Дар Минск ба дипломатҳои ИДМ оид ба конфронси байналмилалии сатҳи баланди Душанбе иттилоъ дода шуд
ДУШАНБЕ, 31.03.2022 /АМИТ «Ховар»/. Ҷумҳурии Тоҷикистон конфронси дуюми байналмилалии сатҳи баланд бахшида ба Даҳсолаи байналмилалии амал «Об барои рушди устувор, солҳои 2018-2028» баргузор мекунад, ки 6-9 июни соли равон дар шаҳри Душанбе доир мешавад. Дар ин бора дирӯз, 30 март дар Минск Намояндаи доимии Ҷумҳурии Тоҷикистон дар мақомоти оинномавӣ ва дигар мақомоти ИДМ, Сафири Фавқулода ва Мухтори Ҷумҳурии Тоҷикистон дар Ҷумҳурии Беларус Маҳмадшариф Ҳақдод дар ҷаласаи муштараки Шӯрои намояндагони доимии давлатҳои узви Иттиҳод дар назди мақомоти оинномавӣ ва дигар органҳои мақомоти Иттиҳод ва комиссияҳо оид ба масъалаҳои иқтисодии назди Шӯрои иқтисодии ИДМ хабар дод.
Ба гуфтаи ӯ, конфронси байналмилалии сатҳи баланд дар ҳамкорӣ бо Созмони Милали Муттаҳид ва дигар шарикон дар мавзӯи «Ҳавасмандгардонии амалҳои об ва шарикӣ дар сатҳи маҳаллӣ, миллӣ, минтақавӣ ва ҷаҳонӣ» баргузор мешавад.
Маҳмадшариф Ҳақдод иброз намуд, ки конфронс бахше аз «Раванди оби Душанбе» ба шумор меравад, имконияти саривақтӣ ва арзишманд фароҳам оварда, минбари дастгирии амал, тавсеаи шарикӣ, роҳандозии муколамаи сиёсӣ, баррасии рафти татбиқи Барномаи Даҳсола, инчунин инкишоф додани робита бо дигар равандҳои дахлдор маҳсуб мешавад.
«Конфронси дуюми Душанбе оид ба татбиқи Даҳсолаи об боз як макон барои муайян ва муттаҳидсозии иттилооти зарурӣ оид ба об гардида, дар омодасозии Конфронси СММ оид ба баррасии ҳамаҷонибаи миёнамуҳлат вобаста ба татбиқи Ҳадафҳои байналмилалии Даҳсолаи амал «Об барои рушди устувор», солҳои 2018-2028, ки соли 2023 дар Ню Йорк баргузор мешавад, мусоидат намуда, ҳамчунин маълумоти навшудаи Форуми сиёсии сатҳи баланд оид ба рушди устуворро пешниҳод менамояд»,-баён намуд, дипломатии тоҷик.
Дар Женева дурнамо ва рушди ҳамкорӣ байни Тоҷикистон ва Созмони умумиҷаҳонии моликияти зеҳнӣ баррасӣ шуд
Сафири Тоҷикистон бо Губернатори Санкт – Петербург мулоқот намуд
РАВАНДИ ОБИ ДУШАНБЕ. Сомонаи расмии Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор, 2018–2028» фаъол гардид
Барои иштирок дар Конфронси байналмилалии сатҳи баланд оид ба Даҳсолаи байналмилалии амал «Об барои рушди устувор» бақайдгирӣ оғоз ёфт
Дар Қоҳира ҳамкорӣ байни ширкатҳои Тоҷикистону Миср баррасӣ гардид
Дар Душанбе Ҷаласаи навбатии Шурои сарони ҳукуматҳо (сарвазирон)-и давлатҳои узви СҲШ доир мегардад
Сафири Тоҷикистон бо муовини якуми Раиси Бонки марказии Арабистони Саудӣ мулоқот намуд
Дар Душанбе бо иштироки намояндагони 27 давлат маъракаи ниҳолшинонӣ баргузор шуд
Сафири Тоҷикистон дар Ҷумҳурии Корея бо мудири иҷроияи AFoCO мулоқот намуд
Дар Боку тавсеаи ҳамкории Тоҷикистон ва Озарбойҷон дар соҳаи воситаҳои ахбори омма баррасӣ гардид
Дар Сафорати Ҷумҳурии Тоҷикистон дар Русия Рӯзи Модар таҷлил гардид
Сафири Тоҷикистон дар Амрико бо Директори иҷроияи ширкати Mooney Group мулоқот кард
