Дар Суғд ҳамкорӣ ва робитаҳои тиҷоративу иқтисодӣ миёни Тоҷикистон ва Туркия баррасӣ шуданд
ДУШАНБЕ, 31.03.2022 /АМИТ «Ховар»/. 30 март зимни вохӯрии Раиси кулли Палатаи савдо ва саноати вилояти Суғд Муҳаммадҷон Муҳамедҷонов бо Раиси Шӯрои тиҷоратии Тоҷикистон ва Туркия Ҷаҳонгир Фикрӣ Саатчиоглу масъалаҳо оид ба фазои сармоягузории вилояти Суғд, иқтидори иқтисодӣ, таҳлили робитаҳои мавҷудаи тиҷоративу иқтисодӣ баррасӣ гардиданд. Дар ин бора ба АМИТ «Ховар» дар Палатаи мазкур иттилоъ доданд.
Зимни вохӯрӣ Муҳаммадҷон Муҳамедҷонов оид ба фазои сармоягузории вилояти Суғд, иқтидори иқтисодӣ, таҳлили робитаҳои мавҷудаи тиҷоративу иқтисодӣ, бахшҳои ояндадори иқтисодиёт, инчунин инконият ва имтиёзҳои Минтақаи озоди иқтисодии «Суғд» ки дар онҳо сармоягузории Туркия имконпазир аст, ба Ҷаҳонгир Фикрӣ Саатчиоглу маълумоти васеъ пешниҳод намуд.
Ҷаҳонгир Фикрӣ дар бораи фаъолияташ дар чаҳорчӯби Шӯрои тиҷоратии дуҷониба, афзоиши гардиши мол миёни кишварҳо, зарурати баргузории вохӯриҳои муштарак ва форумҳои тиҷоратӣ ҷиҳати муайян намудани иқтидори сармоягузорӣ сухан гуфта, соҳибкорони вилояти Суғдро барои иштирок дар форуми тиҷоратӣ, ки дар шаҳри Измир доир мегардад, даъват намуд.
Дар ҷараёни суҳбат оид ба масъалаҳое, ки ҳарду ҷониб нисбат ба он мароқ зоҳир намуданд, мубодилаи афкор сурат гирифт.
Дар фарҷоми вохӯрӣ Раиси кулли Палатаи савдо ва саноати вилояти Суғд доираҳои тиҷоратии Туркияро барои иштирок дар Намоишгоҳи байналмилалии «Суғд – 2022», ки моҳи июли соли 2022 дар шаҳри Хуҷанд баргузор мегардад, даъват намуд.
АКС: ПССТ дар вилояти Суғд
Хушкмеваҳои Тоҷикистон дар шаҳри Пензаи Федератсияи Русия талабгори зиёд пайдо намудаанд
Дар Душанбе масъалаҳои марбут ба ҷалби сармояи мустақими Эрон ба иқтисодиёти Тоҷикистон баррасӣ шуданд
Тоҷикистон ва Эрон дар самти густариши ҳамкории саноатӣ ва тиҷоратӣ ба мувофиқа расиданд
Дар Душанбе тақвияти ҳамкории гумрукӣ байни Тоҷикистон ва Узбекистон баррасӣ гардид
Дар ҷаласаи гурӯҳи корӣ масъалаи пешгирии талафот ва истифодаи ғайриқонунии неруи барқ баррасӣ шуд
Ҷаласаи муштараки гурӯҳи корӣ ва муколамаи миллии сиёсӣ оид ба идоракунии захираҳои об баргузор гардид
Ҳаҷми гардиши савдо байни Тоҷикистон ва Эрон 483,9 миллион доллари амрикоиро ташкил дод
Тоҷикистон бо Бонки Осиёии Рушд дар самти рақамикунонии фаъолияти гумрукӣ ҳамкориро густариш медиҳад
Муовини Сарвазири Тоҷикистон бо корҳои созандагию ободонӣ дар ноҳияи Ёвон шинос гардид
Дар Душанбе ҷаласаи 13-уми Комиссияи байниҳукуматӣ оид ба ҳамкории тиҷоратӣ ва иқтисодии Тоҷикистону Узбекистон баргузор шуд
Байни Тоҷикистон ва Гурӯҳи Бонки ҷаҳонӣ барои бунёди хати интиқоли барқ дар Тоҷикистон Созишномаи молиявии грантӣ ба имзо расид
Вазири саноат, маъдан ва тиҷорати Ҷумҳурии Исломии Эрон ба Тоҷикистон ташриф овард
