарор намудани Дафтари ДЕА дар Тоҷикистон ва маблағгузории кормандони Агентӣ мавриди баррасӣ қарор гирифт.
Дар анҷоми мулоқот ҷонибҳо омодагии хешро ҷиҳати густариши ҳамкории дуҷониба дар самти назорати маводи нашъаовар иброз доштанд.
АКСҲО: Агентии назорати маводи нашъаовари назди Президенти ҶТ
__________________
* Ҳаракати террористӣ, ки дар Тоҷикистон ва дигар мамолики ҷаҳон мамнуъ эълон карда шудааст
Вазорати мудофиа: «Дар ҳамаи шаҳру ноҳияҳои Тоҷикистон чорабиниҳои пешаздаъватӣ доир карда мешаванд»
Фестивали ҷумҳуриявии афсарону сарбозон «Муҳофизони Ватан» баргузор мешавад
Намояндагони Тоҷикистон дар конфронси 10-уми минтақавии Ассотсиатсияи байналмилалии прокуророни генералӣ иштирок доранд
Соҳибкороне, ки худсарона нархи маҳсулоти хӯрокаро боло мебардоранд, ҷарима карда мешаванд
МАВСИМИ ОББОЗӢ ФАРО РАСИД. Волидайн фарзандони худро ҳангоми оббозӣ беназорат нагузоранд!
Котиби Шурои амнияти Тоҷикистон Юсуф Раҳмон бо Котиби давлатии Шурои амнияти Ҷумҳурии Беларус Александр Волфович мулоқот намуд
Котиби Шурои амнияти Тоҷикистон бо Мушовири Шурои амнияти миллии Ҷумҳурии Ироқ мулоқот намуд
Дар вилояти Хатлон 128 ҳодисаи садамавии роҳу нақлиёт ба қайд гирифта шуд
Дар ҷаласаи Шурои вазирони мудофиаи давлатҳои аъзои СААД ҳамкорӣ дар соҳаи ҳарбӣ баррасӣ карда шуд
Котиби Шурои амнияти Тоҷикистон дар Вохӯрии 13-уми байналмилалии намояндагони баландмақоми бахши амният иштирок намуд
Аз 29 то 31 май дар Душанбе ҳаракати воситаҳои нақлиёт муваққатан маҳдуд карда мешавад
«ЗАМИН», «МАРЗ» ВА «ВАТАН» — УНСУРҲОИ МУҚАДДАС ВА ҲАЁТАН МУҲИМ. Ба Рӯзи Қӯшунҳои сарҳадӣ бахшида мешавад
